រាជធានីភ្នំពេញ ៖ ដើម្បីចូលរួមកាត់បន្ថយពីភាពក្រីក្ររបស់ប្រជាជនដែលរស់នៅតំបន់ទន្លេមេគង្គតំណាងប្រទេសនៅតំបន់ទន្លេមេគង្គព្រមទាំងអ្នកជំនាញមកពីសហរដ្ឋអាមេរិក ចិន កូរ៉េខាងត្បូង និងឥណ្ឌាជាដើមបានបើកកិច្ចប្រជុំពិភាក្សាស្តីពីបញ្ហាលើទស្សនវិស័យអនាគតនៃទន្លេមេគង្គ ។ លោក ពូ សុធីរៈ…
រាជធានីភ្នំពេញ ៖ ដើម្បីចូលរួមកាត់បន្ថយពីភាពក្រីក្ររបស់ប្រជាជនដែលរស់នៅតំបន់ទន្លេមេគង្គតំណាងប្រទេសនៅតំបន់ទន្លេមេគង្គព្រមទាំងអ្នកជំនាញមកពីសហរដ្ឋអាមេរិក ចិន កូរ៉េខាងត្បូង និងឥណ្ឌាជាដើមបានបើកកិច្ចប្រជុំពិភាក្សាស្តីពីបញ្ហាលើទស្សនវិស័យអនាគតនៃទន្លេមេគង្គ ។
លោក ពូ សុធីរៈ នាយកវិទ្យាស្ថានខ្មែរសម្រាប់សហប្រតិបត្តិការ និងសន្តិភាព (CICP) បានឲ្យដឹងនៅថ្ងៃទី១៣ ខែមិថុនា ឆ្នាំ២០១៩ ថា សិក្ខាសាលាថ្នាក់តំបន់ស្តីពីទស្សនវិស័យអនាគតនៃទន្លេមេគង្គ គឺដើម្បីពិភាក្សាគ្នា និងលើកបញ្ហានានានៅតំបន់ទន្លេមេគង្គក្នុងនោះក៏មានការអភិវ ឌ្ឍនៅតំបន់នេះផងដែរ ។ លោកបានបញ្ជាក់ថា ៖ «វេទិការនេះ គឺយើងជួបជុំគ្នារវាងអ្នកឯកទេស ឬមានជំនាញ និងអ្នកស្រាវជ្រាវជាន់ខ្ពស់ និងអ្នកតាមដានសកម្មភាពពាក់ព័ន្ធនឹងកាវិវត្តន៍នៃវិស័យនានាដូចជា សេដ្ឋកិច្ច សង្គមកិច្ច និងការពារជាតិជាដើម ដើម្បីពិភាក្សាផ្លាស់ប្តូរគ្នា ពីបញ្ហាប្រឈមផ្សេងចំពោះការវិវត្តន៍រហូតដល់ការកាត់បន្ថយភាពក្រីក្រជូនប្រជាពលរដ្ឋ» ។
លោកក៏បានឲ្យដឹងថា កិច្ចប្រជុំពិភាក្សាដែលមានរយៈពេល១ថ្ងៃកន្លះក៏នឹងសិក្សាយ៉ាងណាចូលរួមកាត់បន្ថយភាពក្រីក្រដល់ប្រជាជននៅថ្នាក់ក្រោម ដើម្បីធ្វើយ៉ាងណាឲ្យពួកគាត់ទទួលបានផលប្រយោជន៍ ពិសេសនោះអ្នកដែររស់នៅតាមដងទន្លេរមេគង្គនេះផងដែរ ។ ជាមួយគ្នានោះដែរលោក ពូ សុធីរៈ ក៏បានឲ្យដឹងបន្ថែមសម្រាប់មតិយោបល់ដែលតំណាងប្រទេសដែលបានចូលរួមក៏ដូចជា អ្នកជំនាញនានានៅថ្ងៃនេះក៏នឹងត្រូវចង់ក្រងជាឯកសារសម្រាប់ធ្វើការផ្ស ព្វផ្សាយទៅដល់អ្នកនយោបាយ ឬថ្នាក់ដឹកនាំប្រទេសផងដែរ តែមិនមែនសម្រាប់តែនៅកម្ពុជានោះទេ ។
លោកនាយកវិទ្យាស្ថានក៏បានអះអាងថា បញ្ហាតំបន់ទន្លេងមេគង្គ គឺជាបញ្ហាដែលត្រូវបានបណ្តាប្រទេសនានាកំពុងយកចិត្តទុកដាក់ ហើយកម្ពុជា គឺជាប្រទេសមួយសំខាន់ណាស់ដែល ជាប់នៅដងទន្លេរមេគង្គនេះផងដែរ ។ កម្ពុជា គឺជាប្រទេសមួយដែលទទួលអំណោយផលច្រើនពីគម្រោងផ្សេងៗដែលបណ្តាប្រទេសជាមិត្តបានរៀបចំចងក្រងសម្រាប់ជួយក្នុងនោះមាន ៖ ប្រទេសចិន, ជប៉ុន, កូរ៉េខាត្បូង , ឥណ្ឌូនេស៊ី, អាមេរិក ,…។ យ៉ាងណាក្តី បើតាមលោក ពូ សុធីរៈ បានអះអាងថា កិច្ចប្រជុំពិភាក្សាគ្នានោះដែរភាគីទាំងអស់ក៏នឹងជជែកពិភាក្សាគ្នាអំពីការជួយមកលើកម្ពុជា ដើម្បីជៀងវាងជាន់គ្នានៃគម្រោងតាមបណ្តាប្រទេសនានាផងដែរ ។ កក្តានេះក៏មិនធ្វើឲ្យមានភាពរីកចម្រើនរហូតដល់ធ្វើការប្រកួតប្រជែងគ្នាថែមទៀត ។ លោកបានគូសបញ្ជាក់យ៉ាងដូច្នេះថា ៖«វេទិការនេះ គឺជជែកពិភាក្សាគ្នា ដើម្បីរកវិធីសាស្ត្រអ្វី ដើម្បីឲ្យគេចង់ជួយតំបន់នេះរាប់ទាំងកម្ពុជាធ្វើឲ្យគេជួយដោយស្រួល ។ កម្ពុជាយើងទទួលបានផលប្រយោជន៍ច្រើន ពិសេសនោះកាត់បន្ថយភាពក្រីក្រ និងធ្វើយ៉ាងណាការវិវត្តន៍ដោយនិរន្តភាព ព្រមទាំងការភិវឌ្ឍន៍ដល់ប្រជានថ្នាក់ក្រោម» ។
លោក Michael Newbill ភារធារីនៃស្ថានទូតអាមេរិកប្រចាំកម្ពុជាឆ្នាំ២០១៩ គឺជាឆ្នាំជាប្រវតិ្តសាស្ត្រមួយនៅក្នុងការទាក់ទងរបស់យើងជាមួយតំបន់ទន្លេមេគង្គ ។ ឆ្នាំនេះ គឺជាខួបលើកទី ១០នៃគំរោងគំនិតផ្តួចផ្តើមស្តីពីតំបន់មេគង្គក្រោម (LMI) ដែលត្រូវបានបង្កើតឡើងនៅ Phuket ក្នុងឆ្នាំ២០០៩ ។ លោកបញ្ជាក់ថា «យើងចាត់ទុកការចូលរួមរបស់យើងជាមួយតំបន់មេគង្គថាជាផ្នែកសំខាន់មួយនៃយុទ្ធសាស្ត្ររបស់យើងសំរាប់តំបន់ឥណ្ឌូប៉ាស៊ីហ្វិក និងការខិតខំជារួមរបស់យើងក្នុងការគាំទ្រសមាគមអាស៊ានដោយរួមទាំងតាមរយៈគំរោងគំនិតផ្តួចផ្តើមសំរាប់សមាហរណកម្មអាស៊ាន ដែលមានបំណងបង្រួមគម្លាតគ្នាផ្នែកអភិវឌ្ឍន៍រវាងបណ្តាប្រទេសអាស៊ាន ហើយជំរុញឯកភាពតំបន់» ។
ជាមួយគ្នានោះដែរលោក Michael Newbill បន្ថែមថា ការរៀបចំសិក្ខាសាលាថ្នាក់តំបន់ដ៏មានសារៈសំខាន់នេះ ហើយផ្តល់វេទិកាចំហមួយសំរាប់អ្នកគិតគូរថ្នាក់តំបន់ធ្វើការផ្លាស់ប្តូរយោបល់គ្នាស្តីពីវិធីធ្វើយ៉ាងណាដើម្បីរក្សា និងគ្រប់គ្រងធនធានដ៏អស្ចារ្យ គឺទន្លេមេគង្គដ៏ «ធំវែង» ។ ការផ្តោតការយកចិត្តទុកដាក់នៅថ្ងៃនេះទៅលើតំបន់ទន្លេមេគង្គមានប្រយោជន៍ផង ត្រូវនឹងពេលវេលាផង ។ លោកបន្ថែមថា តំបន់ទន្លេមេគង្គមានសារៈសំខាន់ជាយុទ្ធសាស្ត្រសំរាប់សហរដ្ឋអាមេរិក ។ សហរដ្ឋអាមេរិកបានចុះសន្ធិសញ្ញាជាមួយប្រទេសថៃដែលជាសម្ព័ន្ធមិត្តនៅទីនេះ និងដៃគូដែលកាន់តែមានសារៈសំខាន់ខ្លាំងឡើង គឺប្រទេសវៀតណាម ។
ប្រទេសទាំងពីរនេះ គឺជាប្រធាននៃកិច្ចប្រជុំអាស៊ាននៅឆ្នាំ២០១៩ និង២០២០ ។ ប្រទេសឡាវ ភូមា និងប្រទេសកម្ពុជា គឺជាតំបន់ដែលមានសេដ្ឋកិច្ចលូតលាស់យ៉ាងខ្លាំងតែប្រឈមនឹងបញ្ហាអភិបាលកិច្ច ហើយងាយរងនឹងសម្ពាធសេដ្ឋកិច្ចពីខាងក្រៅ ។ លោកគូសបញ្ជាក់ថា ៖« យុទ្ធសាស្ត្ររបស់យើងចំពោះតំបន់ទន្លេមេគង្គដើរតាមគោលការណ៍ដែលជាគ្រឹះនៃវិបុលភាព នៅទូទាំងតំបន់ឥណ្ឌូប៉ាស៊ីហ្វិក រាប់ទសវត្សមកហើយ ដែលជាស្នូលនៃយុទ្ធសាស្ត្រប្រចាំតំបន់របស់យើងពោល គឺការប្តេជ្ញាចិត្តចំពោះអធិបតេយ្យភាព តម្លាភាព អភិបាលកិច្ចល្អ សមាគមអាស៊ានជាស្នូលមួយ និងរបៀបរបបផ្អែកលើច្បាប់ទម្លាប់ ដោយគោរពចំពោះច្បាប់អន្តរជាតិ ។
ការទាក់ទងផ្នែកសេដ្ឋកិច្ចរបស់សហរដ្ឋអាមេរិកនៅតំបន់ទន្លេមេគង្គមានភាពជ្រាលជ្រៅ ដោយនៅឆ្នាំ២០១៧ ការវិនិយោគរបស់យើងមានទឹកប្រាក់ចំនួន១៧ពាន់លានដុល្លារពាណិជ្ជកម្មទៅមកមានតម្លៃ១០៩ពាន់លានដុល្លារនៅឆ្នាំ២០១៨ ។ សូមជម្រាបថា អ្នកដែលចូលរួមមានមកពីសហរដ្ឋអាមេរិក ជប៉ុន កូរ៉េខាងត្បូង ឥណ្ឌា ចិន កម្ពុជា ឡាវ មីយ៉ាន់ម៉ា ថៃ និងវៀតណាម ៕ កែសម្រួលដោយ ៖សុឃាក់
ចែករំលែកព័តមាននេះ