តុលាការបន្តសវនាការលើសំណុំរឿងលោក ឡាយ វណ្ណៈ អតីតអភិបាលខេត្តតាកែវ
- ភ្នំពេញ
រាជធានីភ្នំពេញ ៖ នាព្រឹកថ្ងៃទី២៤ ខែឧសភា ឆ្នាំ២០១៩ នេះ ក្រុមប្រឹក្សាជំនុំជម្រះសាលាដំបូងរាជធានីភ្នំពេញ បានបន្តបើកសវនាការលើសំណុំរឿងលោក ឡាយ វណ្ណៈ…
រាជធានីភ្នំពេញ ៖ នាព្រឹកថ្ងៃទី២៤ ខែឧសភា ឆ្នាំ២០១៩ នេះ ក្រុមប្រឹក្សាជំនុំជម្រះសាលាដំបូងរាជធានីភ្នំពេញ បានបន្តបើកសវនាការលើសំណុំរឿងលោក ឡាយ វណ្ណៈ…
រាជធានីភ្នំពេញ ៖ នាព្រឹកថ្ងៃទី២៤ ខែឧសភា ឆ្នាំ២០១៩ នេះ ក្រុមប្រឹក្សាជំនុំជម្រះសាលាដំបូងរាជធានីភ្នំពេញ បានបន្តបើកសវនាការលើសំណុំរឿងលោក ឡាយ វណ្ណៈ អតីតអភិបាលខេត្តតាកែវ និងបងប្រុស ដែលថាជាប់ចោទពីបទឃាតកម្មលើស្រីកំណាន់មេម៉ាយកូនបី គឺអ្នកស្រី ចេវ សុវឌ្ឍនា ។ អង្គសវនាការបានផ្ដោតលើការបង្ហាញភស្តុតាងរបស់សមត្ថកិច្ចនាយកដ្ឋាននគរបាលព្រហ្មទ័ណ្ឌ ដែលដាក់បន្ទុកលើលោក ឡាយ វណ្ណៈ ឲ្យជាប់ពិរុទ្ធ ព្រមទាំងសាក្សីមួយចំនួនទៀត ។
សាក្សីសំខាន់ដែលអង្គសវនាការបានសាកសួរពេលព្រឹកនេះ ពាក់ព័ន្ធអង្គហេតុសម្លាប់អ្នកស្រី ចេវ សុវឌ្ឍនា នោះ គឺលោកឧត្តមសេនីយ៍ទោ ទិត្យ បូណា អនុប្រធាននាយកដ្ឋាននគរបាលបច្ចេកទេសវិទ្យាសាស្ត្រក្រសួងមហាផ្ទៃ ដែលជាអ្នកចុះទៅធ្វើកោសល្យវិច្ឆ័យនៅកន្លែងកើតហេតុ កាលថ្ងៃទី២៨ និងថ្ងៃទី ៣០ ខែកុម្ភៈ ឆ្នាំ២០១៨ ពោលគឺក្រោយកើតហេតុ៣៣ថ្ងៃ ។
តាមការបញ្ជាក់របស់លោកទិត្យ បូណា បានបង្ហាញថា នៅពេលទៅដល់ខេត្តតាកែវ គណៈករណីបានប្រមែប្រមូលឯកសារទាំងឡាយដែលសមត្ថកិច្ចខេត្តតាកែវបានធ្វើរួច ហើយយកមកពិនិត្យមើលឡើងវិញទាំងអស់ រួមទាំងការសាកសួរសាក្សីមួយចំនួន និងចុះទៅពិនិត្យនៅផ្ទះកើតហេតុនាថ្ងៃទី២៨ កុម្ភៈ ។
ក្នុងការពិនិត្យនៅផ្ទះកើតហេតុ គណៈករណីបានរកឃើញថា ការធ្វើកោសល្យវិច្ឆ័យ របស់សមត្ថកិច្ចខេត្តមានការខ្វះចន្លោះ ធ្វេសប្រហែស និងឆាប់ធ្វើសេចក្ដីសន្និដ្ឋានលឿនពេក ដោយស្ថានភាពនៅកន្លែងត្រូវបានរុះរើខុសពីភាពដើម ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ