ពុទ្ធបរិស័ទបួនពួកគឺ ភិក្ខុ សាមណេរ ឧបាសក ឧបាសិកាហ្នឹងហើយជាអ្នកជ្រោង ជាគ្រឹះដ៏រឹងមាំទល់ទ្រព្រះពុទ្ធសាសនាឱ្យខ្ពស់ត្រដែតដោយការគោរពធម៌វិន័យ សង្រួមឥន្ទ្រិយ ប្រតិបត្តិត្រៃសិក្ខាឱ្យបានខ្ជាប់ខ្ជួនដើម្បីប្រយោជន៍សាសនារឹងមាំ ។ ព្រះសង្ឃជាភេទខ្ពង់ខ្ពស់…
ពុទ្ធបរិស័ទបួនពួកគឺ ភិក្ខុ សាមណេរ ឧបាសក ឧបាសិកាហ្នឹងហើយជាអ្នកជ្រោង ជាគ្រឹះដ៏រឹងមាំទល់ទ្រព្រះពុទ្ធសាសនាឱ្យខ្ពស់ត្រដែតដោយការគោរពធម៌វិន័យ សង្រួមឥន្ទ្រិយ ប្រតិបត្តិត្រៃសិក្ខាឱ្យបានខ្ជាប់ខ្ជួនដើម្បីប្រយោជន៍សាសនារឹងមាំ ។
ព្រះសង្ឃជាភេទខ្ពង់ខ្ពស់ និងជាស្រែបុណ្យរបស់ពុទ្ធបរិស័ទអ្នកផ្ញើទាន តែបើបែរជាអ្នកបួសខ្លះប្រព្រឹត្តខុសទៅនឹងធម៌វិន័យដ៏ធ្ងន់ធ្ងរ ធ្វើឱ្យតម្លៃឧត្តមភេទធ្លាក់ចុះពិបាកនឹងស្តារឡើងវិញ ចំណែកព្រះពុទ្ធសាសនាក៏នឹងត្រូវអាប់ឱនទៅព្រោះអ្នកប្រព្រឹត្តខុសទាំងនោះ ។
ជាក់ស្តែងព័ត៌មានដែលទើបកន្លងទៅថ្មីៗនេះ មានករណីលេចធ្លាយរូបថតព្រះគ្រូចៅអធិការវត្ត១អង្គនៅលើគ្រែជាមួយនឹងនារីដ៏ស្រស់ស្អាតម្នាក់ ហើយត្រូវបានបណ្តាញសង្គមបង្ហោះព្រោងព្រាតដែលនាំឱ្យប៉ះពាល់ដល់តម្លៃព្រះពុទ្ធសាសនាយ៉ាងធ្ងន់ធ្ងរបំផុត ។
ចំណែកមន្ត្រីសង្ឃដែលចូលទៅជំនុំជម្រះករណីនេះហាក់ដូចជាមិនទាន់ឃើញបានសម្រេចអ្វីជាដុំកំភួនសោះថាតើរូបថតដែលលេចធ្លាយនោះជារូបពិត ឬជារូបកាត់តឱ្យប្រាកដមួយណានៅឡើយទេ ក៏ស្ងាត់ឈឹងទៅវិញមហាជនកំពុងតែងឿងឆ្ងល់ ។
ឯជនពួកខ្លះទៀត ខ្លួនមិនមែនជាអ្នកបួសទេ តែក្លែងធ្វើជាសង្ឃដើរបិណ្ឌបាត រៃលុយពីអ្នកស្រុកយ៉ាងគឃ្លើនជាហេតុនាំឱ្យរង្កៀសចិត្តដល់អ្នកមានសទ្ធា ។
នេះជារឿងធ្វើឱ្យប៉ះពាល់ដល់សេចក្តីថ្លៃថ្នូរនៃព្រះពុទ្ធសាសនា ដែលកើតចេញពីអ្នកបួសខិលខូចមួយចំនួនតូចប្រព្រឹត្តប្រាសចាកធម៌វិន័យ ដែលករណីទាំងអស់នេះក្រសួងស្ថាប័នពាក់ព័ន្ធមិនគួរនៅស្ងៀមនោះទេ គប្បីមានវិធានការទប់ស្កាត់ឱ្យមានប្រសិទ្ធភាព ។
ចែករំលែកព័តមាននេះ