សត្វឆ្កែនិងឆ្មា គឺជាសមាជិកគ្រួសាររបស់លោកអ្នក ដូចនេះ លោកអ្នកត្រូវប្រុងប្រយ័ត្នចំពោះអាហាររបស់ពួកវា ។ មានអាហារមួយចំនួនដែលលោកអ្នកមិនគួរឲ្យពួកវាស៊ី ព្រោះថាអាហារទាំងនោះអ ាចធ្វើឲ្យពួកវាពុលនិងអាចឈានដល់សេចក្តីស្លាប់បាន។ អាហារទាំងនោះរួមមាន៖ ១-ស្ករសូកូឡា៖…
សត្វឆ្កែនិងឆ្មា គឺជាសមាជិកគ្រួសាររបស់លោកអ្នក ដូចនេះ លោកអ្នកត្រូវប្រុងប្រយ័ត្នចំពោះអាហាររបស់ពួកវា ។ មានអាហារមួយចំនួនដែលលោកអ្នកមិនគួរឲ្យពួកវាស៊ី ព្រោះថាអាហារទាំងនោះអ ាចធ្វើឲ្យពួកវាពុលនិងអាចឈានដល់សេចក្តីស្លាប់បាន។
អាហារទាំងនោះរួមមាន៖
១-ស្ករសូកូឡា៖ សារធាតុដែលមាននៅក្នុងស្ករសូកូឡាដែលអាចធ្វើឲ្យប៉ះពាល់ដល់សត្វឆ្កែឆ្មា គឺសារធាតុ Theobromine។ វាមាននៅគ្រប់ប្រភេទសូកូឡា តែមានច្រើនជាងគេនៅក្នុងសូកូឡាខ្មៅ និង សូកូឡាមិនសូវមានជាតិស្ករ។ កាលណាយើងឲ្យពួកវាស៊ី វាអាចធ្វើឲ្យមានចង្វាក់បេះដូងមិនប្រក្រតី ការញាក់សាច់ដុំ និងអាចឈានដល់ការប្រកាច់។ ជាមួយគ្នានេះដែរ ស្ករសូកូឡាមានផ្ទុកសារធាតុកាហ្វេអ៊ីន។
២-កាហ្វេ តែ និង ភេសជ្ជៈប៉ូវកម្លាំង៖ ប្រភេទពួកភេសជ្ជៈទាំងនេះអាចធ្វើឲ្យសត្វចិញ្ចឹមរបស់លោកអ្នក ឡេះឡះ នៅមិនស្ងៀម ដកដង្ហើមញាប់ ញ័រទ្រូង និង ញាក់សាច់ដុំ។
៣-ទំពាំងបាយជូរស្រស់ ឬ ក្រៀម៖ ឆ្មាឆ្កែភាគច្រើនមិនស៊ីរបស់អញ្ចឹងទេ។ ហើយទោះបីជាសត្វឆ្មាស៊ីក៏ដោយ ក៏វាមិនឈឺដែរ។ តែប្រសិនបើជាសត្វឆ្កែស៊ីវិញ វានឹងអាចប្រឈមមុខនឹងជម្ងឺខ្សោយតម្រងនោម។
៤-ខ្ទឹមបារាំង ឬ ស្លឹកខ្ទឹម៖ បើសិនជាឲ្យពួកវាស៊ីតែបន្តិចម្តងម្កាល មិនជាអ្វីទេ។ តែប្រសិនបើឲ្យវាស៊ីច្រើនហើយរាល់ថ្ងៃនោះ វាអាចធ្វើឲ្យស្លេកស្លាំងខ្វះគ្រប់ឈាម។ ដូចនេះហើយ សូមអានតារាងគ្រឿងផ្សំនៅលើកញ្ចប់ចំណីសត្វរបស់លោកអ្នកឲ្យបានច្បាស់លាស់មុននឹងទិញ ព្រោះថាចំណីខ្លះមានលាយស្លឹកខ្ទឹម ឬ ខ្ទឹមបារាំង។
៥-សារធាតុស៊ីលីតុល៖ សារធាតុនេះគឺគេដាក់នៅក្នុងស្ករកៅស៊ូដើម្បីឲ្យផ្អែម។ នៅក្នុងចំណីសត្វខ្លះមានផ្ទុកដោយសារធាតុនេះ។ ដូចនេះលោកអ្នកគួរមើលឲ្យបានច្បាសមុននឹងទិញឲ្យសត្វចិញ្ចឹមលោកអ្នកស៊ី ព្រោះថាវាអាចធ្វើឲ្យឆ្កែរបស់លោកអ្នកខូចថ្លើមបាន។ គួរឲ្យចាប់អារម្មណ៍ដែរ ដែលវាគ្មានផលប៉ះពាល់ដល់សត្វឆ្ មា។
៦-ផ្លែប៊ឺរ៖ នៅក្នុងផ្លែប៊ឺរមានផ្ទុកដោយសារធាតុម្យ៉ាង ហៅថា ពែស៊ីន (Persin) ដែលសារធាតុនេះអាចធ្វើឲ្យមនុស្សមួយចំនួនអាលែកស្ស៊ីមិនអាចញ៉ាំផ្លែប៊ឺរបាន។ វាក៏អាចធ្វើឲ្យសត្វឆ្កែរបស់លោកអ្នកពុលងាប់បានដែរ ប្រសិនបើវាស៊ីច្រើន។ សារធាតុនេះមាននៅក្នុង ផ្លែ គ្រាប់ ស្លឹក និងសូម្បីតែដើម។ ដូចនេះហើយលោកអ្នកត្រូវប្រុងប្រយ័ត្នពេលមានដើមប៊ឺរនៅផ្ទះ ព្រោះសត្វឆ្កែរបស់លោកអ្នកអាចលួចស៊ី៕ (សម្រួលដោយ៖ ស្រីណា)
ចែករំលែកព័តមាននេះ