សេចក្តី​ទុក្ខ​កើត​អំពី​លោភៈ


អ្វី​ក៏​ដោយ​ដែល​កើតឡើង​នៅ​ក្នុង​សកល​ចក្កវាឡ​នេះ មិនមែន​ដើម្បី​តម្រូវ​ទៅ​នឹង​សេចក្ដី​ត្រូវការ​របស់​អ្នក​ណាមួយ​ឡើយ គឺ​វា​ប្រព្រឹត្ត​ទៅ​តាមតែ​ច្បាប់ធម្មជាតិ​ប៉ុណ្ណោះ បើ​ទោះជា​វា​កើត​មាន​ស្រប​តាម​សេចក្ដី​ប្រាថ្នា​ខ្លះ ក៏​បាន​ត្រឹមតែ​មួយ​រយៈ​ដែល​វា​ប្រព្រឹត្ត​ទៅ​តែ​ប៉ុណ្ណឹង​ឯង​មិន​ឋិតថេរ​ទេ ។

ដូច្នេះ​បើ​យើង​មិន​បាន​សិក្សា​ឲ្យ​ឃើញ​ពី​លោក​នេះ​ទៅ​តាម​សេចក្ដី​ពិត​ទេ យើង​នឹង​អន្ទះសា​ដេញចាប់​របស់​ដែល​ជា​តម្រូវការ​របស់​ចិត្ត​នោះ​គ្មាន​ទីបំផុត​ឡើយ នេះ​ជា​ទុក្ខ​ធំ​ណាស់ ទុក្ខ​កើត​អំពី​លោភៈ​ចង់បាន​នេះ ចង់បាន​នោះ ចង់បាន​ទៅ​តាម​អំណាច​នៃ​ចិត្ត​ចង់​ដែល​សុទ្ធតែ​ជា​របស់​ក្រៅ​ខ្លួន នេះឯង​ជា​សេចក្តី​ទុក្ខ​របស់​សត្វលោក ។

តាម​ពិត​ទៅ​អ្វី​ក៏​ដោយ​ដែល​កើតឡើង​នៅ​លើ​លោក​នេះ​សុទ្ធតែ​ប្រព្រឹត្ត​ទៅ​តាម​ច្បាប់ធម្មជាតិ គឺ​មិន​ស្ដាប់បង្គាប់​អ្នក​ណា​ឡើយ ប្រព្រឹត្ត​ទៅ​តាមតែ​ហេតុ តាមតែ​បច្ច័យ​ប៉ុណ្ណោះ​។ យើង​អាច​អប់រំ​ចិត្ត អប់រំ​ចរិយា និង​រៀបចំ​ដំណើរ​នៃ​ជីវិត​ទៅ​តាម​សេចក្ដី​ពិត​នៃ​លោក​នេះ កុំ​លោត​ហក់​ទៅ​តាម​ចំណង់​ចំណូលចិត្ត​ពេក​ព្រោះ​វា​ជា​ទុក្ខ​នៃ​ជីវិត ។

Facebook Google Twitter Email

ជ្រុង​មួយ​នៃ​សាសនា

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ