រាជធានីភ្នំពេញ ៖ បុរសម្នាក់ជាមន្ត្រីនគរបាលខណ្ឌឬស្សីកែវ ចេញពីផឹកស៊ីស្រវឹងជិះម៉ូតូកៀរបុរសម្នាក់ដើរឆ្លងផ្លូវ បណ្តាលអោយឈ្លោះប្រកែកគ្នាវាយតប់រងរបួសទាំងសងខាង ដែលហេតុការណ៍នេះបានកើតឡើង កាលពីវេលាម៉ោង១០និង៣០នាទីយប់ ថ្ងៃទី២៩ ខែឧសភា ឆ្នាំ២០១៩…
រាជធានីភ្នំពេញ ៖ បុរសម្នាក់ជាមន្ត្រីនគរបាលខណ្ឌឬស្សីកែវ ចេញពីផឹកស៊ីស្រវឹងជិះម៉ូតូកៀរបុរសម្នាក់ដើរឆ្លងផ្លូវ បណ្តាលអោយឈ្លោះប្រកែកគ្នាវាយតប់រងរបួសទាំងសងខាង ដែលហេតុការណ៍នេះបានកើតឡើង កាលពីវេលាម៉ោង១០និង៣០នាទីយប់ ថ្ងៃទី២៩ ខែឧសភា ឆ្នាំ២០១៩ តាមបណ្តោយផ្លូវជាតិលេខ៥ នៅចំណុចក្បែរនឹងក្លឹបមេគង្គ ស្ថិតនៅក្នុងសង្កាត់ឬស្សីកែវ ខណ្ឌឬស្សីកែវ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញបុរស២នាក់ដែលម្នាក់ជាមន្ត្រីនគរបាលខណ្ឌឬស្សីកែវជិះម៉ូតូមួយគ្រឿងម៉ាកស្មាសវី ពណ៌ស មិនចាំស្លាកលេខតាមបណ្តោយផ្លូវជាតិលេខ៥ ក្នុងទិសដៅពីជើងទៅត្បូង ខណៈពេលបើកមកដល់ចំណុចកើតហេតុខាងលើនេះក៏មានបុរសម្នាក់ទៀតស្រវឹងស្រាជោគជាំ ដើរចេញមកពីផឹកស្រាក្រឡុកឆ្លងផ្លូវទៅបត់ជើងតូច ពេលត្រឡប់មកពីបត់ជើងតូចវិញ ត្រូវម៉ូតូប៉ូលិសនោះបើកលឿនកៀរ ហើយខាងបុរសដែលស្រវឹងស្រានោះស្រែកថាអោយ ទើបប៉ូលិសខណ្ឌឬស្សីកែវពាក់អាវស៊ីវិល២នាក់ខាងលើ បានបត់ម៉ូតូត្រឡប់មកសួរនាំ ។
ស្រាប់តែខាងភាគីដែលស្រវឹងស្រានោះមានគ្នា៥នាក់ បានព្រួតវាយបុរសដែលជាមន្ត្រីប៉ូលិស បណ្តាលអោយហើមមុខហើមមាត់ របួសយ៉ាងដំណំ រីឯខាងភាគីមានគ្នា៥នាក់នោះរងរបួសបែកមុខបែកមាត់ម្នាក់ និង៤នាក់ទៀតរងរបួសស្រាល បង្កអោយឈ្លោះគ្នាផ្អើលដល់សមត្ថកិច្ចប៉ុស្តិ៍ឬស្សីកែវ ចុះមកអន្តរាគមន៍ឃាត់យកទៅប៉ុស្តិ៍សួរនាំទាំងសងខាង ។
ក្រោយពេលកើតហតុភាគីទាំងសងខាងទាមទារដាក់ពាក្យបណ្តឹងទាំងសងខាង ដើម្បី
អោយសមត្ថកិច្ចជួយរកយុត្តិធម៌រៀងៗខ្លួន ៕ កែសម្រួលដោយ ៖ សុឃាក់
ចែករំលែកព័តមាននេះ