ប្រទេសថៃ ៖ ព្រះមហាក្សត្រថៃកាលពីថ្ងៃទី២៤ឧសភា ទ្រង់ដឹកនាំកិច្ចប្រជុំដំបូងរបស់សភាថ្មីថៃ ដែលលោកប្រាយុទ្ធចាន់អូចា ពិតណាស់នឹងនៅតែបន្តតំណែងនាយករដ្ឋមន្ត្រី។ ក្នុងព្រះសុន្ទរកថាខ្លីមួយ នៅមុខបណ្ដាសមាជិកសភាថ្មីដែលស្លៀកពាក់ឯកសណ្ឋានពណ៌ស ព្រះមហាក្សត្រមហាវ៉ាជីរ៉ាឡុងកនមានព្រះរាជបន្ទូលថា សមាជិកសភាទាំងអស់ត្រូវតែធានាដល់កិច្ចដំណើរការរបស់សភា ប្រកបដោយការទទួលខុសត្រូវ ព្រោះសកម្មភាពមិនល្អណាមួយ អាចនាំឲ្យមានផលប៉ះពាល់ដោយផ្ទាល់ដល់សន្តិសុខជាតិ។
បន្ទាប់ពីនោះមក ជាការបើកកិច្ចប្រជុំព្រឹទ្ធសភាដើម្បីជ្រើសរើសប្រធានមួយរូបនិងបណ្ដាអនុប្រធាន។ កិច្ចប្រជុំដំបូងរបស់សភាថ្មីថៃធ្វើនាថ្ងៃទី២៥ឧសភា ជ្រើសរើសប្រធាននិងបណ្ដាអនុប្រធាន។ កាលពីយប់ថ្ងៃទី២៤ឧសភាលោកPORNPETCH WICHITCHOLCHAI អតីតប្រធានសភាជាតិថៃ ត្រូវបានជ្រើសតាំងជាប្រធានព្រឹទ្ធសភាសម្រាប់អាណត្តិ៥ឆ្នាំ។
ចំណែកលោកSINGSUEK SINGPHRAI អតីតសមាជិកសភាជាតិនិងលោកSUPPACHAI SOMCHAROEN អតីតសមាជិកគណៈកម្មាធិការបោះឆ្នោត ត្រូវបានជ្រើសតាំងជាអនុប្រធានព្រឹទ្ធសភា។ អ្នកទាំងនោះនឹងកាន់តំណែងផ្លូវការពេលទទួលការយល់ព្រមរបស់ព្រះមហាក្សត្រ។
កាលពីថ្ងៃទី១៤មីនា ទស្សនាវដ្ដីព្រះបរមរាជវាំង បានចេញផ្សាយបញ្ជីមួយនៃសមាជិកព្រឹទ្ធសភា២៥០រូប ដែលទទួលការយល់ស្រប របស់គ្រួសាររាជវង្ស និងសេចក្ដីថ្លែងការណ៍មួយរបស់ក្រុមប្រឹក្សាជាតិដើម្បីសន្តិភាពនិងថែរក្សារបៀបរៀបរយ ពោលគឹរបបយោធាថៃ លើការតែងតាំងមនុស្ស៥០រូប បញ្ចូលទៅក្នុងបញ្ជីឈ្មោះព្រឺទ្ធសមាជិកបំរុង យោងទៅតាមរដ្ឋធម្មនុញ្ញ។
ព្រឹទ្ធសមាជិកទាំង២៥០រូបនិងបណ្ដាសមាជិកសភា នឹងជ្រើសតាំងនាយករដ្ឋមន្ត្រីមួយរូប។ សភាថៃមានសមាជិក៥០០រូបជាមួយអាណត្តិ៤ឆ្នាំ។ យោងតាមលទ្ធផលនៃការបោះឆ្នោតសភាកាលពីថ្ងៃទី២៤មីនា លទ្ធផលជាស្ថាពរគណបក្សភឿថៃដណ្ដើមបានកៅអី១៣៦ នាំមុខគណបក្សPALANG PRACHARATH ដែលទទួលបាន១១៥កៅអី គណបក្សFUTURE FORWARD ទទួលបាន៨០កៅអី គណបក្សប្រជាធិបតេយ្យទទួលបាន៥២កៅអី និងគណបក្សBHUMJAITHAIទទួលបាន៥១កៅអី។
នាយករដ្ឋមន្ត្រីដែលជ្រើសតាំងត្រូវទទួលបានសំឡេងយ៉ាងតិច៣៧៦ ក្នុងចំណោមសមាជិកព្រឹទ្ធសភា និងសមាជិកសភាទាំង៧៥០រូប ក្នុងកិច្ចប្រជុំអនុម័តរបស់សភាទាំង២។ ប្រាកដណាស់ប្រមុខរបបយោធា លោកប្រាយុទ្ធចាន់អូចានឹងនៅតែជាអ្នកកាន់តំណែងនោះ គ្រាន់តែរដ្ឋាភិបាលថ្មីជារដ្ឋាភិបាលស៊ីវិល៕ (កែសម្រួលដោយ ៖ បុប្ផា)
ចែករំលែកព័តមាននេះ