ពាក្យចាស់ពោលថាមាយាលាក់ពុធតើត្រឹមត្រូវទេ? មាយានេះសំដៅសេចក្ដីថា មិនបានប្រកាសនូវសេចក្ដីស្មោះត្រង់ មិនមាននូវសច្ចភាព អាចប្រព្រឹត្តទៅដោយមុសាវាទក៏បាន តែជួនកាលមិនបានគ្រប់អង្គជាមុសាវាទទេ ក៏នៅក្នុងលក្ខណៈនៃមាយាដែរ ព្រោះវាជាការលាក់បាំងនូវកំហុសទាំងឡាយ ។ រឿងមាយាដែលនាំឲ្យកើតមុសាវាទនេះគឺមានច្រើនបែប…
ពាក្យចាស់ពោលថាមាយាលាក់ពុធតើត្រឹមត្រូវទេ?
មាយានេះសំដៅសេចក្ដីថា មិនបានប្រកាសនូវសេចក្ដីស្មោះត្រង់ មិនមាននូវសច្ចភាព អាចប្រព្រឹត្តទៅដោយមុសាវាទក៏បាន តែជួនកាលមិនបានគ្រប់អង្គជាមុសាវាទទេ ក៏នៅក្នុងលក្ខណៈនៃមាយាដែរ ព្រោះវាជាការលាក់បាំងនូវកំហុសទាំងឡាយ ។
រឿងមាយាដែលនាំឲ្យកើតមុសាវាទនេះគឺមានច្រើនបែប ច្រើនយ៉ាងណាស់ដូចជា ជួនកាលយើងមិនឈឺទេ តែធ្វើពុតជាឈឺដើម្បីសម្តែងអាការៈឲ្យអ្នកដទៃដឹង ព្រោះយើងខ្ជិលក្នុងការងារឯណានីមួយ ហើយយើងធ្វើអាការៈហាក់ដូចជាឈឺ គ្រាន់តែធ្វើទឹកមុខបែបប្រពាប់ស្រពោន រាងស្ញោៗ អ៊ីចឹងទៅប្រកបដោយចិត្តកុហក នេះគឺជាមុសាវាទកើតតាមកាយទ្វាយ ។
ជួនកាលយើងសម្រាន្តមិនលក់ទេ តែយើងចង់ឲ្យអ្នកដទៃដឹងថា យើងសម្រាន្តលក់ហើយ ក៏ខំដណ្ដប់ភួយសម្ងំស្ងៀម លក្ខណៈបែបនេះក៏ចាត់ចូលទៅកុហក ជាវចីកម្មកាយទ្វារ ។
ចំពោះវចីកម្មកាយទ្វារនេះ ជួនការយើងគ្រាន់តែធ្វើខុសយ៉ាងណាៗ ហើយយើងមិនចង់ឲ្យអ្នកដទៃដឹងងាយ រួចក៏មានការក្លែងបន្លំដោយប្រការផ្សេងៗ នេះក៏ជាមុសាវាទដែរ ដោយអំណាចនៃមាយាគឺជាមេក្លែងនៃមុសាវាទ។
ចែករំលែកព័តមាននេះ