ខេត្តមណ្ឌលគិរី ៖ បុរសជនជាតិព្នងម្នាក់ត្រូវសមត្ថកិច្ចខេត្តក្រចេះ-មណ្ឌលគិរី សហការគ្នាចាប់ខ្លួនក្រោយពីបានល្បួងនារីក្រមុំម្នាក់ចេញពីផ្ទះអស់២ថ្ងៃមកហើយ ដែលហេតុការណ៍នេះបានកើតឡើងកាលពីម៉ោង ៧និង៣០នាទី នៅថ្ងៃទី២៥ ខែមិថុនា ឆ្នាំ២០១៩ ។…
ខេត្តមណ្ឌលគិរី ៖ បុរសជនជាតិព្នងម្នាក់ត្រូវសមត្ថកិច្ចខេត្តក្រចេះ-មណ្ឌលគិរី សហការគ្នាចាប់ខ្លួនក្រោយពីបានល្បួងនារីក្រមុំម្នាក់ចេញពីផ្ទះអស់២ថ្ងៃមកហើយ ដែលហេតុការណ៍នេះបានកើតឡើងកាលពីម៉ោង ៧និង៣០នាទី នៅថ្ងៃទី២៥ ខែមិថុនា ឆ្នាំ២០១៩ ។
ប្រភពបានឲ្យដឹងថា កម្លាំងប៉ុស្តិ៍នគរបាលរដ្ឋបាលថ្មី (ខេត្តក្រចេះ) សហការជាមួយប៉ុស្តិ៍នគរបាលរដ្ឋបាលស្រែឈូក (ខេត្តមណ្ឌលគិរី) រួមនឹងកម្លាំងជំនាញការិយាល័យប្រឆាំងការជួញដូរ និងការពារអនីតិជន នៃស្នងការដ្ឋាននគរបាលខេត្តមណ្ឌលគិរី បានចុះប្រតិបត្តិការស្រាវជ្រាវរកក្មេងស្រីអាយុ១៦ឆ្នាំ ជនជាតិព្នង មុខរបរកសិករ ស្នាក់នៅឃុំស្រែឈូក ស្រុកកែវសីមា ដែលបានបាត់ខ្លួនកាលពីម៉ោង៩យប់ ថ្ងៃទី២៣ ខែមិថុនា ឆ្នាំ២០១៩។
ក្នុងប្រតិបត្តិការខាងលើនេះ សមត្ថកិច្ចស្រាវជ្រាវរកឃើញថា ការបាត់ខ្លួនរបស់ក្មេងស្រីរូបនេះមានការពាក់ព័ន្ធនឹងបុរសម្នាក់ឈ្មោះ កេត កៃ អាយុ៥៨ឆ្នាំ ជនជាតិព្នង សញ្ជាតិខ្មែរ ទីលំនៅបច្ចុប្បន្នភូមិទ្រាប ឃុំថ្មី ស្រុកចិត្របុរី ខេត្តក្រចេះ។ តែសមត្ថកិច្ចមិនទាន់បញ្ជាក់ថា នារីរងគ្រោះនឹងបុរសម្នាក់នោះមានទំនាក់ទំនងស្នេហា ឬជាករណីអ្វីនោះទេ។
បច្ចុប្បន្នកម្លាំងជំនាញកំពុងធ្វើការសាកសួរក្មេងស្រីរងគ្រោះ និងធ្វើការឃាត់ខ្លួន និងសាកសួរឈ្មោះ កេត កៃ នៅប៉ុស្តិ៍នគរបាលរដ្ឋបាលថ្មី ដើម្បីបន្តចំណាត់ការតាមនីតិវិធីច្បាប់។ (កែសម្រួលដោយ ៖ បុប្ផា)
ចែករំលែកព័តមាននេះ