រាជធានីភ្នំពេញ ៖ ស្ត្រីមិនស្គាល់អត្តសញ្ញាណម្នាក់សង្ស័យអស់កម្លាំងពេកក៏ដួលសន្លប់នៅលើសួនក្តាន់ពីរ បង្កការភ្ញាក់ផ្អើលដល់អ្នកធ្វើដំណើរតាមផ្លូវនាំគ្នាជួយសង្គ្រោះ ដែលហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី២៧ ខែឧសភា ឆ្នាំ២០១៩ តាមបណ្តោយផ្លូវសហព័ន្ធរុស្សីនៅចំណុចសួនច្បារក្តាន់ពីរ ស្ថិតនៅក្នុងសង្កាត់មិត្តភាព ខណ្ឌ៧មករា…
រាជធានីភ្នំពេញ ៖ ស្ត្រីមិនស្គាល់អត្តសញ្ញាណម្នាក់សង្ស័យអស់កម្លាំងពេកក៏ដួលសន្លប់នៅលើសួនក្តាន់ពីរ បង្កការភ្ញាក់ផ្អើលដល់អ្នកធ្វើដំណើរតាមផ្លូវនាំគ្នាជួយសង្គ្រោះ ដែលហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី២៧ ខែឧសភា ឆ្នាំ២០១៩ តាមបណ្តោយផ្លូវសហព័ន្ធរុស្សីនៅចំណុចសួនច្បារក្តាន់ពីរ ស្ថិតនៅក្នុងសង្កាត់មិត្តភាព ខណ្ឌ៧មករា ។
តាមប្រភពពីសាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញស្ត្រីម្នាក់មិនស្គាល់អត្តសញ្ញាណនោះទេ មានអាយុជាង៤០ឆ្នាំ និងអត់មានកូនចៅនោះទេ ហើយមិនដឹងថាគាត់ដើរមកពីណានោះទេ ដោយមានកាន់ថង់ខ្មៅធំមួយ ខណៈមកដល់ចំណុចកើតហេតុខាងលើនេះ ស្រាប់តែស្ត្រីរងគ្រោះនោះដួលសន្លប់អស់មួយភាំងបង្កការភ្ញាក់ផ្អើលដល់បងប្អូនប្រជាពលរដ្ឋដែលគាត់ធ្វើដំណើរតាមផ្លូវ និងសមត្ថកិច្ចមូលដ្ឋានចុះមកអន្តរាគមន៍ជួយសង្គ្រោះច្របាច់ដៃ ច្របាច់ជើង និងលាបប្រេងក្រឡាអោយ ទើបស្ត្រីរងគ្រោះដឹងខ្លួនវិញ ហើយសមត្ថកិច្ចប៉ុស្តិ៍មិត្តភាពបានជួយទិញបាយយកមកអោយស្ត្រីរងគ្រោះហូបដើម្បីអោយមានកម្លាំង ។
ក្រោយពេលកើតហេតុ សមត្ថកិច្ចក៏បាននាំស្ត្រីរងគ្រោះទៅព្យាបាលនៅមន្ទីរពេទ្យសម្តេចឪ ៕ (កែសម្រួលដោយ ៖ ធីតា)
ចែករំលែកព័តមាននេះ