ស្រុកព្រៃនប់មួយទៀតហើយលោកព្រះ! មើលចុះ រថយន្តនិងរថយន្តពន្លះគ្នា

ថ្ងៃទី ២៧ ខែ ឧសភា ឆ្នាំ ២០១៩

ម៉ោង ១៦:០៣

ស្រុកព្រៃនប់ ៖ បើតាមសេចក្តីរាយការណ៍បឋមបានឱ្យដឹងថា មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តហ៊ីយ៉ាន់ដាយជាមួយរថយន្តនីស្សាន់ បង្កឱ្យមានការភ្ញាក់ផ្អើលកាលពីកាលពីម៉ោង២និង៥នាទីរសៀល ថ្ងៃទី២៧ ខែឧសភា ឆ្នាំ២០១៩ លើដងផ្លូវជាតិលេខ៤ ចន្លោះគីឡូម៉ែត្រលេខ១៦០-១៦១ ស្ថិតក្នុងភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ។

សេចក្តីរាយការណ៍បន្តថា រថយន្តបង្កម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3E.27 45 ជាប្រភេទរថយន្តសណ្តោងរ៉ឺម៉ក់ដឹកខ្សាច់ អ្នកបើកបរបានរត់គេចខ្លួនបាត់ ចំណែករថយន្តមួយគ្រឿងម៉ាកនីស្សាន់ ពណ៌ស ពាក់ស្លាលេខ ភ្នំពេញ 2AT.23 48 បើកបរដោយឈ្មោះវង្ស តូ ភេទប្រុស អាយុ៤៣ឆ្នាំ មុខរបរមេការសំណង់ មានទីលំនៅក្នុងភូមិត្រាចទោល ឃុំបែកចាន ស្រុកអង់ស្នួល ខេត្តកណ្តាល។

បើតាមសមត្ថកិច្ចបានឱ្យថា ករណីគ្រោះថ្នាក់ចរាចរណ៍ខាងលើនេះ បានកើតឡើងរវាងរថយន្តហ៊ីយ៉ាន់ដាយ ពណ៌ស ជាប្រភេទរថយន្តសណ្តោងរ៉ឺម៉ក់ដឹកខ្សាច់បានពីទិសដៅពីភ្នំពេញទៅខេត្តព្រះសីហនុ លុះមកដល់ចំណុចកើតហេតុខាងលើស្រាប់តែបុកជាមួយរថយន្តម៉ាកនីស្សាន់ ពណ៌ស ក្នុងទិសដៅបញ្ច្រាសគ្នា ។ ហើយក្នុងករណីនេះ ពុំបណ្តាលឱ្យនរណាម្នាក់រងរបួសឡើយ ចំណែកអ្នកបើករថយន្តបង្កម៉ាកហ៊ីយ៉ាន់ដាយនោះ ក្រោយកើតហេតុបានរត់គេចខ្លួនបាត់ស្រមោល។

ក្រោយកើតហេតុ កម្លាំងស្នាក់ការ៤០១ ចំនួន៣នាក់ដែលដឹកនាំដោយលោក ខាន់ បូរាណ សហការជាមួយកម្លាំងប៉ូលិសរដ្ឋបាលឃុំតានៃ បានចុះមកដល់កន្លែងកើតហេតុ ដើម្បីធ្វើការពិនិត្យ និងបញ្ជៀសការកកស្ទះចរាចរណ៍ហើយ។

គួររំលឹកថា ថ្មីទៀត…លើកនេះបុកគ្នាខ្ទេចទាំងឡាននិងទាំងមនុស្ស ៕ (កែសម្រួលដោយ ៖ បុប្ផា)

អត្រាប្តូរប្រាក់

អត្រាប្តូរប្រាក់ផ្សេងទៀត