ដើម្បីឱ្យជីវិតបានសុខចម្រើនដូចបំណងប្រាថ្នានោះ បុគ្គលគួរបើកចិត្តឱ្យទូលាយ ស្រឡាញ់រាប់អានអ្នកដទៃពិសេសរាប់អានអ្នកនៅជាប់ខ្លួនយើងដែលជាការស្រឡាញ់ដោយភក្តីភាព ស្រឡាញ់ដោយមេត្តា ស្រឡាញ់ដោយចិត្តស្មោះ ព្រោះថាការស្រឡាញ់អ្នកដទៃបែបនេះ អាចដោះស្រាយនូវឧបសគ្គជីវិតបាន ។ បង្កើនការស្រឡាញ់អ្នកដទៃដោយធម៌មេត្តាគឺៈ១-សូមសម្លឹងមើលអ្នកដទៃថាជាមិត្តរួមកើត រួមចាស់…
ដើម្បីឱ្យជីវិតបានសុខចម្រើនដូចបំណងប្រាថ្នានោះ បុគ្គលគួរបើកចិត្តឱ្យទូលាយ ស្រឡាញ់រាប់អានអ្នកដទៃពិសេសរាប់អានអ្នកនៅជាប់ខ្លួនយើងដែលជាការស្រឡាញ់ដោយភក្តីភាព ស្រឡាញ់ដោយមេត្តា ស្រឡាញ់ដោយចិត្តស្មោះ ព្រោះថាការស្រឡាញ់អ្នកដទៃបែបនេះ អាចដោះស្រាយនូវឧបសគ្គជីវិតបាន ។
បង្កើនការស្រឡាញ់អ្នកដទៃដោយធម៌មេត្តាគឺៈ
១-សូមសម្លឹងមើលអ្នកដទៃថាជាមិត្តរួមកើត រួមចាស់ រួមឈឺ រួមស្លាប់ជាមួយគ្នាទាំងអស់ មិនថាអតីត អនាគត ឬបច្ចុប្បន្នឡើយ ។
២-សម្លឹងមើលផ្នែកល្អនៃសត្វលោក និងសម្លឹងមើលបំណងប្រាថ្នានៃសត្វលោក ដែលចង់បានសេចក្តីសុខដូចៗគ្នា ព្រមទាំងសម្លឹងមើលសង្ខារលោកតាមសេចក្តីពិតផង ។
៣-មានសេចក្តីសន្តោស គឺមានការពេញចិត្តតាមមាន តាមបានជាភូមិឋានក្នុងជីវិត មានបានយ៉ាងណាក៏ព្រមល្មមយ៉ាងនោះ មិនប្រកាន់ស្អិត សូមឱ្យសាធុជនគិតថា មានក៏ល្អ មិនមានក៏បាន។ ពេញចិត្តចំពោះរបស់ដែលសមគួរ គឺរបស់ដែលបានមកដោយសុចរិត ចិញ្ចឹមជីវិតដោយទ្រព្យដ៏ត្រជាក់ត្រជំ ។
នេះជារឿងពិតនៃជីវិត ដូច្នេះយើងត្រូវមានការតាំងចិត្តមាំ ឃើញទោសនៃសេចក្តីខ្ជិល ឃើញគុណប្រយោជន៍នៃសេចក្តីព្យាយាម កាលបានជួបនូវរបស់ដែលមិនជាទីប្រាថ្នា ត្រូវយើងធ្វើទុកក្នុងចិត្តថា លាភ យស សុខ ទុក្ខ សរសើរ និន្ទា អត់លាភ អត់យស ជាច្បាប់ធម្មតារបស់ជីវិត មិនត្រូវខឹងប្រទូស្តនឹងអ្នកណាឡើយ ។
ចែករំលែកព័តមាននេះ