នៅពេលដែលតារាម៉ូដែលវៀតណាមស្លៀកពាក់សិចស៊ីខ្លាំងនៅក្នុងមហោស្រពភាពយន្តទីក្រុងកាន ប្រទេសបារាំង សារព័ត៌មានល្បីៗលើពិភពលោកបាននាំគ្នាថតយ៉ាងវក់វី ហើយនាងបានក្លាយជាមនុស្ស ដែលមានការយកចិត្តទុកដាក់បំផុតរបស់សារព័ត៌មាន។ ចំណែកវីដេអូស្តីពីភាពសិចស៊ីរបស់នាងក៏ទាក់ទាញការទស្សនាខ្លាំងនៅកម្ពុជាផងដែរ។ វីដេអូផលិត ដោយកម្មវិធី 60 Bុuzz…
នៅពេលដែលតារាម៉ូដែលវៀតណាមស្លៀកពាក់សិចស៊ីខ្លាំងនៅក្នុងមហោស្រពភាពយន្តទីក្រុងកាន ប្រទេសបារាំង សារព័ត៌មានល្បីៗលើពិភពលោកបាននាំគ្នាថតយ៉ាងវក់វី ហើយនាងបានក្លាយជាមនុស្ស ដែលមានការយកចិត្តទុកដាក់បំផុតរបស់សារព័ត៌មាន។
ចំណែកវីដេអូស្តីពីភាពសិចស៊ីរបស់នាងក៏ទាក់ទាញការទស្សនាខ្លាំងនៅកម្ពុជាផងដែរ។ វីដេអូផលិត ដោយកម្មវិធី 60 Bុuzz របស់កោះសន្តិភាពអំពីភាពសិចស៊ីរបស់នាងបានត្រូវទស្សនា ដោយមនុស្ស ជិតបីលាននាក់តែក្នុងរយៈពេលពីរសប្តាហ៍។
បន្តមកទៀត យុវតីខ្មែរម្នាក់ដែលលក់ផលិតផលតាមអនឡាញ ក៏បានពាក់អាវបញ្ចេញ សាច់ទ្រូង ដ៏សខ្ចីរបស់នាង។ មនុស្សប្រុសជាច្រើនបាននាំគ្នាផ្ញើវីដេអូនោះ ពីមនុស្សម្នាក់ទៅមនុស្ស ម្នាក់ទៀត មាន Messenger ខណៈដែលមានមនុស្សជាច្រើនបានបញ្ចេញមតិយោបល់រិះគន់ដល់នាង។ វីដេអូ ដែលបញ្ចេញដើមទ្រូងនោះ ក៏បានរីកសាយយ៉ាងខ្លាំងនៅក្នុងបណ្តាញសង្គមរហូតដល់សារព័ត៌មានមួយចំនួនទ្រាំមិនបានក៏ធ្វើការផ្សាយអំពីបញ្ហានោះ។
ដូចជាករណីតារាវៀតណាមនាង Ngoc Trinh ដែរ ព័ត៌មានអំពីយុវតីខ្មែរហ៊ានបញ្ចេញដើមទ្រូងនោះ ក៏មានមនុស្សអាន និង ទស្សនាយ៉ាងច្រើនណាស់ដែរ។
តើយើងអាចរៀនសូត្របានអ្វីខ្លះពីករណីទាំងពីរខាងលើនេះ?
ករណីទាំងពីរខាងលើ ប្រាប់ដល់មនុស្សគ្រប់គ្នាឱ្យមានការប្រយ័ត្នប្រយែងខ្លាំងជាងមុនអំពីអ្វីដែលគេត្រូវដាក់ផ្សាយតាមហ្វេសប៊ុក ជាពិសេសអ្វីដែលទាក់ទងនឹងភាពឯកជនរបស់ខ្លួន។ អ្វីដែលបានដាក់ផ្សាយ តាមហ្វេសប៊ុកមិនថា ជារូបថត និងសំណេរទេ អាចនឹងត្រូវបានគេយកទៅប្រើប្រាស់តាមមធ្យោបាយផ្សេងៗ។ ដូច្នេះពេលខ្លះ វាអាចនឹងធ្វើឱ្យប៉ះពាល់ដល់សេចក្តីថ្លៃថ្នូរ និងភាពឯកជនរបស់សាម៉ីខ្លួន។
សម្រាប់វីដេអូ និងរូបថត របស់ស្ត្រីតារាម៉ូដែលវៀតណាម និងយុវតីខ្មែរដែលលក់អនឡាញនោះ វាបានធ្វើឱ្យបុរសៗច្រួលច្របល់ខ្លាំង ហើយមានអារម្មណស្រ៊ើបស្រាលខាងផ្លូវភេទដែលជាហេតុធ្វើឱ្យពួកគេនៅមិនស្ងៀមបញ្ជូនចែកមិត្តភក្តិមើលយ៉ាងព្រោងព្រាត។ នេះជាឧទាហរណ៍មួយដែលថា រូបថតស្រីៗ ដែលស្រស់ស្អាត និងមានភាពសិចស៊ីមិនគួរត្រូវបានយកមកដាក់ផ្សាយតាមហ្វេសប៊ុកទេ បើសិនជាស្ត្រីទាំងឡាយមិនចង់ឱ្យមានបញ្ហាសម្រាប់ខ្លួន ដោយសារតែរូបថត និិងវីដេអូនោះ។ នៅពេលដែលយើងដាកផ្សាយសាធារណៈតាមហ្វេសប៊ុកនោះ ភាពឯកជនអាចនឹងត្រូវរលុបបាត់ហើយ ខណៈដែលមនុស្សជាច្រើនបានឃើញ បានបញ្ចេញមតិយោបល់ និងបានចែករំលែកគ្នាមើលបន្ត។
ប៉ុន្តែមនុស្សទាំងអស់ក៏គួរតែប្រុងប្រយ័ត្នជាងមុន និងមានការគោរពជាងមុនដល់សិទ្ឋិឯកជនរបស់មនុស្សទូទៅ។ គេមិនត្រូវយករូបថតរបស់អ្នកដទៃទៅធ្វើការផ្សព្វផ្សាយឬធ្វើការអត្ថាធិប្បាយអ្វីដែលនាំឱ្យ ប៉ះពាល់សិទ្ធិ និងសេចក្តីថ្លៃថ្នូររបស់អ្នកដទៃឡើយ។ សិទ្ធិឯកជន និងសេចក្តីថ្លៃថ្នូររបស់ មនុស្សត្រូវ បានការពារដោយច្បាប់។ ច្បាប់ក៏បានហាមឃាត់ផងដែរ ដល់ការផ្សព្វផ្សាយទាំងឡាយណាដែល មានភាពអាសអាភាស និងប៉ះពាល់ដល់ប្រពៃណី និងវប្បធម៌ដ៏ផូរផង់របស់កម្ពុជា។
នៅពេលដែលហ្វេសប៊ុក និងបណ្តាញសង្គមនានា បានផ្តល់សេរីភាពកាន់តែខ្លាំងដល់មនុស្សគ្រប់គ្នានោះ វាទាមទារឱ្យគ្រប់គ្នាយល់ដឹងកាន់តែច្បាស់ពីអ្វីដែលគួរ និងអ្វីដែលមិនគួរធ្វើនៅលើបណ្តាញសង្គម។ ពាក្យមួយឃ្លាដែលមនុស្សត្រូវចងចាំនោះ គឺ «សេរីភាពដើរទន្ទឹមនឹងការទទួលខុសត្រូវ»៕ (កែសម្រួលដោយ ៖ បុប្ផា)
ចែករំលែកព័តមាននេះ