សំបូរចោរប្លន់ពេក…ក៏នាំគ្នាធ្វើបែបនេះ
តាមប្រភពពី Oddity Central បានឱ្យដឹងថា ប្រជាជននៅទីក្រុងម៉ិចស៊ីកូ បាននាំគ្នាទិញទូរស័ព្ទគ្មានគ្រឿងក្នុង ដែលមើលពីខាងក្រៅដូចទូរស័ព្ទមែនទែន ដោយសារតែសម្បូរចោរប្លន់ច្រើនពេក ។ នៅក្នុងឆ្នាំនេះ…
តាមប្រភពពី Oddity Central បានឱ្យដឹងថា ប្រជាជននៅទីក្រុងម៉ិចស៊ីកូ បាននាំគ្នាទិញទូរស័ព្ទគ្មានគ្រឿងក្នុង ដែលមើលពីខាងក្រៅដូចទូរស័ព្ទមែនទែន ដោយសារតែសម្បូរចោរប្លន់ច្រើនពេក ។ នៅក្នុងឆ្នាំនេះ ចំនួនចោរប្លន់ប្រដាប់អាវុធមានការកើនឡើងខ្ពស់ ដែលភាគច្រើនគេចូលចិត្តប្លន់អ្នកថ្មើរជើង និង អ្នកធ្វើដំណើរតាមមធ្យោបាយសាធារណៈ។
ប្រសិនបើគេមិនឱ្យរបស់មានតម្លៃទៅចោរទេ ចោរអាចនឹងបាញ់សម្លាប់ ។ ដូចនេះ ដើម្បីកុំឱ្យអស់លុយច្រើន និងបាត់បង់ទិន្នន័យក្នុងទូរស័ព្ទ ពួកគេបានទិញទូរស័ព្ទក្លែងក្លាយ ដែលមានតម្លៃត្រឹមតែ១៥ទៅ២០ដុល្លារ ដើម្បីទុកឱ្យទៅចោរ ពេលពួកវាប្លន់។
ជាមួយគ្នានេះដែរ អ្នកខ្លះមិនយល់បែបនេះឡើយ។ ពួកគេគិតថា ប្រសិនបើចោរដឹងនោះ ប្រាកដជាឆេះដុំជាក់ជាមិនខាន។ ព្រោះតែហេតុនេះ ពួកគេសុខចិត្តទិញទូរស័ព្ទថោកៗ តែជាទូរស័ព្ទពិត ទុកហុចឱ្យចោរវិញ។ អ្វីដែលសំខាន់នោះថា វិធីនេះមានការពេញនិយមរហូតដល់មានការចុះផ្សាយព័ត៌មានអន្តរជាតិ។
នេះមានន័យថា លោកចោរនៅម៉ិចស៊ីកូក៏បានអានដែរ ហើយក៏នឹងមិនចាញ់បោកទៀតដែរ ៕ (សម្រួលដោយ៖ ស្រីណា)
ចែករំលែកព័តមាននេះ