ទើប​វ័យ​តែ​១៤​ឆ្នាំ​មែន​ពិត តែ​ពន្លក​ថ្មី ខាំ កូន​ខ្លា ទទួល​បានការ​សរសើរ​គ្រប់​គ្នា


រាជធានី​ភ្នំពេញ ៖ ការ​ប្រដាល់​នៅ​ប៉ុស្តិ៍​លេខ​៥ កាលពី​ថ្ងៃ​ទី​១៥ មិថុនា ឆ្នាំ​២០១៩ កីឡាករ​វ័យ​ទើបតែ​១៤​ឆ្នាំ ខាំ កូន​ខ្លា​ទទួល​បានការ​ចាប់អារម្មណ៍​មិនធម្មតា ក្នុង​ពេល​ដែល​គេ​ឡើង​ប្រកួត​នៅ​ប៉ុស្តិ៍​លេខ​៥​។ បង្គោល​ក្រហម មក​ពី​ក្លិប​រ៉ា​ហាប់​ស្វាយប៉ាក​រូប​នេះ បាន​វាយបំបាក់​កីឡាករ ឡុ​ង សុខ​លី​ម មក​ពី​ក្លិប​សាល​វ័​ន្ត​កីឡា បាន​យ៉ាង​ជោគជ័យ ត្រឹមតែ​ប្រើ​សមត្ថភាព​មិន​ដល់​២​ទឹក​។

ការ​បង្ហាញខ្លួន​របស់​គេ នៅ​ក្នុង​ថ្ងៃ​នោះ គឺជា​ការ​ប្រកួត​មិត្តភាព​នៅ​ក្នុង​ព្រឹត្តិការណ៍​កំពូល​ជើងឯក TV5 BOXING KNOCK OUT SERIES(K-Cement) ដើម្បី​ជ្រើសរើស​ជើង​ឯង​ខ្សែក្រវាត់​ទម្ងន់​៥៤​គីឡូ​ក្រាម​រដូវ​កាល​ទី​៥ ដោយ​ការ​ឡើង​ប្រកួត​របស់​គេ ក៏​ស្ថិត​ក្នុង​ពេល​កីឡាករ​៤​រូប​ដែល​ត្រៀមខ្លួន​ប្រកួត​គ្នា​ចុង​ក្រោយ ត្រូវ​ប៉ុស្តិ៍​លេខ​៥ ឱ្យ​សម្រាក ត្រៀម​ទៅ​ប្រកួត​ក្នុង​វគ្គ​ពាក់កណ្ដាល​ផ្ដាច់ព្រ័ត្រ​។

អវត្តមាន​កីឡាករ​ឡើង​ប្រកួត​ជ្រើសរើស​ជើងឯក ទើប​កីឡាករ​ទាំង​២​នាក់​ខាងលើ​ត្រូវ​គេ​ឱ្យ​ប្រកួត​ប៉ះ​គ្នា ដើម្បី​ឱ្យ​កញ្ជ្រោល​សង្វៀន​នៅ​ប៉ុស្តិ៍​លេខ​៥​។ បើក​ឆាក​ការ​ប្រកួត​របស់​មួយគូ​នេះ គេ​ឃើញ​អ្នក​ទាំង​ពីរ​បញ្ចេញ​ផ្លែ​ល្អ គួរ​ឲ្យ​ទាក់ទាញ ដោយ​ម្នាក់​ៗ​វាយ​គ្នា​លាន់​ឭ​ពេញ​ស​ង្វ្រៀ​ន​។

កីឡាករ កូន​ខ្លា រំលេច​បច្ចេកទេស​វាយ​ចេញ​បាន​ល្អ​យ៉ាង​ខ្លាំង ពោល​គឺ​ប្លែក ហើយ​វាយ​ត្រូវ​ចូល​ចំ​ទិស​ដៅ​តែ​ម្ដង ដោយ​វាយ​កីឡាករ សុខ​លី​ម ដួល​លើ​សង្វៀន​ជា​ច្រើន​អន្លើ រហូត​ធ្វើ​ឱ្យ​អាជ្ញាកណ្តាល​រាប់​ម្តង​ក្នុង​ទឹក​ទី​១​។

កីឡាករ កូន​ខ្លា ធ្លាប់​មាន​ប្រវត្តិ​ធ្វើ​ឲ្យ​កី​ឡករ​វ័យក្មេង​ថៃ​ចាញ់​លើ​រេញ​លេខ​៥​រួច​មក​ហើយ នា​ពេល​កន្លង​មក​។ ចូល​ដល់​ទឹក​ទី​២ កីឡាករ កូន​ខ្លា វាយ​តែ​មួយ​ប្រាវ ធ្វើ​ឲ្យ សុខ​លី​ម សន្លប់​រហូត​ត្រូវ​គេ​បញ្ឈប់​លែង​ឲ្យ​ប្រកួត ញ្ច​ប់​ការ​ប្រកួត​។ នៅ​ចុងបញ្ចប់ កូន​ខ្លា ក្លាយជា​តួឯក​ឈ្នះ​ការ​ប្រកួត​សា​ជា​ថ្មី សូ​ម្បី​អ្នក​មើល​ទះដៃ​កោតសរសើរ​ថា ជា​ក្មេង​ខ្លាំង​កម្រ​រកបាន​លើ​វិស័យ​កីឡា​។

អ្នក​ទស្សនា​លាន់មាត់​ថា កីឡាករ​បង្គោល​ក្រហម​ក្មេង​មែន ប៉ុន្តែ​គេ​មាន​ឆន្ទៈ និង​មាន​សមត្ថភាព​អាច​បណ្ដុះ​​ឲ្យ​ក្លាយជា​ជើង​ខ្លាំង​បាន ដោយ​យោង​លើ​សមត្ថភាព​របស់​គេ​តាម​រយៈ​ការ​ប្រកួត​នៅ​ក្នុង​ថ្ងៃ​នោះ​។ ប៉ុស្តិ៍​លេខ​៥ ក៏​ប្រកាស​នឹង​ដាក់​ឲ្យ​គេ​ឡើង​ប្រកួត​ឱ្យ​បាន​ញឹកញាប់​ផង​ដែរ ដើម្បី​លើកកម្ពស់​កីឡាករ​ក្មេង​ៗ៕ (​កែសម្រួល​ដោយ ៖ បុប្ផា​)

Facebook Google Twitter Email

កីឡាជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ