ប្រទេសឥណ្ឌា ៖ ភាគខាងជើងឥណ្ឌាប្រជាជនកំពុងមានការភ័យបារម្ភខ្លាំងបំផុត ចំពោះការឆ្លងរាលដាលនៃជំងឹរលាកខួរក្បាលធ្ងន់ធ្ងរ ដែលបណ្ដាលឲ្យកុមារច្រើនរយនាក់ស្លាប់បាត់បង់ជីវិតរួចហើយ ចាប់តាំងពីថ្ងៃទី១មិថុនាមក។ ក្មេងឆ្លងជំងឺសាហាវនោះត្រូវបានគេបញ្ជូនមកច្រើនបំផុត ក្នុងមន្ទីរពេទ្យសំខាន់មួយនៃទីក្រុងMUZZAFARPUR រដ្ឋប៊ីហារភាគខាងជើងឥណ្ឌា។ ក្នុងមន្ទីរពេទ្យនេះគេធុំក្លិនតែទឹកនោម…
ប្រទេសឥណ្ឌា ៖ ភាគខាងជើងឥណ្ឌាប្រជាជនកំពុងមានការភ័យបារម្ភខ្លាំងបំផុត ចំពោះការឆ្លងរាលដាលនៃជំងឹរលាកខួរក្បាលធ្ងន់ធ្ងរ ដែលបណ្ដាលឲ្យកុមារច្រើនរយនាក់ស្លាប់បាត់បង់ជីវិតរួចហើយ ចាប់តាំងពីថ្ងៃទី១មិថុនាមក។
ក្មេងឆ្លងជំងឺសាហាវនោះត្រូវបានគេបញ្ជូនមកច្រើនបំផុត ក្នុងមន្ទីរពេទ្យសំខាន់មួយនៃទីក្រុងMUZZAFARPUR រដ្ឋប៊ីហារភាគខាងជើងឥណ្ឌា។ ក្នុងមន្ទីរពេទ្យនេះគេធុំក្លិនតែទឹកនោម ក្លិនក្លូរនិងកំអួតហើយឃើញតែបញ្ជូនចេញអ្នកស្លាប់។ កុមារៗដែលឆ្លងជំងឺនោះមានអាការៈក្ដៅខ្លាំងភ្លាមៗ ក្អួតចង្អោរ និងប្រកាច់ហើយក្នុងករណីភាគច្រើនពួកគេត្រូវស្លាប់បើពុំទទួលបានការព្យាបាលបន្ទាន់ទេនោះ។
អាជ្ញាធរប្រកាសកាលពីថ្ងៃទី១៩មិថុនា ពីការរាប់ឃើញកុមារស្លាប់១១៨នាក់ តាំងពីដើមខែមិថុនានេះមក។ តាមការសិក្សាវិទ្យាសាស្ត្រនានាថា ការស្លាប់របស់កុមារទាំងនោះ បណ្ដាលមកពីជាតិពុល មានក្នុងគ្រាប់គូលេនដែលជម្រុញឲ្យមានការធ្លាក់ជាតិស្ករក្នុងសរីរាង្គ ហើយនឹងបណ្ដាលឲ្យមានការខ្វះជាតិស្ករ។
បាតុភូតផ្ទុះជំងឹរលាកខួរក្បាលសម្លាប់មនុស្សសាហាវបែបនេះ ក៏កើតមានក្នុងបណ្ដាតំបន់ផលិតផ្លែគូលេន នៅវៀតណាមនិងបង់ក្លាដែស។ កាលពីឆ្នាំ២០១៤ជំងឺនោះបានសម្លាប់កុមារ៣៥៥នាក់ តែមានអ្នកស្លាប់៣៣នាក់ប៉ុណ្ណោះកាលពីឆ្នាំទៅមិញ។ នេះបើយោងតាមកាសែតឥណ្ឌាHUNDUSTAN TIMES។
គ្រូពេទ្យឥណ្ឌាម្នាក់លោកSRIKANT PRASAD BHARTIថ្លែងថា បណ្ដាកុមាររងគ្រោះរស់នៅក្នុងតំបន់ក្រីក្របំផុតនៃរដ្ឋប៊ីហារ។ កុមារៗតែងនាំគ្នារត់លេងខាងក្រៅក្រោមកំដៅក្ដៅហែង បរិភោគផ្លែគូលេនដែលខូចគុណភាពឬមិនទាន់ទុំល្អ។ ពួកកុមារបានធ្លាក់ចុះអត្រាជាតិស្ករយ៉ាងឆាប់ក្នុងឈាមដែលនាំឲ្យមានការប្រកាច់។
រដ្ឋប៊ីហារដែលមានប្រជាជនប្រមាណ១០០លាននាក់ ពេលនេះជួបប្រទះនឹងដំណាក់កាលនៃធាតុអាកាសក្ដៅហែង ជាមួយសីតុណ្ហភាពឡើងដល់៤៥អង្សាសេ ដែលបណ្ដាលឲ្យមនុស្សស្លាប់១៨៤នាក់ ក្នុងនោះ៧៨នាក់កាលពីថ្ងៃទី១៥មិថុនា៕ (កែសម្រួលដោយ ៖ បុប្ផា)
ចែករំលែកព័តមាននេះ