វិធី​សន្សំ​ថវិកា​នៅ​ពេល​ដើរ​លេង​ក្រៅប្រទេស


មនុស្ស​ជា​ច្រើន​ដែល​ចូល​ចិត្ត​ដើរ​លេង​លំហែកាយ​តែងតែ​ដឹង​ច្បាស់​ថា ការ​ចំណាយ​លើ​ការ​ស្នាក់​នៅ​ពេល​ខ្លះ​ខ្ពស់​ជាង​ការ​ទទួលទាន​អាហារ និង​ធ្វើ​ដំណើរ​ជា​ច្រើន​ដង ជា​ពិសេស​ប្រសិនបើ​អ្នក​ធ្វើ​ដំណើរ​ទៅ​កាន់​បរទេស ។ ប៉ុន្តែ​វា​មិនមែន​ជា​រឿង​មិន​អាច​ទៅ​រួច​ទេ សម្រាប់​អ្នកដំណើរ​ក្នុង​ការ​កាត់​បន្ថយ​ការ​ចំណាយ​ក្នុង​ការ​ស្នាក់​នៅ​ពេល​ដែល​ទៅ​លំហែកាយ ។ ខាងក្រោម​នេះ គឺជា​វិធី​ងាយ​ៗ​ដែល​អ្នក​អាច​អនុវត្ត​តាម ដើម្បី​កាត់​បន្ថយ​ការ​ចំណាយ​ទាំងនេះ​៖

១. ជ្រើស​ថ្ងៃ​ទៅ​លំហែកាយ​ដោយ​ប្រុង​ប្រយ័ត្ន
សណ្ឋាគារ​ផ្តល់​បន្ទប់​ក្នុង​តម្លៃ​ទាប​នៅ​ពាក់កណ្តាល​ស​ប្តា​ហ៍ ។ ប្រសិនបើ​អ្នក​មិន​ចង់​បង់ថ្លៃ​បន្ទប់​ខ្ពស់​ទេ អ្នក​គួរតែ​ព្យាយាម​ជៀសវាង​ថ្ងៃ​សុក្រ និង​ថ្ងៃ​សៅរ៍ ។ លើស​ពី​នេះ​ទៅ​ទៀត សំបុត្រ​យន្តហោះ​ក៏​មាន​តម្លៃ​ខ្ពស់​ជាងគេ​នៅ​ថ្ងៃ​ចុង​ស​ប្តា​ហ៍​ដែរ ។

២. ជៀសវាង​រដូវ​កាល​វិស្សមកាល
ប្រសិនបើ​អ្នក​មានកូន​ៗ ឬ​អ្នក​មិន​អាច​ឈប់​សម្រាក​ពី​កន្លែង​ការងារ​បាន អ្នក​មិន​មាន​ជម្រើស​ច្រើន​ក្រៅពី​ទៅ​លំហែកាយ​នៅ​ថ្ងៃ​បុណ្យ​ជាតិ ឬ​វិស្សមកាល​ឡើយ ។ ប៉ុន្តែ​អ្នក​គួរ​ដឹង​ថា វា​ជា​ពេល​ដែល​សណ្ឋាគារ និង​កន្លែង​ផ្តល់​សេវាកម្ម​ស្នាក់​នៅ​ផ្សេង​ៗ​បង្កើន​តម្លៃ​របស់​ខ្លួន​ដល់​ទៅ​ពាក់កណ្តាល ឬ​ទ្វេ​ដង​ឯណោះ ។
ដូច្នេះ​ប្រសិនបើ​អ្នក​អាច​ជៀសវាង​បាន អ្នក​គួរតែ​ជៀសវាង​រដូវ​កាល​ទាំងនេះ ។ ប្រសិនបើ​អ្នក​ធ្វើ​ដំណើរ​ទៅ​បរទេស​វិញ អ្នក​ក៏​ត្រូវ​ពិនិត្យ​មើល​ថា វា​ប៉ះ​នឹង​បុណ្យ​ជាតិ​នៅ​ក្នុង​ប្រទេស​នោះ​ឬទេ ព្រោះ​វា​ក៏​ជា​ពេល​ដែល​តម្លៃ​កើនឡើង​ដែរ ។

៣. ជៀសវាង​ស្នាក់​នៅ​កណ្តាល​ក្រុង
វា​ជា​រឿង​ធម្មតា​ដែល​មនុស្ស​ភាគច្រើន​ចូល​ចិត្ត​ស្នាក់​នៅ​ទីប្រជុំជន ព្រោះ​វា​ស្ថិត​ជិត​ទីតាំង​ទេសចរណ៍​ផ្សេង​ៗ និង​មាន​ហាង​ទំនិញ ឬ​ផ្សារ​ទំនើប​ច្រើន ។ ប៉ុន្តែ​ប្រសិនបើ​អ្នក​ធ្វើ​ដំណើរ​ទៅ​កាន់​ទីក្រុង​ធំ​ៗ អ្នក​មិន​គួរ​ព្រួយបារម្ភ​ទេ ព្រោះ​ទីក្រុង​ទាំងនេះ​មាន​ប្រព័ន្ធ​ដឹក​ជញ្ជូន និង​ធ្វើ​ដំណើរ​យ៉ាង​ងាយស្រួល និង​លឿន​ថែម​ទៀត​ផង ។

ឧទាហរណ៍​ដូច​ជា ប្រទេស​សិង្ហ​បុរី​ដែល​មាន​ប្រព័ន្ធ​រថភ្លើង​យ៉ាង​ងាយស្រួល ។ ដូច្នេះ​អ្នក​អាច​ស្នាក់​នៅ​ជាយក្រុង​បាន ដើម្បី​កាត់​បន្ថយ​ការ​ចំណាយ​ក្នុង​ការ​ស្នាក់​នៅ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ