សម្រេចឃុំខ្លួនក្រុមឧកញ៉ា សុខ ប៊ុន ដាក់ពន្ធនាគារ
- ភ្នំពេញ
រាជធានីភ្នំពេញ ៖ ទីបំផុត លោក រស់ ពិសិដ្ឋចៅក្រមស៊ើបសួរសាលាដំបូងរាជធានីភ្នំពេញ កាលពីព្រលប់ថ្ងៃទី២៤ មិថុនា បានសម្រេចចេញដីកាឃុំខ្លួនជនសង្ស័យចំនួន៦នាក់ ដែលជាក្រុមឧកញ៉ា…
រាជធានីភ្នំពេញ ៖ ទីបំផុត លោក រស់ ពិសិដ្ឋចៅក្រមស៊ើបសួរសាលាដំបូងរាជធានីភ្នំពេញ កាលពីព្រលប់ថ្ងៃទី២៤ មិថុនា បានសម្រេចចេញដីកាឃុំខ្លួនជនសង្ស័យចំនួន៦នាក់ ដែលជាក្រុមឧកញ៉ា…
រាជធានីភ្នំពេញ ៖ ទីបំផុត លោក រស់ ពិសិដ្ឋចៅក្រមស៊ើបសួរសាលាដំបូងរាជធានីភ្នំពេញ កាលពីព្រលប់ថ្ងៃទី២៤ មិថុនា បានសម្រេចចេញដីកាឃុំខ្លួនជនសង្ស័យចំនួន៦នាក់ ដែលជាក្រុមឧកញ៉ា សុខ បុ៊ន ពាក់ព័ន្ធនឹងករណីក្លែងឯកសារសាធារណៈ និងប្រើប្រាស់ឯកសារសាធារណៈក្លែង ។ ការសម្រេចឃុំខ្លួនក្រុមជនសង្ស័យ គឺយោងលើការចោទរបស់ស្ថាប័នអយ្យការ ក្រោយពីបញ្ចប់ការស៊ើបសួរ និងដាក់ឲ្យស្ថិតក្រោមការត្រួតពិនិត្យតាមផ្លូវតុលាការ ។
ជនសង្ស័យទាំង៦នាក់នេះមាន ៖ ១-ឈ្មោះ អ៊ួង និត ភេទប្រុស អាយុ៥០ឆ្នាំ ត្រូវបានចោទប្រកាន់ពីបទបំផ្លាចដោយចេតនា និងគៃបំបាត់ដោយទុច្ចរិត(វិតិក្រម) ក្លែងបន្លំឯកសារសាធារណៈ និងប្រើប្រាស់ឯកសាធារណៈក្លែង ប្រព្រឹត្តនៅសង្កាត់កោះរ៉ុង ក្រុងកោះរ៉ុង ខេត្តព្រះសីហនុ កាលពីអំឡុងឆ្នាំ២០១៦ដល់ឆ្នាំ២០១៩ ដែលបទល្មើសនេះមានចែងតាមមាត្រា៦០១ មាត្រា៥៩២ មាត្រា៥៩៣ មាត្រា៦២៩ និងមាត្រា៦៣០នៃក្រមព្រហ្ម ។ ២-ឈ្មោះ សេង ហួលាង ភេទប្រុស អាយុ៤៨ឆ្នាំ ៣-ឈ្មោះ ហែម សាឡេះ ភេទប្រុស អាយុ៥៣ឆ្នាំ ៤-ឈ្មោះ កែវ សោម ភេទប្រុស អាយុ៥១ឆ្នាំ ៥-ឈ្មោះ កែវ ពៅ ភេទប្រុស អាយុ៦១ឆ្នាំ ទាំង៤នាក់នេះត្រូវបានចោទប្រកាន់ពីបទបំផ្លាញដោយចេតនា និងគៃបំបាត់ដោយទុច្ចរិត ក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែង ប្រព្រឹត្តនៅសង្កាត់កោះរ៉ុង ក្រុងកោះរ៉ុង ខេត្តព្រះសីហនុ ក្នុងអំឡុងឆ្នាំ២០១៦ ដល់ឆ្នាំ២០១៩ តាមបញ្ញតិ្តមាត្រា៦០១ មាត្រា៥៩២ មាត្រា៥៩៣ មាត្រា
៦២៩ និងមាត្រា៦៣០ នៃក្រមព្រហ្មទណ្ឌ និង៦-ឈ្មោះ សុខ ប៊ុន ភេទប្រុស អាយុ៤១ឆ្នាំ ត្រូវបានចោទប្រកាន់ពីបទ ក្លែងបន្លំឯកសារសាធារណៈ ប្រើប្រាស់ឯកសារសាធារណៈក្លែងនិងផ្តើមគំនិតក្នុងអំពើបំផ្លាញដោយចេតនា និងគៃបំបាត់ដោយទុច្ចរិត ប្រព្រឹត្តនៅឆ្នាំ២០១៦ ដល់ឆ្នាំ២០១៩ តាមបញ្ញតិ្តមាត្រា៦២៩ មាត្រា៦៣០ និងមាត្រា២៨(៦០១) នៃក្រមព្រហ្មទណ្ឌ ។
ចែករំលែកព័តមាននេះ