ខេត្តក្រចេះ ៖ យុវជនម្នាក់បានស្លាប់បាត់បង់ជីវិតភ្លាមៗក្នុងហេតុការណ៍មែកឈើបាក់សង្កត់លើ ខណៈពេលជនរងគ្រោះកំពុងបើកបរម៉ូតូតែម្នាក់ឯងលើផ្លូវជាតិ ស្របពេលមេឃកំពុងតែភ្លៀង និងមានខ្យល់បក់បោកយ៉ាងខ្លាំង។ ហេតុការណ៍ខាងលើនេះបានកើតឡើងកាលពីល្ងាចថ្ងៃទី២៦ ឧសភា ឆ្នាំ២០១៩ តាមបណ្តោយផ្លូវជាតិលេខ៧…
ខេត្តក្រចេះ ៖ យុវជនម្នាក់បានស្លាប់បាត់បង់ជីវិតភ្លាមៗក្នុងហេតុការណ៍មែកឈើបាក់សង្កត់លើ ខណៈពេលជនរងគ្រោះកំពុងបើកបរម៉ូតូតែម្នាក់ឯងលើផ្លូវជាតិ ស្របពេលមេឃកំពុងតែភ្លៀង និងមានខ្យល់បក់បោកយ៉ាងខ្លាំង។
ហេតុការណ៍ខាងលើនេះបានកើតឡើងកាលពីល្ងាចថ្ងៃទី២៦ ឧសភា ឆ្នាំ២០១៩ តាមបណ្តោយផ្លូវជាតិលេខ៧ ចន្លោះគីឡូម៉ែត្រលេខ៣១៨ ស្រុកស្នួល ។
ជនរងគ្រោះដែលស្លាប់ឈ្មោះ ហេង ស៊ីលិញ ភេទប្រុស អាយុ២៦ឆ្នាំ រស់នៅភូមិកន្ទួតឃុំកន្ទួត ស្រុកចិត្របុរី ។
តាមប្រភពពីនគរបាលមូលដ្ឋានស្រុកចិត្របុរីបានឱ្យដឹងថា នៅល្ងាចថ្ងៃកើតហេតុ មេឃមានភ្លៀង និងខ្យល់បក់បោកយ៉ាងខ្លាំង ហើយជនរងគ្រោះក៏បានជិះម៉ូតូនៅលើផ្លូវជាតិលេខ៧ ក្នុងគោលបំណងទៅផ្ទះ តែចៃដន្យអាក្រក់ក៏ត្រូវមែកដើមសង្កែបានបាក់សង្កត់មកលើជនរងគ្រោះត្រូវចំ.ពោះ និងដើមទ្រូង បណ្តាលឱ្យស្លាប់នៅលើផ្លូវជាតិយ៉ាងអាណោចអាធ័ម ។
ក្រោយពេលកើតហេតុ ក្រុមគ្រួសារ និងសាច់ញាតិរបស់ជនរងគ្រោះបានមកទទួលយកសពទៅធ្វើបុណ្យតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ