ស្ទឹងត្រែង ៖ ក្រុងស្ទឹងត្រែង ដែលជាបេះដូងនៃខេត្តភូមិភាគឦសានកម្ពុជា កំពុងបង្ហាញខ្លួនយ៉ាងលេចធ្លោជាគោលដៅទេសចរណ៍ដ៏ទាក់ទាញបំផុតមួយ ដោយសារតែទីតាំងភូមិសាស្ត្រដ៏វិសេសវិសាល ជាចំណុចប្រសព្វនៃទន្លេមេគង្គ និងទន្លេសេកុង ។ បច្ចុប្បន្ន…
ស្ទឹងត្រែង ៖ ក្រុងស្ទឹងត្រែង ដែលជាបេះដូងនៃខេត្តភូមិភាគឦសានកម្ពុជា កំពុងបង្ហាញខ្លួនយ៉ាងលេចធ្លោជាគោលដៅទេសចរណ៍ដ៏ទាក់ទាញបំផុតមួយ ដោយសារតែទីតាំងភូមិសាស្ត្រដ៏វិសេសវិសាល ជាចំណុចប្រសព្វនៃទន្លេមេគង្គ និងទន្លេសេកុង ។
បច្ចុប្បន្ន ក្រុងស្ទឹងត្រែងបានប្រែមុខមាត់ថ្មី តាមរយៈការរៀបចំសណ្តាប់ធ្នាប់សាធារណៈ និងការកែលម្អសួនច្បារមាត់ទន្លេយ៉ាងមានសោភ័ណភាព ។ នៅរៀងរាល់ពេលល្ងាច ទីនេះបានក្លាយជាមជ្ឈមណ្ឌលនៃការកម្សាន្តរបស់ប្រជាពលរដ្ឋ និងភ្ញៀវទេសចរ ដែលមកស្រូបយកខ្យល់អាកាសបរិសុទ្ធ និងទស្សនាទិដ្ឋភាពថ្ងៃលិចដ៏កម្រ ដែលចាំងឆ្លុះលើផ្ទៃទឹកទន្លេដ៏ធំល្វឹងល្វើយ ។
អ្វីដែលធ្វើឱ្យក្រុងស្ទឹងត្រែងមានភាពល្បីល្បាញបំផុតនោះ គឺត្រីទន្លេស្រស់ ។ តាមការឲ្យពីអាជីវករក្នុងផ្សារក្រុងស្ទឹងត្រែង ត្រីប៉ាស៊ីអ៊ី និងត្រីប៉ាវ៉ា នៅតែជាមុខម្ហូបល្បី ដែលទាក់ទាញអ្នកទេសចរពីគ្រប់ទិសទី ។ សង្វាក់ផលិតកម្មអាហារកែច្នៃ ដូចជា ណែមត្រីស្ទឹងត្រែង ក៏កំពុងជួយជំរុញសេដ្ឋកិច្ចគ្រួសាររបស់ប្រជាពលរដ្ឋនៅក្នុងក្រុងឱ្យមានភាពធូរធារជាងមុនផងដែរ ។
ការតភ្ជាប់ហេដ្ឋារចនាសម្ព័ន្ធ និងទេសចរណ៍ធម្មជាតិវត្តមាននៃស្ពានមិត្តភាពកម្ពុជា-ចិន ស្ទឹងត្រែង មិនត្រឹមតែសម្រួលដល់ការដឹកជញ្ជូនទំនិញឆ្លងកាត់ព្រំដែនឡាវប៉ុណ្ណោះទេ ប៉ុន្តែវាក៏បានបើកផ្លូវឱ្យអ្នកទេសចរងាយស្រួលធ្វើដំណើរទៅកាន់រមណីយដ្ឋានធម្មជាតិក្បែរៗក្រុង ដែលជាដែនជម្រកសត្វស្លាប និងព្រៃលិចទឹកដ៏មានតម្លៃផងដែរ ។
ជាមួយការកើនឡើងនៃចំនួនភ្ញៀវទេសចរជារៀងរាល់ឆ្នាំ វិស័យសណ្ឋាគារ និងភោជនីយដ្ឋានក្នុងក្រុងស្ទឹងត្រែង ក៏មានការរីកដុះដាលគួរឱ្យកត់សម្គាល់ ។
ក្រុងស្ទឹងត្រែងកំពុងដើរតួយ៉ាងសំខាន់ក្នុងការទាក់ទាញលំហូរទេសចរផ្ទៃក្នុង និងអន្តរជាតិមកកាន់ភាគឦសាន ។ ជាមួយនឹងការអភិវឌ្ឍជាបន្តបន្ទាប់ ក្រុងនេះត្រូវបានរំពឹងថានឹងក្លាយជា ទីក្រុងទេសចរណ៍មាត់ទន្លេ ដ៏មានឥទ្ធិពលបំផុតមួយក្នុងតំបន់ ៕
ចែករំលែកព័តមាននេះ