សត្វឆ្កែមួយក្បាលឈ្មោះ Buboy ទទួលបានការកោតសរសើរពីអ្នកលេងអ៊ីនធឺណេតកាលពីខែមុននៅពេលដែលគេថតវីដេអូក្នុង ខណៈពេលដែលវាបានបង្ហាញខ្លូនឯនៅសាលារៀនមួយកន្លែងទីដែលម្ចាស់របស់វា គឺលោកសាស្ត្រាចារ្យ Carmelito Marcelo ធ្លាប់ធ្វើការនៅទីនោះពីមុនមក ហើយក្រោយមកគាត់បានស្លាប់នៅថ្ងៃទី១៨ ខែឧសភា ។
នៅក្នុងឈុតវីដេអូនេះគឺ Buboy កំពុងតែរង់ចាំដោយអត់ធ្មត់បំផុតនៅពីមុខទ្វារបន្ទប់នៃមហាវិទ្យាល័យ Mabalacat City ក្នុងខេត្ត Pampanga ប្រទេសហ្វីលីពីន ។ ទោះបីជា Buboy ខំរង់ចាំយ៉ាងណាក៏ដោយ ក៏វាមិនបានឃើញបុរសដែលជាម្ចាស់របស់វានោះទេ ចាប់តាំងពីលោក Marcelo បានធ្លាក់ខ្លួនឈឺ ហើយត្រូវសម្រាកនៅមន្ទីរពេទ្យដើម្បីថែទាំសុខភាពដែលយ៉ាងហោចណាស់រយៈពេលពីរសប្តាហ៍មកហើយ ។
សូមរំឭកថា Buboy គឺជាឆ្កែដែលគ្មានម្ចាស់ ប៉ុន្តែត្រូវបានលោក Marcelo យមមកចិញ្ចឹមអស់រយៈពេលជិត ៤ ឆ្នាំមកហើយ ។ ឆ្កែមួយក្បាសនេះចូលចិត្តលោកសាស្ត្រាចារ្យខ្លាំងណាស់ដោយវាតែងតែដើរតាមគាត់ទៅគ្រប់ទីកន្លែងទាំងអស់ ។ បើយោងទៅតាមប្អូនថ្លៃស្រីរបស់លោក Marcelo បានឱ្យដឹងថាលោកសាស្ត្រាចារ្យបានចាត់ទុក Buboy ជាកូនពៅរបស់គាត់ ។
មានសមាជិកនៅក្នុងមហាវិទ្យាល័យម្នាក់បានថតវីដេអូពេលដែល Buboy កំពុងរង់ចាំសាស្ត្រាចារ្យនៅខាងក្រៅបន្ទប់មហាវិទ្យាល័យរបស់គាត់ បន្ទាប់មកឆ្កែដ៏ស្មោះត្រង់នេះត្រូវបានគេនាំឱ្យទៅមើលសពលោក Marcelo ជាម្ចាស់របស់វាដែលបានស្លាប់ ។ ហើយពេលទៅមើលសពមានរឿងដ៏គួរឱ្យរន្ធត់មួយដោយ Buboy បានបង្ហាញនូវភាពសោកសៅយ៉ាងខ្លាំងសម្រាប់ម្ចាស់របស់វាដែលបានស្លាប់ទៅ ហើយវាមិនព្រមចាកចេញពីមឈូកសពរបស់ម្ចាស់វាទេ ដែលសកម្មភាពបែបនេះបានធ្វើឱ្យមានការចាប់អារម្មណ៍យ៉ាងខ្លាំងនៅលើប្រព័ន្ធផ្សព្វផ្សាយសង្គម ៕
ប្រភព៖ nextshark , កែសម្រួលដោយ ៖ សំណាង
ចែករំលែកព័តមាននេះ