ខេត្តព្រះសីហនុ ៖ ព្រះមហាក្សតហៅឧបទ្ទវហេតុនេះថា «ជាករណីដ៏រន្ធត់» ហើយមួយថ្ងៃក្រោយហេតុការណ៍រលំអគារនៅខេត្តព្រះសីហនុ ព្រះមហាក្សត្រសម្ដេចព្រះបរមនាថ នរោត្ដម សីហមុនី បានចូលរួមរំលែកមរណទុក្ខ ជាមួយក្រុមគ្រួសារនៃសពតាមរយៈទំព័រហ្វេសបុ៊ក នៅថ្ងៃអាទិត្យទី២៣ មិថុនា ។
សូមបញ្ជាក់ថា គិតមកត្រឹមម៉ោងជាង៨ព្រឹកថ្ងៃទី២៤មិថុនា នេះ អ្នកដែលស្លាប់ដោយសារការបាក់អគារនៅខេត្តព្រះសីហនុបានរកឃើញមានចំនួន២៥នាក់ និងរងរបួសមានចំនួន២៤នាក់ដដែល នៅក្នុងគំនរនៃបំណែកអគារនោះ ហើយខណៈពេលនេះ ក្រុមសង្គ្រោះនៅតែបន្តស្វែងរកមនុស្សនៅឡើយដែលគេមានការសង្ស័យថា អាចមានមនុស្សនៅក្នុងគំនរអគារដួលរលំនេះបន្តទៀត ។
ចំណែកសម្តេចតេជោនាយករដ្ឋមន្ដ្រី ហ៊ុន សែន ប៉ុន្មានម៉ោងក្រោយ ហេតុការណ៍បាក់រលំអគារនេះ បានផ្ញើសាររំលែកទុក្ខពីប្រទេសថៃដល់ក្រុមគ្រួសារអ្នកស្លាប់ផងដែរ ។ សម្តេចតេជោនាយករដ្ឋមន្ត្រី ចាត់ទុកករណីរលំបាក់អគារនេះ កើតឡើងដោយសារការធ្វេសប្រហែសរបស់ក្រុមហ៊ុនសាងសង់ ។ តាមរយៈសំណេរខ្លីអមដោយរូបភាពជាច្រើនសន្លឹក រំលេចឡើងក្នុងបណ្ដាញសង្គមហ្វេសប៊ុក ព្រះករុណាព្រះមហាក្សត្រ បានចូលរួមរំលែកមរណទុក្ខជាមួយក្រុមគ្រួសារនៃសព ព្រមទាំងជាមួយប្រជានុរាស្ត្រទូទាំងព្រះរាជាណាចក្រកម្ពុជា ។ បើតាមព្រះអង្គ ឧបទ្ទវហេតុបាក់រលំអគារនេះគឺជាករណីដ៏រន្ធត់ ។
លោក អុី សុខឡេង អភិបាលក្រុងព្រះសីហនុ បានថ្លែងនាព្រឹកថ្ងៃអាទិត្យទី២៣ ខែមិថុនាថា ប្រតិបត្កិការជួយសង្គ្រោះរុករកមនុស្សក្រោយ ពីបាក់រលំអគារកំពុងដំណើរការយ៉ាងសស្រាក់សស្រាំទាំងយប់ទាំងថ្ងៃ ដោយមានការចូលរួមពីកម្លាំងចម្រុះទូទាំងប្រទេសសរុបប្រមាណ១.២០០នាក់ និងមានការប្រើប្រាស់សុនខ ដើម្បីស្វែងរកអ្នកស្លាប់និងអ្នកនៅមានជីវិតដែលកំពុងស្ថិតក្រោមគំនរអគារ ។
សម្តេចតេជោផ្តល់ថវិកា១ម៉ឺនដុល្លារដល់ក្រុមគ្រួសាររងគ្រោះ
សម្តេចតេជោ ហ៊ុន សែន បានប្រកាសផ្តល់ថវិកា១ម៉ឺនដុល្លារ ដល់ក្រុមគ្រួសារសពជនរងគ្រោះម្នាក់ដោយសារការបាក់អគារនៅខេត្តព្រះសីហនុ ។សម្តេចតេជោ ហ៊ុន សែន បានសរសេរលើបណ្តាញសង្គមនាថ្ងៃទី២៣ ខែមិថុនាថា បងប្អូនជនរួមជាតិជាទីគោរពស្រឡាញ់ ។
សោកនាដកម្មបាក់អគារនៅខេត្តព្រះសីហនុ គឺជារឿងឈឺចាប់របស់ជាតិយើង ពិសេសក្រុមគ្រួសារនៃអ្នកដែលបានបាត់បង់ជិវិតដែលជាភរិយា ឬស្វាមី ឬកូន ឬឪពុកម្តាយ ។ល។
សម្តេចតេជោបន្តថា ដើម្បីចូលរួមមរណទុក្ខនិងជួយដល់ជីវភាពក្រុមគ្រួសារ ក្នុងនាមរាជរដ្ឋាភិបាលខ្ញុំសម្រេចបញ្ចេញថវិកាជាតិជួយដល់ក្រុមគ្រួសារអ្នកស្លាប់ក្នុងមួយនាក់៤០លានរៀល ឬ១មុឺនដុល្លារ ។
សម្តេចតេជោបញ្ជាក់ថា សម្រាប់អ្នកត្រូវរបួសទាំងអស់ ត្រូវទទួលបានការព្យាបាលដោយឥតគិតថ្លៃនៅតាមមន្ទីរពេទ្យរដ្ឋ និងទទួលបានជំនួយក្នុងមួយនាក់ចំនួន៥លានរៀល ។ លោកប៊ិន ឈិន ឧបនាយករដ្ឋមន្ត្រីប្រចាំការ និងជារដ្ឋមន្ត្រីទីស្តីការគណៈរដ្ឋមន្ត្រី ទទួលចាត់ចែងថវិកានេះជូនបងប្អូន ។ សម្តេចតេជោបញ្ជាក់ថា «យប់នេះខ្ញុំនៅបន្តតាមដានការងាររុករកនិងសង្គ្រោះជាមួយបងប្អូនតទៅទៀត» ។
សម្តេចក្រឡាហោម ស ខេង ប្រកាសចាត់វិធានការជំរុញការស្រាវជ្រាវជុំវិញសោកនាដកម្មនេះ
សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក៏បានសម្តែងការរំលែកទុក្ខចំពោះគ្រួសារជនរងគ្រោះដែលស្លាប់ក្នុងហេតុការណ៍បាក់អគារនៅខេត្តព្រះសីហនុផងដែរ ។
យោងតាមសារលិខិតរំលែកទុក្ខរបស់សម្តេច ក្រឡាហោម មានខ្លឹមសារជាអាទិ៍ថា « ខ្ញុំនិងភរិយា ព្រមទាំងថ្នាក់ដឹកនាំ មន្ត្រីរាជការស៊ីវិល និងនគរបាលជាតិនៃក្រសួងមហាផ្ទៃ មានសេចក្តីរន្ធត់តក់ស្លុតប្រកបដោយទុក្ខព្រួយដ៏ក្រៀមក្រំ និងសោកស្តាយជាទីបំផុតចំពោះសោកនាដកម្មរលំបាក់អគារកម្ពស់ប្រាំពីរជាន់ នៅព្រឹកព្រហាមថ្ងៃទី២២ ខែមិថុនា ឆ្នាំ២០១៩នៅខេត្តព្រះសីហនុ ដោយបានបង្កឲ្យមានការបាត់បង់អាយុជីវិត និងរងបួសដល់បងប្អូនជនរួមជាតិជាកម្មករកម្មការិនី ដែលបម្រើការងារនៅការដ្ឋាននោះ» ។
សម្តេចក្រឡាហោមបន្តថា «យើងខ្ញុំសូម ចូលរួមរំលែកមរណទុក្ខយ៉ាងជ្រាលជ្រៅ ប្រកបដោយសេចក្តីសង្វេគជាពន់ពេកជាមួយក្រុមគ្រួសារ និងញាតិមិត្តដែលបានបាត់បង់សមាជិករបស់ខ្លួននៅក្នុងហេតុការណ៍ដ៏សោកសៅនេះ និងសូមបួងសួងដល់ដួងវិញ្ញាណក្ខន្ធរបស់បងប្អូនបានទៅកាន់សុគតិភពកុំបីឃ្លៀងឃ្លាតឡើយ ព្រមទាំងសូមជូនពរដល់បងប្អូនជាជនរងគ្រោះដែលកំពុងសម្រាកព្យាបាលរបួស សូមបានឆាប់ជាសះស្បើយដើម្បីវិលមកប្រកបជីវភាពរស់នៅជាប្រក្រតីឡើងវិញ» ។
សម្តេចក្រឡាហោមបន្តថា មកទល់ពេលនេះ ក្រុមការងាររបស់អាជ្ញាធរមានសមត្ថកិច្ចកំពុងបន្តខិតខំ
យ៉ាងសស្រាក់សស្រាំដោយបានប្រមូលផ្តុំកម្លាំង និងមធ្យោបាយ ដើម្បីពន្លឿនប្រតិបត្តិការស្វែងរកនិង
ជួយសង្គ្រោះជនរងគ្រោះដែលកំពុងបាត់ខ្លួន ។ ទន្ទឹមនេះ តាមរយៈយន្តការអន្តរក្រសួង ខ្ញុំនឹងចាត់វិធានការជាក់ស្តែងចំពោះមុខដទៃទៀត ដោយត្រូវបន្តជំរុញស្រាវជ្រាវ និងស្វែងរកឲ្យឃើញនូវដើម ហេតុ ដែលនាំឲ្យកើតមានសោកនាដកម្មដ៏អាណោចអាធ័មនេះ ព្រមទាំងចាត់វិធានការលើបុគ្គលពាក់ព័ន្ធ ដើម្បីទទួលខុសត្រូវតាមផ្លូវច្បាប់ ។
មួយថ្ងៃក្រោយហេតុការណ៍រលំអគារនៅខេត្តព្រះសីហនុ ព្រះមហាក្សត្រ សម្ដេចព្រះបរមនាថ នរោត្ដម សីហមុនី បានចូលរួមរំលែកមរណទុក្ខជាមួយក្រុមគ្រួសារនៃសព តាមរយៈទំព័រហ្វេសបុ៊កនៅថ្ងៃអាទិត្យទី២៣ ខែមិថុនា ។ចំណែកសម្តេចតេជោនាយករដ្ឋមន្ដ្រី ហ៊ុន សែន ប៉ុន្មានម៉ោងក្រោយហេតុការណ៍បាក់រលំអគារនេះ បានផ្ញើសាររំលែកទុក្ខពីប្រទេសថៃដល់ក្រុមគ្រួសារអ្នកស្លាប់ផងដែរ ។ សម្តេចតេជោនាយករដ្ឋមន្ត្រី ចាត់ទុកករណីរលំបាក់អគារនេះ កើតឡើងដោយសារការធ្វេសប្រហែសរបស់ក្រុមហ៊ុនសាងសង់។
តាមរយៈសំណេរខ្លីអមដោយរូបភាពជាច្រើនសន្លឹក រំលេចឡើងក្នុងបណ្ដាញសង្គមហ្វេសប៊ុក ព្រះករុណាព្រះមហាក្សត្រ បានចូលរួមរំលែកមរណទុក្ខជាមួយក្រុមគ្រួសារនៃសព ព្រមទាំងជាមួយប្រជានុរាស្ត្រទូទាំងព្រះរាជាណាចក្រកម្ពុជា ។ បើតាមព្រះអង្គ ឧបទ្ទវហេតុបាក់រលំអគារនេះគឺជាករណីដ៏រន្ធត់ ។
លោក អុី សុខឡេង អភិបាលក្រុងព្រះសីហនុ បានថ្លែងនាព្រឹកថ្ងៃអាទិត្យទី២៣ ខែមិថុនាថា ប្រតិបត្កិការជួយសង្គ្រោះរុករកមនុស្សក្រោយពីបាក់រលំអគារកំពុងដំណើរការយ៉ាងសស្រាក់សស្រាំទាំងយប់ទាំងថ្ងៃ ដោយមានការចូលរួមពីកម្លាំងចម្រុះទូទាំងប្រទេសសរុបប្រមាណ១.២០០នាក់ និងមានការប្រើប្រាស់សុនខ ដើម្បីស្វែងរកអ្នកស្លាប់និងអ្នកនៅមានជីវិតដែលកំពុងស្ថិតក្រោមគំនរអគារ ។
សម្តេចតេជោផ្តល់ថវិកា១ម៉ឺនដុល្លារ ដល់ក្រុមគ្រួសាររងគ្រោះ សម្តេចតេជោ ហ៊ុន សែន បានប្រកាសផ្តល់ថវិកា១ម៉ឺនដុល្លារ ដល់ក្រុមគ្រួសារសពជនរងគ្រោះម្នាក់ដោយសារការបាក់អគារនៅខេត្តព្រះសីហនុ ។
សម្តេចតេជោ ហ៊ុន សែន បានសរសេរលើបណ្តាញសង្គមនាថ្ងៃទី២៣ ខែមិថុនាថា បងប្អូនជនរួមជាតិជាទីគោរពស្រឡាញ់ ។ សោកនាដកម្មបាក់អគារនៅខេត្តព្រះសីហនុ គឺជារឿងឈឺចាប់របស់ជាតិយើង ពិសេសក្រុមគ្រួសារនៃអ្នកដែលបានបាត់បង់ជិវិតដែលជាភរិយា ឬស្វាមី ឬកូន ឬឪពុកម្តាយ ។ល។
សម្តេចតេជោបន្តថា ដើម្បីចូលរួមមរណទុក្ខនិងជួយដល់ជីវភាពក្រុមគ្រួសារ ក្នុងនាមរាជរដ្ឋាភិបាលខ្ញុំសម្រេចបញ្ចេញថវិកាជាតិជួយដល់ក្រុមគ្រួសារអ្នកស្លាប់ក្នុងមួយនាក់៤០លានរៀល ឬ១មុឺនដុល្លារ ។
សម្តេចតេជោបញ្ជាក់ថា សម្រាប់អ្នកត្រូវរបួសទាំងអស់ ត្រូវទទួលបានការព្យាបាលដោយឥតគិតថ្លៃនៅតាមមន្ទីរពេទ្យរដ្ឋ និងទទួលបានជំនួយក្នុងមួយនាក់ចំនួន៥លានរៀល ។ លោកប៊ិន ឈិនឧបនាយករដ្ឋមន្ត្រីប្រចាំការ និងជារដ្ឋមន្ត្រីទីស្តីការគណៈរដ្ឋមន្ត្រី ទទួលចាត់ចែងថវិកានេះជូនបងប្អូន ។សម្តេចតេជោបញ្ជាក់ថា «យប់នេះខ្ញុំនៅបន្ត តាមដានការងាររុករកនិងសង្គ្រោះជាមួយបងប្អូនតទៅទៀត» ។
សម្តេចក្រឡាហោម ស ខេង ប្រកាសចាត់វិធានការជំរុញការស្រាវជ្រាវជុំវិញសោកនាដកម្មនេះ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក៏បានសម្តែងការរំលែកទុក្ខចំពោះគ្រួសារជនរងគ្រោះដែលស្លាប់ក្នុងហេតុការណ៍បាក់អគារនៅខេត្តព្រះសីហនុផងដែរ ។ យោងតាមសារលិខិតរំលែកទុក្ខរបស់សម្តេចក្រឡាហោម មានខ្លឹមសារជាអាទិ៍ថា « ខ្ញុំ និង ភរិយា ព្រមទាំងថ្នាក់ដឹកនាំ មន្ត្រីរាជការស៊ីវិល និងនគរបាលជាតិនៃក្រសួងមហាផ្ទៃ មាន សេចក្តីរន្ធត់តក់ស្លុតប្រកបដោយទុក្ខព្រួយដ៏ក្រៀមក្រំ និងសោកស្តាយជាទីបំផុតចំពោះសោកនាដកម្មរលំបាក់អគារកម្ពស់ប្រាំពីរជាន់ នៅព្រឹកព្រហាមថ្ងៃទី២២ ខែមិថុនា ឆ្នាំ២០១៩នៅខេត្តព្រះសីហនុ ដោយបានបង្កឲ្យមានការបាត់បង់អាយុជីវិត និងរងបួសដល់បងប្អូនជនរួមជាតិជាកម្មករកម្មការិនី ដែលបម្រើការងារនៅការដ្ឋាននោះ» ។
សម្តេចក្រឡាហោមបន្តថា «យើងខ្ញុំសូមចូលរួមរំលែកមរណទុក្ខយ៉ាងជ្រាលជ្រៅប្រកបដោយសេចក្តីសង្វេគជាពន់ពេកជាមួយក្រុមគ្រួសារ និងញាតិមិត្តដែលបានបាត់បង់សមាជិករបស់ខ្លួននៅក្នុងហេតុការណ៍ដ៏សោកសៅនេះ និងសូមបួងសួងដល់ដួងវិញ្ញាណក្ខន្ធរបស់បងប្អូនបានទៅកាន់សុគតិភពកុំបីឃ្លៀងឃ្លាតឡើយ ព្រមទាំងសូមជូនពរដល់បងប្អូនជាជនរងគ្រោះដែលកំពុងសម្រាកព្យាបាលរបួស សូមបានឆាប់ជាសះស្បើយដើម្បីវិលមកប្រកបជីវភាពរស់នៅជាប្រក្រតីឡើងវិញ» ។
សម្តេចក្រឡាហោមបន្តថា មកទល់ពេលនេះ ក្រុមការងាររបស់អាជ្ញាធរមានសមត្ថកិច្ចកំពុងបន្តខិតខំយ៉ាងសស្រាក់សស្រាំដោយបានប្រមូលផ្តុំកម្លាំង និងមធ្យោបាយ ដើម្បីពន្លឿនប្រតិបត្តិការស្វែងរកនិងជួយសង្គ្រោះជនរងគ្រោះដែលកំពុងបាត់ខ្លួន ។
ទន្ទឹមនេះ តាមរយៈយន្តការអន្តរក្រសួង ខ្ញុំនឹងចាត់វិធានការជាក់ស្តែងចំពោះមុខដទៃទៀត ដោយត្រូវបន្ត ជំរុញស្រាវជ្រាវ និងស្វែងរកឲ្យឃើញនូវដើមហេតុ ដែលនាំឲ្យកើតមានសោកនាដកម្មដ៏អាណោចអាធ័មនេះ ព្រមទាំងចាត់វិធានការលើបុគ្គលពាក់ព័ន្ធ ដើម្បីទទួលខុសត្រូវតាមផ្លូវច្បាប់ ។
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ