តាមប្រភពពីMetroឱ្យដឹងថា ក្មេងប្រុសអាយុ១៣ឆ្នាំម្នាក់បានធ្វើឱ្យគ្រូពេទ្យមានការភ្ញាក់ផ្អើល ដោយ
សារតែមានធ្មេញថ្គាម ដែលមិនឃើញដុះក្នុងមាត់ បែរទៅដុះនៅក្នុងពងស្វាសទៅវិញ ។ នេះគឺជាករណីដ៏កម្រនិងចម្លែកខ្លាំងណាស់ កើតឡើងនៅក្នុងមន្ទីរពេទ្យកុមារ Morozov ក្នុងទីក្រុងម៉ូស្គូ។
គ្រូពេទ្យដំបូងឡើយគិតថា ដជាុំដែលដុះនៅក្នុងពងស្វាសគឺជាដុំសាច់ធម្មតា។ តែតាមការពិត វាគឺជាធ្មេញថ្គាមសោះ ក្រោយមកក្រុមគ្រូពេទ្យបានធ្វើការវះកាត់បានសម្រេច ។ ខាងមន្ទីរពេទ្យបានលើកឡើងថា«ធ្មេញនោះ គឺជាធ្មេញបន្ទាប់ពីថ្គាមទាល់នៅផ្នែកខាងលើ ។ ជាធម្មតា វានឹងត្រូវបានជំនួសដោយធ្មេញស្រុកនៅអាយុ១២ឆ្នាំ»។ គ្រូពេទ្យបានប្រាប់ថា វាគឺជាករណីកម្របំផុត ដែលបង្កដោយបញ្ហាហ្សែនរបស់មនុស្សកំឡុងពេលលូតលាស់នៅក្នុងផ្ទៃម្តាយ។
ការវះកាត់ត្រូវបានធ្វើឡើង ដោយគ្រូពេទ្យវះកាត់ Dmitry Tarusin ដែលជាវេជ្ជបណ្ឌិតឯកទេសខាងផ្លូវទឹកនោម និងអ័រម៉ូនកូនក្មេង។ លោកប្រាប់ថា ពេលធ្វើការថតស្កេន ដុំសាច់ដែលជាធ្មេញនោះ មានសណ្ឋានស្រដៀងទៅនឹងតម្រងនោម។
គួរបញ្ជាក់ផងថា ករណីនេះ អាចមានឃើញធ្មេញទៅដុះនៅក្នុងសួត។ តែចំពោះការមកដុះនៅក្នុងពងស្វាស គឺពិតជាមហាសែនកម្រ ។ គេនៅមិនទាន់ដឹងច្បាស់ថា ក្មេងប្រុសខាងលើអាចប៉ះពាល់ដល់ការបន្តពូជដែរឬអត់ទេនៅពេលអនាគត ។ (សម្រួលដោយ៖ ស្រីណា)
ចែករំលែកព័តមាននេះ