ប្រទេសអុីស្រាអែល ៖ សភាអុីស្រាអែលកាលពីយប់ថ្ងៃទី២៩ឧសភា បានបោះឆ្នោតដើម្បីរំលាយខ្លួនឯង ដោយ៧៤សំឡេងគាំទ្រនិង៤៥សំឡេងប្រឆាំង ដែលបែបនេះជាការបំបាក់មុខរបស់គណបក្សនាយករដ្ឋមន្ត្រីលោកបេនចាមីននេតាន់យ៉ាហ៊ូគឹគណបក្សLIKOUD។
លោកបេនចាមីននេតាន់យ៉ាហ៊ូមិនអាចបង្កើតរដ្ឋាភិបាលចម្រុះមួយបាន ជាមួយបណ្ដាគណបក្សស្ដាំនិយម ដែលមានសំឡេងក្នុងការបោះឆ្នោតសភាកាលពីថ្ងៃទី៩មេសា។ បែបនេះញាំុងឲ្យប្រជាជនអុីស្រាអែលត្រូវទៅបោះឆ្នោតជាលើកទី២ ក្នុងរយៈពេលមិនដល់៥ខែផង។
នោះជាបរាជ័យមួយសម្រាប់លោកនេតាន់យ៉ាហ៊ូ ដែលកាន់អំណាចចាប់តាំងពីឆ្នាំ១៩៩៩មក។ ពេលនេះរូបលោករងការចោទប្រកាន់ពីអំពើពុករលួយ ហើយពិតណាស់លោកនឹងជួបការលំបាកក្នុងការឃោសនាបោះឆ្នោតនាពេលខាងមុខ។
ប្រធានាធិបតីអាមេរិកលោកដូណាល់ត្រាំ ដែលបានបង្កើនការគាំទ្រចំពោះអីុស្រាអែលក្រោមការដឹកនាំ របស់លោកនេតាន់យ៉ាហ៊ូ ចាប់តាំងពីលោកចូលកាន់សេតវិមានមក កាលពីថ្ងៃទី២៧ឧសភា បានស្នើឲ្យអីុស្រាអែលដោះស្រាយវិបត្តិនយោបាយរបស់ខ្លួន ដោយលោកសម្ដែងពីការគាំទ្រចំពោះលោកនេតាន់យ៉ាហ៊ូ។
ចំណែកកូនប្រសារបស់លោកគឺលោកJARED KUSHER បានមកកាន់ទីក្រុងហ្សេរុយសាឡឹមនាយប់ថ្ងៃទី២៩ឧសភា ដើម្បីពិភាក្សាពីការផ្ដួចផ្ដើមគំនិតខាងការទូតថ្មី ស្វែងរកដំណោះស្រាយជម្លោះរវាងពួកប៉ាឡេស្ទីននិងអីុស្រាអែល៕ (កែសម្រួលដោយ ៖ បុប្ផា)
ចែករំលែកព័តមាននេះ