តាម​ប្រភព​ព័ត៌មាន The Sun បានឱ្យ​ដឹង​ថា ក្លឹ​ប​អធិរាជ​ស Real Madrid បាន​ប្រកាស​ជា​ផ្លូវការ​ថា ពិតជា​បាន​ចុះ​កុងត្រា​ជាមួយនឹង​កីឡាករ​ខ្សែប្រយុទ្ធ​របស់ Eintracht Frankfurt ក្នុង​តម្លៃ​៥៨​លាន​ផោន ។

កីឡាករ​អាយុ​២១​ឆ្នាំ Luka Jovic បាន​លេង​នៅ​ក្លិប Eintracht Frankfurt យ៉ាង​ល្អ​នៅ​រដូវ​កាល​មុន ជាមួយនឹង​ការ​ស៊ុត​ប​ញ្ជូ​ល​ទី​២៧​គ្រាប់ ក្នុង​ការ​ប្រកួត​៤៨​លើក ។ ខាង Real Madrid ដឹង​ច្បាស់​ពី​មូលហេតុ​ហ៊ាន​ទិញ Jovic ក្នុង​តម្លៃ​៥៨​លាន​ផោន ហើយ​បាន​ដាក់កុង​ត្រា​រហូត​ដល់​ឆ្នាំ​២០២៥ ។ ក្នុង​ចំណោម​លុយ​ទាំងអស់ លុយ ១០.៥​លាន​ផោន​នឹង​ត្រូវ​ជះ​ទៅ​លើ​ក្លឹ​ប​ចាស់​របស់​គេ ដោយសារ​តែ​ជាប់​កុងត្រា​លក់ ។

ប្រធាន​ក្លឹ​ប Eintracht Frankfurt លោក Fredi Bobic បាន​ប្រាប់​ថា ៖«​បើ​គិត​ពី​ផ្នែក​កីឡា​វិញ Luka Jovic គឺជា​ការ​បាត់បង់​យ៉ាង​ធំ​សម្រាប់​យើង​ទាំងអស់​គ្នា ។ តែ​វា​ជា​ការ​ពិត ដែល​យើង​មាន​បញ្ហា​ថវិកា​»​។

Real Madrid បាន​ចាត់​ទុក Jovic ជា​កីឡាករ​មាន​ថាមពល បច្ចេកទេស​លេង និង​ពូកែ​ស៊ុត​បញ្ចូល​ទី ក្រោយ​ពី​ទិញ​យក​កីឡាករ​នេះ​បាន​សម្រេច ៕

កែសម្រួលដោយ ៖ សំណាង