រដ្ឋបាលក្រុងសំរោង បានចេញសេចក្តីជូនដំណឹងមួយ ស្តីពីការបំផ្ទុះកម្ទេចគ្រាប់យុទ្ធភណ្ឌមិនទាន់ផ្ទុះ ដើម្បីជម្រាបជូនដំណឹងដល់បងប្អូនប្រជាពលរដ្ឋក្នុងមូលដ្ឋាន កុំឱ្យមានការភ្ញាក់ផ្អើល ឬភិតភ័យ ។
ជាក់ស្តែងរដ្ឋបាលក្រុងសំរោង បានប្រកាសនាថ្ងៃទី០៥ ខែកក្កដា ឆ្នាំ២០២៦នេះថា ៖ ក្រុមការងារកម្ទេចគ្រាប់នៃ CMAC នឹងធ្វើការកម្ទេចគ្រាប់មិនទាន់ផ្ទុះចំនួន១០០គ្រាប់ ។ ប្រតិបត្តិការនេះ នឹងត្រូវធ្វើឡើងនៅថ្ងៃទី០៦ ខែកក្កដា ឆ្នាំ២០២៦ ខាងមុខនេះ ចាប់ពីម៉ោង ០៩:០០ ដល់ម៉ោង ១១:០០ នាទីព្រឹក ដែលមានទីតាំងស្ថិតនៅភូមិកូនដំរី សង្កាត់សំរោង ក្រុងសំរោង។
អាស្រ័យហេតុនេះ សូមបងប្អូនប្រជាពលរដ្ឋទាំងអស់ មេត្តាជ្រាបជាដំណឹង និងសូមកុំមានការភិតភ័យ ឬយល់ច្រឡំចំពោះសូរផ្ទុះក្នុងអំឡុងពេលម៉ោងប្រតិបត្តិការខាងលើនេះឡើយ ចៀសវាងការបង្កការឆោឡោណាមួយកើតឡើង៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ