ស្ថិតិពីអាជ្ញាធរមីនកម្ពុជា បានឲ្យដឹងថា ជនរងគ្រោះដោយសារមីន និងសំណល់ជាតិផ្ទុះពីសង្គ្រាម (ERW) នៅកម្ពុជានៅឆមាសទី១នៃឆ្នាំ២០២៦នេះ មានចំនួន២៨នាក់ ដែលកើនឡើង១៦,៦ ភាគរយបើប្រៀបធៀបទៅនឹងជនរងគ្រោះចំនួន ២៤ នាក់ក្នុងអំឡុងពេលដូចគ្នាកាលពីឆ្នាំមុន ។
នៅក្នុងចំណោមជនរងគ្រោះទាំងអស់ជនរងគ្រោះ៧ នាក់ បានស្លា.ប់១៥នាក់រងរបួស និង៦នាក់បានធ្លាក់ខ្លួនពិការ ។
ជាមួយនឹងករណីទាំងនេះ ការផ្ទុះមីន និងសំណល់ជាតិផ្ទុះពីសង្គ្រាមបានឆក់យកជីវិតមនុស្សសរុបចំនួន១៩.៨៥២ នាក់ និងរបួស ឬពិការមានចំនួន ៤៥.៣០១ នាក់ផ្សេងទៀតចាប់តាំង ឆ្នាំ១៩៧៩ ដល់ខែមិថុនា ឆ្នាំ២០២៦។
នៅពេលនេះ កម្ពុជានៅតែជាប្រទេសមួយក្នុងចំណោមប្រទេសដែលរងផលប៉ះពាល់យ៉ាងធ្ងន់ធ្ងរបំផុតរបស់ពិភពលោកដោយមីន និងសំណល់ជាតិផ្ទុះពីសង្គ្រាម ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ