រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីចង់ឲ្យវិស័យថាមពលជាវិស័យ អាទិភាពមួយសម្រាប់កិច្ចសហប្រតិបត្តិការរវាងប្រទេសកម្ពុជា និងប្រទេសឡាវ ។ ការបង្ហាញទស្សននេះរបស់ប្រមុខដឹកនាំប្រទេសធ្វើឡើងក្នុងជំនួបពិភាក្សាជាមួយលោក សន…
រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីចង់ឲ្យវិស័យថាមពលជាវិស័យ អាទិភាពមួយសម្រាប់កិច្ចសហប្រតិបត្តិការរវាងប្រទេសកម្ពុជា និងប្រទេសឡាវ ។ ការបង្ហាញទស្សននេះរបស់ប្រមុខដឹកនាំប្រទេសធ្វើឡើងក្នុងជំនួបពិភាក្សាជាមួយលោក សន សៃស៊ីផាន់ដន ឧបនាយករដ្ឋមន្ត្រីឡាវ នាព្រឹក ថ្ងៃទី៤ ខែមិថុនា នៅវិមានសន្តិភាព ។
យោងតាមបណ្តាញសង្គមរបស់សម្តេចតេជោបានឲ្យដឹងថា ក្នុងជំនួបសម្តេចតេជោបាន ថ្លែងអំណរគុណដល់ភាគីឡាវផងដែរ ដែលឆ្នាំនេះបានលក់ថាមពលអគ្គិសនីឲ្យប្រទេស កម្ពុជាយើងបានចំនួន ១៨ មេហ្គាវ៉ាត់ ដែលថាមពលអគ្គិសនីនេះកំពុងតែប្រើប្រាស់នៅខេ ត្តកំពង់ធំ និងខេត្តព្រះវិហារ ។ សម្តេចតេជោនាយករដ្ឋមន្ត្រីក៏បានមានប្រសាសន៍ណែនាំ ក៏ដូចជា ផ្តល់ នូវអនុ សាសន៍ ផងដែរថា ទំហំពាណិជ្ជកម្មកម្ពុជា និងឡាវគប្បីណាជំរុញឲ្យមានការរី កចម្រើន កាន់តែធំ ថែមទៀត ជាពិសេសវិស័យទេសចរណ៍ វិស័យវប្បធម៌ និងវិស័យវិនិយោគ ក៏ដូចជា វិស័យ សេដ្ឋកិច្ចផង ។
លើសពីនោះទៀត ក៏មិនត្រូវកាត់ផ្ដាច់ពីវិស័យថាមពលផងដែរ ដោយសម្ដេចតេជោ នាយករដ្ឋមន្ត្រី បានបញ្ជាក់ថា « យើងគប្បីណា លើកយកវិស័យថាមពលជាវិ ស័យអាទិភាពសម្រាប់កិច្ចសហប្រតិបត្តិការរវាងប្រទេសយើងទាំងពីរ ជាមួយគ្នានេះផងដែរ ទាក់ទងនឹងទំ ហំពាណិជ្ជកម្មរវាងប្រទេសយើងទាំងពីរ គប្បីណាដាក់បញ្ជូលទៅលើផ្នែក ការទិញ-លក់ នៃវិ ស័យថាមអគ្គិសនីនេះផងដែរ» ។ ក្នុងជំនួបនោះដែរលោក សន សៃស៊ីផាន់ដន បានទទួលផ្តាំផ្ញើសួរសុខទុក្ខអំពីនាយក រដ្ឋមន្ត្រីឡាវ គោរពជូនសម្តេចតេជោនាយករដ្ឋមន្ត្រី និងសូមគោរពថ្លែងអំណរគុណយ៉ាងជ្រាល ជ្រៅជូនចំពោះប្រជាពលរដ្ឋក៏ដូចជា រាជរដ្ឋាភិបាលកម្ពុជាដែលកន្លងមកតែងតែជួយគាំទ្រដល់ប្រទេសឡាវ ។
លោកបន្តថា តាមរយៈដំណើរទស្សនកិច្ចរបស់ឯ កឧត្តមមក កាន់ព្រះរាជាណាចក្រក ម្ពុជានៅ ពេលនេះ គឺដើម្បីសិក្សាស្វែងយល់ និងដកស្រង់ បទពិសោធន៍អំពីការអភិវឌ្ឍកម្ពុជា ដើម្បីយក ទៅអនុវត្តនៅប្រទេសឡាវ ។ លោកក៏បានអគុណចំពោះ សម្ដេចតេជោនាយករដ្ឋមន្ត្រី ក៏ដូចជា រដ្ឋាភិបាលកម្ពុជាដែលបានគាំទ្រដល់វិនិយោគគិនឡាវនៅកម្ពុជា ជាពិសេសធនាគារឡាវ BIC ក៏ដូចជា អ្នកវិនិយោគផ្សេងៗ និងការគាំទ្រដល់ការទិញថាមពលអគ្គិសនីពីប្រទេសឡាវផងដែរ ។
ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណចំពោះកា រផ្តាំផ្ញើសួរសុខទុក្ខពីថ្នាក់ដឹកនាំនៃប្រទេសឡាវ ហើយក៏បានមានប្រសាសន៍ធ្វើ ការណែនាំថា ក រណីវិស័ យ ធនាគារ ដើម្បីឲ្យទទួលបាននូវភាពជោគជ័យនោះ គឺធ្វើយ៉ាង ណាត្រូវយកចិត្ត ទុកដាក់ ដល់ការផ្ដល់កម្ចីដល់វិស័យឧស្សាហកម្ម និងសិប្បកម្ម ៕ កែសម្រួលដោយ៖សុឃាក់
ចែករំលែកព័តមាននេះ