កូរ៉េខាងជើង មានទីតាំងប្រហារជីវិតច្រើនរយកន្លែងឯណោះ
ប្រទេសកូរ៉េខាងជើង ៖ តាមទូរទស្សន៍BBCថា ក្នុងរបាយការណ៍របស់ខ្លួនអង្គការក្រៅរដ្ឋាភិបាលកូរ៉េខាងត្បូង MAPPING THE FATE OF THE DEADរៀបរាប់ពីការបង្កើតទីតាំងប្រហារជីវិតមនុស្ស…
ប្រទេសកូរ៉េខាងជើង ៖ តាមទូរទស្សន៍BBCថា ក្នុងរបាយការណ៍របស់ខ្លួនអង្គការក្រៅរដ្ឋាភិបាលកូរ៉េខាងត្បូង MAPPING THE FATE OF THE DEADរៀបរាប់ពីការបង្កើតទីតាំងប្រហារជីវិតមនុស្ស…
ប្រទេសកូរ៉េខាងជើង ៖ តាមទូរទស្សន៍BBCថា ក្នុងរបាយការណ៍របស់ខ្លួនអង្គការក្រៅរដ្ឋាភិបាលកូរ៉េខាងត្បូង MAPPING THE FATE OF THE DEADរៀបរាប់ពីការបង្កើតទីតាំងប្រហារជីវិតមនុស្ស ជាសាធារណៈដល់ទៅ៣៨១កន្លែងនៅកូរ៉េខាងជើង។
ក្នុងចំណោមទីតាំងទាំងនោះមាននៅតាមផ្សារ សាលារៀន ទីលានកីឡា ព្រមទាំងនៅតាមពន្ធនាគារឬជំរំឃុំឃាំងចាប់បង្ខំឲ្យធ្វើការដែលទីនោះជាកន្លែងដាក់ពួកឧក្រិដ្ឋជននយោបាយ។ អ្នករត់គេចខ្លួនម្នាក់ចេញពីជំរំចាប់បង្ខំឲ្យធ្វើការ កាលពីដើមទសវត្សឆ្នាំ២០០០ រៀបរាប់ពីការប្រមូលពួកអ្នកទោស ប្រមាណជា៨០នាក់ ឲ្យមកមើលការប្រហារជីវិតនារី៣នាក់ ដែលរងការចោទប្រកាន់ពីបទប៉ុនប៉ងលួចរត់ចេញ។
អង្គការក្រៅរដ្ឋាភិបាលនោះរៀបរាប់ទៀតថា មនុស្សដល់ជាង១០០០នាក់ អាចប្រមូលឲ្យមកមើលការប្រហារជីវិតមនុស្សទាំងឡាយ។ ក្នុងចំណោមអ្នកទោសប្រហារជីវិតទាំងនេះ មួយចំនួនគ្រាន់តែប្រព្រឹត្តបទល្មើសតូចតាចប៉ុណ្ណោះដូចជាៈ លួចឬគ្រាន់តែមើលទូរទស្សន៍កូរ៉េខាងត្បូង។ សាច់ញាតិរបស់ពួកគេ ក្នុងនោះមានកូនៗពួកគេផង ជួនកាលត្រូវចាប់បង្ខំឲ្យឈរមើលការប្រហារជីវិតឪពុកឬម្ដាយរបស់ពួកគេ។ សាកសពអ្នកត្រូវប្រហារជីវិតកម្រប្រគល់ឲ្យសាច់ញាតិគ្រួសារ។
របាយការណ៍បន្តថា ការប្រហារជីវិតជាវិធីសាស្ត្រធម្មតារបស់របបកូរ៉េខាងជើង ដើម្បីឲ្យមនុស្សម្នាខ្លាចរអែង ងាយគ្រប់គ្រងពលរដ្ឋនិងថែរក្សាអំណាចផ្ដាច់ការ របស់របបប្រទេសនោះ។
ដើម្បីធ្វើរបាយការណ៍នេះក្រុមការងាររបស់អង្គការនោះ បានសាកសួរអ្នករត់គេចខ្លួនកូរ៉េខាងជើង៦១០នាក់។ ទោះបីយ៉ាងណារបាយការណ៍ប្រភេទនោះចេញមកពីកូរ៉េខាងត្យូង ដែលមានជម្លោះជាមួយកូរ៉េខាងជើងជិតខាង ត្រូវមានការប្រុងប្រយ័ត្ន។ បណ្ដាសាក្សីភាគច្រើនជាអ្នកប្រឆាំង ហើយស្ទើរមិនអាចត្រួតពិនិត្យបាន ព្រោះកូរ៉េខាងជើងជាប្រទេសបិទជិតនិងរក្សាជិតបំផុតបណ្ដារឿងសម្ងាត់។
ឧទាហរណ៍កាសែតកូរ៉េខាងត្បូងមួយ កាលពីឆ្នាំ២០១៣ បានចេញផ្សាយព័ត៌មានពីការប្រហារជីវិតជាសាធារណៈ តារាចម្រៀងស្រីកូរ៉េខាងជើងល្បីល្បាញម្នាក់នាងHYON SONG WOL។ ការប្រហារជីវិតនាងត្រូវគេនិយាយថា ធ្វើឡើងក្រោមក្រសែភ្នែករបស់បណ្ដាសមាជិកក្រុមតន្ត្រីរបស់នាង ប៉ុន្តែក្រោយមកស្រាប់តែគេឃើញតារាចម្រៀងរូបនោះលេចមុខវិញក្នុងឆ្នាំ២០១៨ ក្នុងផ្ទៃគណៈប្រតិភូមួយ៕ (កែសម្រួលដោយ ៖ បុប្ផា)
ចែករំលែកព័តមាននេះ