ខេត្តស្ទឹងត្រែង ៖ កាលពីចុងសប្តាហ៍កន្លងទៅថ្មីៗនេះ លោក តិត សាលី អនុរដ្ឋលេខាធិការដ្ឋានអាកាសចរណ៍ស៊ីវិលកម្ពុជា បានដឹកនាំក្រុមការងារលេខាធិការដ្ឋានអាកាសចរណ៍ស៊ីវិលកម្ពុជា រួមទាំងអ្នកវិយោ
គិនចិនបានជួបប្រជុំជាមួយអាជ្ញាធរថ្នាក់ខេត្តដើម្បីពិភាក្សានិងសិក្សាស្វែងយល់បន្ថែមលើការត្រៀមរៀបចំសាងសង់ និងបើកឲ្យដំណើរការឡើងវិញនូវព្រលានយន្តហោះខេត្តស្ទឹងត្រែង។
អភិបាលខេត្តស្ទឹងត្រែង លោកម៉ុម សារឿន បានសម្តែងការស្វាគមន៍ចំពោះការត្រៀមរៀបចំសាងសង់ និងបើកឲ្យដំណើរការឡើងវិញនូវព្រលានយន្តខេត្តស្ទឹងត្រែងជាថ្មី ក្រោយពេលផ្អាកការហោះហើរអស់ជាច្រើនឆ្នាំកន្លងមក ។
លោកអភិបាលខេត្តបានលើកឡើងថា ការបើកឲ្យដំណើរការឡើងវិញនូវព្រលានយន្តហោះខេត្តស្ទឹងត្រែងជាផលល្អសម្រាប់ប្រជាពលរដ្ឋខេត្តក៏ដូចជាប្រជាពលរដ្ឋទូទៅក្នុងព្រះរាជាណាចក្រកម្ពុជា ព្រោះថា ព្រលានយន្តហោះខេត្តស្ទឹងត្រែងនេះ និងជួយកាត់បន្ថយនូវរាល់ការចំណាយពេលវេលាដ៏ច្រើនម៉ោងរបស់ប្រជាពលរដ្ឋ អាជីវករ អ្នកវិនិយោគ និងអ្នកទេសចរណ៍ក្នុងការធ្វើដំណើរទៅមកពីខេត្តស្ទឹងត្រែងទៅរាជធានីភ្នំពេញ និងអាចទៅកាន់តាមបណ្តាខេត្តផ្សេងៗទៀតផងដែរ។
លោកអភិបាលបន្តថា ការបើកឲ្យដំណើរការព្រលានយន្តហោះខេត្តស្ទឹងត្រែងជាថ្មីក៏ជាផ្នែកមួយសំខាន់ផងដែរដែលទាក់ទាញភ្ញៀវទេសចរណ៍ជាតិ-អន្តជាតិឲ្យមកលេងកំសាន្តក្នុងខេត្ត ភាគឦសានមួយនេះដែលសម្បូទៅដោយរមណីយដ្ឋានទេសចរណ៍បែបធម្មជាតិ លើសពីនេះក៏អាចជាឱកាសមួយល្អក្នុងទាញអ្នកវិនិយោគនានាមកធ្វើការវិនិយយោគក្នុងខេត្តស្ទឹងត្រែងផងដែរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព៕ (កែសម្រួលដោយ ៖ ធីតា)
ចែករំលែកព័តមាននេះ