រាជធានីភ្នំពេញ ៖ តាមការផ្សាយឃ្លីបវីដេអូ ស្ត្រីជាឃាតករកំណាចដៃឆៅ ដែលសមត្ថកិច្ចនាំយកទៅធ្វើសកម្មភាពជុំវិញការសម្លាប់កាត់ជាកង់ៗស្ត្រីម្នាក់ ជាមិត្តភក្តិរបស់ខ្លួន បានធ្វើឱ្យមហាជនគ្រប់រូបដែលបានតាមដានវីដេអូឃ្លីបនោះ លាន់មាត់គ្រប់ៗគ្នាពីភាពមិនតក់ស្លុតរបស់ស្ត្រីកំណាចនេះ ដែលមើលទៅ ហាក់ ដូចជាខ្លួនគ្រាន់តែជាសាក្សី ដែលឃើញហេតុការណ៍នេះប៉ុណ្ណោះ ។ ស្ត្រីរូបនេះ បាននិយាយច្បាស់ៗពីការសម្លាប់ជនរងគ្រោះ និងការក្លាស្សេសព រួចយកមកកាត់ជាកង់ៗដោយកាំបិតប៉័ងតោ ដូចកាប់សត្វជ្រូក ដើម្បីយកទៅបោះចោលក្នុងទន្លេ ។ គួរបញ្ជាក់ថា៖ ឃាតករថា៖ ពេលខ្លះញ៉ុមឆ្លាត… ពេលសម្លាប់គាត់ដាក់ក្នុងទូទឹកកកនេះ
ការកាប់បំបែកសពជាកង់ៗនេះ ពិតជាការសម្លាប់យ៉ាងឃោរឃៅព្រៃផ្សៃបំផុតដែលកម្រកើតមាន
ណាស់ ។ យោងតាមផេកហ្វេសប៊ុករបស់កងរាជអាវុធហត្ថរាជធានីភ្នំពេញ បានបញ្ជាក់ថា ស្ត្រីសង្ស័យឈ្មោះ ស៊ិន សុផល អាយុ៣៥ឆ្នាំ មុខរបរលក់អាហារអឺរ៉ុបយីហោ ដឹរេដហ្គោរបារ នៅផ្ទះលេខ៤០Eo
ផ្លូវលេខ១៥៤ សង្កាត់ជ័យជំនះ ខណ្ឌដូនពេញ និងមានស្រុកកំណើតនៅភូមិតាព្រហ្ម ឃុំព្រែកឯង ស្រុកកៀនស្វាយ ខេត្តកណ្តាល ។
គេហទំព័រហ្វេសប៊ុកកងរាជអាវុធហត្ថបានលើកឡើងថា ជនសង្ស័យមិនត្រឹមតែជាមនុស្សឈាមត្រជាក់ សាហាវឃោរឃៅប៉ុណ្ណោះទេ សូម្បីតែជីវិតផ្ទាល់ខ្លួន ក៏មិនធម្មតាដែរ គឺមានប្តីដល់ទៅ៦នាក់ ដែលប្តីទី១មានកូន១ ទី២មានកូន២ ទី៣មានកូន១ ។ ប្តីទាំង៣នាក់ដំបូងគឺជាជនជាតិខ្មែរ ឯប្តីទី៤មានកូន១ ប្តីទី៥គ្មានកូន និងទី៦គ្មានកូន ។ ប្តីទាំង៣នាក់ក្រោយនេះ គឺជាជនបរទេស ។
ចំណែកស្ត្រីរងគ្រោះឈ្មោះ គឹម យ៉ានាង អាយុ៣៩ឆ្នាំ ជាម្ចាស់ហាងអ៊ុតសក់នៅផ្សារចាស់ និងជាស្ត្រីមេម៉ាយកូនមួយ ស្នាក់នៅផ្ទះជួលម្តុំទួលសង្កែ មានស្រុកកំណើតនៅភូមិចារថ្មី ឃុំគំរូ ស្រុកថ្មពួក ខេត្តបន្ទាយមានជ័យ ។
ចែករំលែកព័តមាននេះ