រាជធានីភ្នំពេញ ៖ កម្លាំងប៉ុស្តិ៍នគរបាលរដ្ឋបាលចោមចៅ៣ នៃអធិការដ្ឋាននគរបាលខណ្ឌពោធិ៍សែនជ័យ បង្ក្រាបឃាត់ខ្លួនជនសង្ស័យ២នាក់ ករណីប្រព្រឹត្តអំពើលួច និងទទួលផលចោរកម្ម(ម៉ូតូចំនួន០១គ្រឿង) ។ នេះបើយោងតាមផេក ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញបានប្រកាសនាយប់ថ្ងៃទី០៥ ខែកក្កដានេះ ។
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានបន្តថា នៅថ្ងៃទី០៣ ខែកក្កដា ឆ្នាំ២០២៦ វេលាម៉ោង០២ និង៣០នាទី នៅចំណុចស្ថិតនៅភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ មានករណីប្រព្រឹត្ដអំពើលួច (ម៉ូតូ ) ដែលបង្កឡើងដោយជនសង្ស័យចំនួន ០១ នាក់ កើតឡើង០១លើក ស្លៀកពាក់ស៊ីវិល មធ្យោបាយថ្មើរជើង។
ជនសង្ស័យឈ្មោះ ១.ឈ្មោះ ឆេង ថុនា ភេទប្រុស អាយុ២០ឆ្នាំ មុខរបរមិនប្រាកដ មានទីលំនៅបន្ទប់ជួល ភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។ (អ្នកប្រព្រឹត្តិអំពើលួចម៉ូតូ) ។
២.ឈ្មោះ មិន ដារ៉ា ភេទប្រុស អាយុ៣៤ ឆ្នាំ មុខរបរ អ្នកដឹកឥវ៉ាន់ មានទីលំនៅ បន្ទប់ជួល សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ។(អ្នកទទួលផលចោរកម្ម) ។
ជនរងគ្រោះឈ្មោះ សុផល មួយហេង ភេទស្រី អាយុ១៩ឆ្នាំ មុខរបរកម្មកររោងចក្រ មានទីលំនៅ បន្ទប់ ជួល ភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។ ចំពោះសម្ភារ បាត់បង់ម៉ូតូ ម៉ាក ស៊ុយស៊ូគី និច ពណ៌លឿង ឆ្នាំផលិត ២០២៥ ពាក់ ផ្លាកលេខ ភ្នំពេញ 1LT-6342 ចំនួន ០១គ្រឿង ។
ចំពោះវត្ថុតាងចាប់យក ១.ម៉ូតូម៉ាកស៊ុយស៊ូគីនិច ពណ៌លឿង ឆ្នាំផលិត២០២៥ ពាក់ផ្លាកលេខ ភ្នំពេញ 1LT-6342 ចំនួន ០១គ្រឿង។ (ប្រគល់ជូនជនរងគ្រោះវិញ) ។ ២.ទូរស័ព្ទម៉ាកIphone SE ពណ៍ក្រហម ១គ្រឿង។
៣.ទូរស័ព្ទម៉ាកOppo ពណ៍ស០១គ្រឿង ។ បច្ចុប្បន្នជនសង្ស័យខាងលើសមត្ថកិច្ចកំពុងធ្វើការឃាត់ខ្លួន និងបន្តអនុវត្តតាមនីតិវិធី ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ