ខេត្តកំពត ៖ បុរសម្នាក់ត្រូវសមត្ថកិច្ចស្រុកអង្គរជ័យឃាត់ខ្លួនបញ្ជូនទៅកាន់ស្នងការដ្ឋាននគរបាលខេត្តកំពត ក្រោយពីជនសង្ស័យបានវាយនិងកាប់ម្តាយ បណ្តាលឱ្យស្លាប់បាត់បង់ជីវិត ព្រោះតែខឹងសុំលុយចាយមិនបាន។ ហេតុការណ៍ខាងលើនេះបានកើតឡើងកាលពីវេលាម៉ោង៥និង៣០នាទីល្ងាចថ្ងៃទី២៥ ខែមិថុនា ឆ្នាំ២០១៩ ស្ថិតក្នុងភូមិត្រពាំងខ្យង…
ខេត្តកំពត ៖ បុរសម្នាក់ត្រូវសមត្ថកិច្ចស្រុកអង្គរជ័យឃាត់ខ្លួនបញ្ជូនទៅកាន់ស្នងការដ្ឋាននគរបាលខេត្តកំពត ក្រោយពីជនសង្ស័យបានវាយនិងកាប់ម្តាយ បណ្តាលឱ្យស្លាប់បាត់បង់ជីវិត ព្រោះតែខឹងសុំលុយចាយមិនបាន។
ហេតុការណ៍ខាងលើនេះបានកើតឡើងកាលពីវេលាម៉ោង៥និង៣០នាទីល្ងាចថ្ងៃទី២៥ ខែមិថុនា ឆ្នាំ២០១៩ ស្ថិតក្នុងភូមិត្រពាំងខ្យង ឃុំអង្គភ្នំតូច ស្រុកអង្គរជ័យ ខេត្តកំពត។
ជនរងគ្រោះដែលស្លាប់ឈ្មោះ សេង នាង ភេទស្រី អាយុ៧២ឆ្នាំ ត្រូវជាម្តាយបង្កើតរបស់ជនដៃដល់ ចំណែកជនសង្ស័យជាកូនឈ្មោះ ផាត់ ដារា ភេទប្រុស អាយុ២៧ឆ្នាំ ។ ទាំងជនរងគ្រោះ និងជនសង្ស័យរស់នៅក្នុងភូមិឃុំកើតហេតុខាងលើ ។
លោកវរសេនីយ៍ទោ ឈិន ឈាង នាយការិយាល័យព្រហ្មទណ្ឌកំរិតធ្ងន់នៃស្នងការដ្ឋានខេត្តកំពតបានឲ្យដឹងថា ជនសង្ស័យជាមនុស្សសតិមិនល្អ ហើយនៅមុនកើតហេតុ ជនសង្ស័យបានទៅសុំលុយម្តាយ(ស្ត្រីរងគ្រោះដែលស្លាប់)ចាយ ប៉ុន្តែម្តាយរបស់ជនសង្ស័យបានប្រាប់ថា គាត់អត់មានលុយទេ ទើបធ្វើឱ្យជនសង្ស័យខឹងសម្បារយ៉ាងខ្លាំង ហើយក៏ធ្វើសកម្មភាពវាយ និងយកកាំបិតកាប់ម្តាយ បណ្តាលឱ្យស្ត្រីជាម្តាយរងរបួសធ្ងន់ធ្ងរត្រូវបានសាច់ញាតិដឹកយកទៅសង្គ្រោះដែរ ប៉ុន្តែដោយសាររបួសធ្ងន់ធ្ងើពេក ស្ត្រីរងគ្រោះក៏បានស្លាប់បាត់បង់ជីវិតនៅតាមផ្លូវតែម្តង។
បច្ចុប្បន្ន ជនសង្ស័យត្រូវបានសមត្ថកិច្ចការិយាល័យព្រហ្មទណ្ឌកម្រិតធ្ងន់កសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ