ខេត្តតាកែវ ៖ តាមសេចក្តីរាយការណ៍បឋមបានឲ្យដឹងថា មួយរយៈនេះករណីគ្រោះធម្មជាតិហាក់បីដូចជា មានលក្ខណៈកាចសាហាវបំផុត និងបណ្តាលមានខូចខាតដល់ផ្ទះប្រជាពលរដ្ឋនិងសត្វពាហនៈងាប់ជាញឹកញាប់ ។ សេចក្តីរាយការណ៍បានបន្តថា ជាក់ស្តៃងនារសៀលថ្ងៃទី២៧ ខែឧសភា…
ខេត្តតាកែវ ៖ តាមសេចក្តីរាយការណ៍បឋមបានឲ្យដឹងថា មួយរយៈនេះករណីគ្រោះធម្មជាតិហាក់បីដូចជា មានលក្ខណៈកាចសាហាវបំផុត និងបណ្តាលមានខូចខាតដល់ផ្ទះប្រជាពលរដ្ឋនិងសត្វពាហនៈងាប់ជាញឹកញាប់ ។
សេចក្តីរាយការណ៍បានបន្តថា ជាក់ស្តៃងនារសៀលថ្ងៃទី២៧ ខែឧសភា ឆ្នាំ២០១៩ មានភ្លៀង១មេធំ ខ្យល់លាយឡំជាមួយផ្គររន្ទះ បណ្ដាលឲ្យរលំផ្ទះ១ខ្នង ជញ្ជាំងស្លឹក ប្រក់ដំបូលស័ង្កសី រងគ្រោះដោយសារខ្យល់កន្ត្រាក់ ដែលមានម្ចាស់ផ្ទះឈ្មោះ ប៉ាន់ ធារី រស់នៅភូមិត្រពាំងលើក ឃុំប្រាំបីមុំ ស្រុកទ្រាំង ត្រូវរលំទាំងស្រុង ប៉ុន្តែមិនបណ្ដាលឲ្យមានអ្នកណាម្នាក់រងគ្រោះឡើយ ។
ដោយឡែកនៅខណៈនោះដែរក៏មានករណីរន្ទះបាញ់ងាប់គោចំនួនគោ៣ក្បាល ដែលមាន២ ក្បាលស្ថិតភូមិ ព្រឺសលើ ឃុំ ខ្វាវ និង១ក្បាលទៀត ស្ថិតនៅក្នុងឃុំ សន្លុង ស្រុកទ្រាំង ខេត្តតាកែវ ៕ កែសម្រួលដោយ ៖ សុឃាក់
ចែករំលែកព័តមាននេះ