ឈ្មោះខ្មែរពីរោះ និងមានន័យប្រពៃណាស់ស្របទៅតាមអក្ខរព្យញ្ជនៈទាំង៣៣តួត្រូវបានបែងចែកទៅតាមកម្លាំងថ្ងៃទាំង៧ និងដើម្បីងាយស្រួលលោកអ្នកជ្រើសរើសឈ្មោះកូនឱ្យត្រូវទៅតាមតម្រាក្បួនច្បាប់ ៖
ថ្ងៃចន្ទមានអក្សរ៥តួ ក ខ គ ឃ ង, ថ្ងៃអង្គារមានអក្សរ៥តួ ច ឆ ជ ឈ ញ, ថ្ងៃពុធមានអក្សរ៥តួ ដ ឋ ឌ ឍ ណ, ថ្ងៃពុធពេលយប់មានអក្សរ៤តួ យ រ ល វ, ថ្ងៃព្រហស្បតិ៍មានអក្សរមានអក្ស៥តួ ប ផ ព ភ ម, សុក្រមានអក្សរ៣តួ ស ហ ឡ, ថ្ងៃសៅរ៍មានអក្សរ៥តួ ត ថ ទ ធ ន និងអាទិត្យមានអក្សរ ៨តួ អ អា អិ អី អុ អូ អេ អោ ។
តទៅនេះនឹងមានការស្រាវជ្រាវរាវរកឈ្មោះដែលមានសំឡេងពីរោះនិងមានន័យជ្រៅតាំងពីអក្សរ ក រហូតដល់អក្សរ អ ហើយលោកអ្នកអាចយកឈ្មោះណាមួយមកដាក់ឈ្មោះឱ្យកូនបានតាមសញ្ញាចូលចិត្តចុះ ។
កណិការ- ឈ្មោះឈើមានផ្កាមួយប្រភេទមានសណ្ឋានដូចផ្កាម្លិះ ក្លិនក្រអូបឈ្ងុយឈ្ងប់ អាចជានាមកូនស្រីដែលមានរូបរាងស្អាត ។
កុសល- អ្នកឈ្លាសវៃ មានចំណូលចិត្តតែក្នុងអំពើល្អ ។
កក្កដា- ក្តាម ឈ្មោះខែទី៧ដែលជាខែកំពុងរវល់មមាញឹក ដូច្នេះកូនម្នាក់នេះគឺជាមនុស្សឆ្លាត ឧស្សាហ៍ហើយក៏ស្រឡាញ់គ្រួសារណាស់ដែរ ។
កល្យាណ- ឬកល្យាណី ល្អ ឬដែលមានលម្អ, អ្នកធ្វើអំពើល្អ, អំពើជាកុសល ជាឈ្មោះកូនស្រី ។
កញ្ញា- ស្រីក្រមុំតូច ស្រីជំទង់ ជាឈ្មោះខែទី៩នៃសុរិយគតិ ចាស់បុរាណតែងដាក់ឈ្មោះឱ្យកូនស្រីដែលមានសម្បុរល្អគួរឱ្យស្រឡាញ់ ។
កុសុមា- នារីល្អដូចជាផ្កា ឬដូចកម្រងផ្កា ។
កិន្នរី- ជាឈ្មោះបក្សីមួយប្រភេទមានរូបរាងដូចមនុស្ស ស្អាតដូចទេពអប្សរ មានស្លាបអាចហោះហើរបាន ដែលក្លាយមកពីពាក្យកែណរ ឬកេនរនេះឯង
កិរិយា- ជាឈ្មោះនារីដែលមានរូបសម្បត្តិល្អ ឫកពាមារយាទថ្លៃថ្នូរ និងមានសំឡេងពីរោះរណ្តំជាទីពេញចិត្តនៃមនុស្សទូទៅ ។
កុញ្ជរា- ដំរីដ៏មានសិរី ប្រសើរខ្ពង់ខ្ពស់ ស័ក្តិសមនឹងឈ្មោះកូនស្រី ប្រពៃពេក។ នៅមានត…
ចែករំលែកព័តមាននេះ