រាជធានីភ្នំពេញ ៖ ខណៈមេឃកំពុងធ្លាក់ភ្លៀងខ្លាំង ស្រាប់តែមានរថយន្តសណ្តោងទូកុងតឺន័រមួយគ្រឿងមកបុករថយន្តមួយគ្រឿងម៉ាកតាកូម៉ាពីចំហៀងរួចរុញទៅផ្ទប់របាំងពុះចែកទ្រូងផ្លូវ បណ្តាលឱ្យរលំបាក់អស់មួយផ្ទាំង បន្ទាប់មករថយន្តបង្កបើកគេចបាត់។ ហេតុការណ៍ខាងលើនេះបានកើតឡើងកាលពីម៉ោង១១និង៣០នាទីយប់ថ្ងៃទី២២ មិថុនា២០១៩ នៅលើផ្លូវជាតិលេខ៤ ភូមិជំម្ពូវ័ន្ត…
រាជធានីភ្នំពេញ ៖ ខណៈមេឃកំពុងធ្លាក់ភ្លៀងខ្លាំង ស្រាប់តែមានរថយន្តសណ្តោងទូកុងតឺន័រមួយគ្រឿងមកបុករថយន្តមួយគ្រឿងម៉ាកតាកូម៉ាពីចំហៀងរួចរុញទៅផ្ទប់របាំងពុះចែកទ្រូងផ្លូវ បណ្តាលឱ្យរលំបាក់អស់មួយផ្ទាំង បន្ទាប់មករថយន្តបង្កបើកគេចបាត់។
ហេតុការណ៍ខាងលើនេះបានកើតឡើងកាលពីម៉ោង១១និង៣០នាទីយប់ថ្ងៃទី២២ មិថុនា២០១៩ នៅលើផ្លូវជាតិលេខ៤ ភូមិជំម្ពូវ័ន្ត សង្កាត់ចោមចៅ៣ ខណ្ឌពោធិ៍សែនជ័យ។
តាមប្រភពព៍ត៌មានបានឲ្យដឹងថា នៅមុនកើតហេតុ ខណៈមេឃកំពុងធ្លាក់ភ្លៀងយ៉ាងខ្លាំង គេឃើញបុរសម្នាក់បានបើកបររថយន្តមួយគ្រឿងម៉ាកតាកូម៉ា ពណ៌ស្ករ ពាក់ស្លាកលេខ កំពត ២A-១៦២៤ ធ្វើដំណើរក្នុងទិសដៅពីលិចទៅកើត លុះមកដល់ចំណុចខាងលើ ស្រាប់តែមានរថយន្តមួយគ្រឿងមានសណ្តោងទូកុងតឺន័របានបើកមកពីក្រោយ រួចបុកនិងកៀររថយន្តម៉ាកតាកូម៉ារុញទៅផ្ទប់នឹងរបាំងថ្មពុះចែកទ្រូងផ្លូវ បណ្តាលអោយរលំបាក់អស់មួយផ្ទាំង ចំណែករថយន្តតាកូម៉ាបានរងការខូចខាតផ្នែកខាងមុខ បន្ទាប់មករថយន្តបង្កបានបន្ថែមល្បឿនបើកទៅមុខបាត់ស្រមោលតែម្តង។
ក្រោយកើតហេតុ រថយន្តម៉ាកតាកូម៉ាខាងលើត្រូវបានសមត្ថកិច្ចមកស្ទូចអូសយកទៅរក្សាទុកនៅការិយា ល័យនគរបាលចរាចរណ៍ជើងគោករាជធានីភ្នំពេញ រង់ចាំដោះស្រាយផលប៉ះពាល់នៅពេលក្រោយ ៕ (កែសម្រួលដោយ ៖ ធីតា)
ចែករំលែកព័តមាននេះ