ប្រទេសអារ៉ាប៊ីសាអូឌីត ៖ ក្រោយការវាយប្រហារមួយកាលពីថ្ងៃទី១២មិថុនា ព្រលានយន្តហោះ២របស់អារ៉ាប៊ីសាអូឌីត កាលពីថ្ងៃទី១៥មិថុនាជាគោលដៅនៃការវាយប្រហារពីសំណាក់បណ្ដាដ្រូនរបស់ពួកឧទ្ទាមហ៊ូធីយេម៉ែន។ ជាលើកទី៣ហើយមានការវាយលុករបៀបនេះ ពីសំណាក់ពួកហ៊ូធីនាសប្ដាហ៍កន្លងទៅ។ កាលពីយប់ថ្ងៃទី១៤មក១៥មិថុនា ក្រុមចម្រុះយោធា ក្រោមបញ្ជារបស់អារ៉ាប៊ីសាអូឌីត…
ប្រទេសអារ៉ាប៊ីសាអូឌីត ៖ ក្រោយការវាយប្រហារមួយកាលពីថ្ងៃទី១២មិថុនា ព្រលានយន្តហោះ២របស់អារ៉ាប៊ីសាអូឌីត កាលពីថ្ងៃទី១៥មិថុនាជាគោលដៅនៃការវាយប្រហារពីសំណាក់បណ្ដាដ្រូនរបស់ពួកឧទ្ទាមហ៊ូធីយេម៉ែន។
ជាលើកទី៣ហើយមានការវាយលុករបៀបនេះ ពីសំណាក់ពួកហ៊ូធីនាសប្ដាហ៍កន្លងទៅ។ កាលពីយប់ថ្ងៃទី១៤មក១៥មិថុនា ក្រុមចម្រុះយោធា ក្រោមបញ្ជារបស់អារ៉ាប៊ីសាអូឌីត បានធ្វើការវាយប្រហារតាមអាកាស ប្រឆាំងបណ្ដាទីតាំងនានារបស់ពួកឧទ្ទាមហ៊ូធីក្នុងរដ្ឋធានីយេម៉ែនក្រុងសាណា។ ការវាយប្រហារទាំងនេះសំដៅជាពិសេសបណ្ដាប្រព័ន្ធការពារអាកាស។
ពួកឧទ្ទាមហ៊ូធីបានវាយប្រហារដើម្បីឆ្លើយតប ចំពោះការរាំងខ្ទប់ព្រលានយន្តហោះក្រុងសាណា ហើយគំរាមវាយប្រហារជាថ្មីលើអារ៉ាប៊ីសាអូឌីត។ ជម្លោះក្នុងប្រទេសអារ៉ាប់នោះកើតមានចាប់តាំងពី៤ឆ្នាំមកហើយ។
ការវាយប្រហារព្រលានយន្តហោះទាំងនោះ ដោយដ្រូនរបស់ពួកហ៊ូធី ពុំមានរបាយការណ៍ពីការខូចខាតឬជនរងគ្រោះឡើយ។ កាលពីថ្ងៃទី១៤មិថុនាអារ៉ាប៊ីសាអូឌីតអះអាងថា បានស្ទាក់កម្ទេចដ្រូន៥គ្រឿងរបស់ពួកហ៊ូធី ២ថ្ងៃក្រោយការវាយប្រហារដោយមីសីុលមួយគ្រាប់មកលើព្រលានយន្តហោះអាប់បារ បណ្ដាលឲ្យជនសីុវិលមានសញ្ជាតិផ្សេងៗគ្នា២៦នាក់រងរបួសមក៕ (កែសម្រួលដោយ ៖ បុប្ផា)
ចែករំលែកព័តមាននេះ