សេចក្ដីប្រាថ្នាដែលបានផុសឡើងចេញពីសន្ដានចិត្ត ដែលជោកជាំដោយរាគៈជាដើមនោះ វាមិនមែនជារឿងដែលបានមកតាមតែតម្រូវការឡើយ លុះណាតែបុគ្គលតស៊ូ អំណត់ ព្យាយាមដ៏ខ្លាំងក្លា បូករួមនឹងសមត្ថភាពថែមទៀតទើបអាចសម្រេចក្តីបំណងបាន បើពុំនោះទេវានឹងផ្ដល់នូវការខកចិត្តដល់អ្នកវិញមិនខាន តែទោះជាយ៉ាងណារបស់ដទៃៗក្នុងលោកនេះមិនមែនជាទីពឹងពិតប្រាកដឡើយ មានតែព្រះធម៌ទើបជាទីពឹងពិតប្រាកដ…
សេចក្ដីប្រាថ្នាដែលបានផុសឡើងចេញពីសន្ដានចិត្ត ដែលជោកជាំដោយរាគៈជាដើមនោះ វាមិនមែនជារឿងដែលបានមកតាមតែតម្រូវការឡើយ លុះណាតែបុគ្គលតស៊ូ អំណត់ ព្យាយាមដ៏ខ្លាំងក្លា បូករួមនឹងសមត្ថភាពថែមទៀតទើបអាចសម្រេចក្តីបំណងបាន បើពុំនោះទេវានឹងផ្ដល់នូវការខកចិត្តដល់អ្នកវិញមិនខាន តែទោះជាយ៉ាងណារបស់ដទៃៗក្នុងលោកនេះមិនមែនជាទីពឹងពិតប្រាកដឡើយ មានតែព្រះធម៌ទើបជាទីពឹងពិតប្រាកដ ។
ព្រះពុទ្ធជាម្ចាស់នៃយើង ដែលបានត្រាស់ដឹងនូវព្រះធម៌ គឺ ទ្រង់មិនមានព្រះទ័យចង់បាននូវអ្វីផ្សេងទៀតឡើយ ព្រោះព្រះអង្គបាននូវទីពឹងដ៏ប្រសើរ មិនមានអ្វីដទៃក្រៃលែងជាងនេះឡើយ ព្រះធម៌ទើបបានជាទីពឹងរឹងមាំ ។
សូមពុទ្ធបរិស័ទទាំងឡាយ ត្រូវព្យាយាមយកព្រះធម៌ជាទីពឹងទីពំនាក់អាស្រ័យ មិនថា ជាតិនេះ ឬជាតិមុខគឺត្រូវតែមានសន្ដានចិត្តយកព្រះធម៌ជាទីពឹង កុំយកវត្ថុអ្វីដទៃជាទីពឹងមិនរឹងមាំទេ ។
ចែករំលែកព័តមាននេះ