ខេត្តបាត់ដំបង ៖ គេមិនទាន់់ធ្វើការសន្និដ្ឋានឱ្យបានជាក់លាក់ថា«វាជាសត្វឆ្កែចចកព្រៃ ឬ ជាសត្វឆ្កែស្រុកឆ្កួត»នៅឡើយនោះទេ ក្រោយពីវាបានដេញខាំប្រជាពលរដ្ឋផ្អើលពេញភូមិ កាលពីថ្ងៃទី០៦ តុលា នៅក្នុងភូមិពោធិ៍ ឃុំគារ…
ខេត្តបាត់ដំបង ៖ គេមិនទាន់់ធ្វើការសន្និដ្ឋានឱ្យបានជាក់លាក់ថា«វាជាសត្វឆ្កែចចកព្រៃ ឬ ជាសត្វឆ្កែស្រុកឆ្កួត»នៅឡើយនោះទេ ក្រោយពីវាបានដេញខាំប្រជាពលរដ្ឋផ្អើលពេញភូមិ កាលពីថ្ងៃទី០៦ តុលា នៅក្នុងភូមិពោធិ៍ ឃុំគារ ស្រុកមោងប្ញស្សី រហូតធ្វើឲ្យអ្នកភូមិចំនួន០៤នាក់បានរងរបួស ហើយត្រូវបានបញ្ជូនទៅកាន់មន្ទីរពេទ្យភ្លាមៗ ។
គេមិនបានប្រាប់អត្តសញ្ញាណជនរងគ្រោះទាំង០៤នាក់នោះទេ ប៉ុន្តែបើតាមរបាយការណ៍មន្ត្រីមូលដ្ឋានបានឲ្យដឹងថា មានមនុស្ស០៤នាក់ បានរងរបួសដោយសារតែសត្វឆ្កែចចក ឬ សត្វឆ្កែឆ្កួតនោះខាំ ក្នុងនោះ មានស្ត្រីចំនួន០២នាក់ ដែលមានម្នាក់ហាក់ធ្ងន់ធ្ងរជាងគេ ព្រោះសត្វនោះបានខាំច្រើនកន្លែងនៅត្រង់មាត់របស់គាត់ ។
របាយការណ៍បានបញ្ជាក់ដែរថា ជនរងគ្រោះចំនួន០៣នាក់រស់នៅភូមិពោធិ១ ហើយជនរងគ្រោះចំនួន០១នាក់ទៀត រស់នៅក្នុងភូមិអូរគ្រៀត ។ ជុំវិញហេតុការណ៍នេះ អាជ្ញាធរ ហាក់ពុំបានបង្ហាញពីប្រភេទសត្វឆ្កែដ៏កាចសាហាវមួយក្បាលនោះទេ ។ ប្រជាពលរដ្ឋមួយចំនួនអះអាងថា វាជាសត្វឆ្កែចចកព្រៃ រីឯអ្នកខ្លះទៀតអះអាងថា ជាឆ្កែស្រុក តែវា«ឆ្កួត» ទើបវាដេញខាំអ្នកភូមិមិនរើសមុខបែបនេះ ។
ប៉ុន្តែអ្នកធ្លាប់ចិញ្ចឹមឆ្កែ ហើយធ្លាប់ស្គាល់ច្បាស់ផង និងយោងលើការពិនិត្យភិនភាគជាក់ស្ដែងទៅលើសត្វមួយក្បាលនេះ មតិភាគច្រើនគេអះអាងថា«វាមិនមែនជាសត្វឆ្កែចិញ្ចឹមឆ្កួតទេ វាជាសត្វឆ្កែចចក ដែលរស់នៅក្នុងព្រៃរនាមតំបន់បឹងទន្លេសាប ។ ទំនងទឹកលិចជម្រករបស់វា និងអស់ព្រៃជ្រកផង ដូចនេះទើបសត្វឆ្កែចចកមួយក្បាលនេះវង្វេងរត់ចូលភូមិដេញខាំប្រជាពលរដ្ឋបែបនេះ ។
ទោះយ៉ាងណា បើតាមមន្ត្រីមូលដ្ឋានបានប្រាប់ថា ក្រោយពីខាំមនុស្សប្រុសស្រីចំនួន០៤នាក់ឲ្យរងរបួស ប្រជាពលរដ្ខក៏នាំគ្នាតាមដេញវាយចេញពីភូមិមួយចូលភូមិមួយ ហើយត្រូវក្សិណក្ស័យជីវិតនៅក្នុងភូមិរាមគន់ ឃុំគារ តែម្ដងទៅ៕
ចែករំលែកព័តមាននេះ