ព្រះពុទ្ធ​ប្រកាស​ខន្តី​នៅ​ក្នុង​មហាសន្និបាត​សង្ឃ​ថា​ជា​បណ្តូល​ធម៌


នៅ​ក្នុង​មហា​ចតុរង្គសន្និបាត​គឺ​ការ​ប្រជុំ​សង្ឃ​ក្នុង​ព្រះពុទ្ធ​សាសនា​ទាំងអស់ ព្រះ​បរម​សាស្តា​ទ្រង់​បាន​ប្រកាស​ខន្តី​ថា​ជា​បណ្តូល​នៃ​ធម៌​សម្រាប់​នាំ​ជីវិត​សត្វលោក​ទៅ​រក​ឧត្តមភាព​ដ៏​ខ្ពស់​បំផុត​ពោល​គឺ​សុខ​សន្តិភាព​របស់​ពិភពលោក ។

ត្រង់នេះ​យើង​អាច​និយាយ​បាន​ថា បណ្តា​ពាក្យ​ប្រៀនប្រដៅ​ទាំងអស់​របស់​ព្រះពុទ្ធ​ដែល​មាន​៨៤០០០​ធម្មក្ខន្ធ មក​រួម​នៅ​ត្រង់​ខន្តី​មួយ​ម៉ាត់​នេះឯង​។ អ្នក​គ្មាន​ខន្តី​មិន​អាច​សម្រេច​ធម៌ មិន​អាច​រក​សេចក្តីសុខ​សម្រាប់​ខ្លួនឯង​សូ​ម្បី​តែ​បន្តិចបន្តួច​ឡើយ ។

កាលពី​ពុទ្ធសម័យ​ការ​ប្រកាសសាសនា​ជា​លើក​ដំបូង​បង្អស់​របស់​ព្រះ​អង្គ​នៅ​ប្រទេស​ឥណ្ឌា អ្វី​ដែល​ពុទ្ធបរិស័ទ​យើង​សម័យ​នោះ​ស្គាល់​ក្នុង​នាម​ថា មហា​ចតុរង្គសន្និបាត នោះ​ព្រះ​អង្គ​បាន​លើកយក​ខន្តី​គឺ​ការ​អត់ធន់​នេះ​ថា​ជា​ភ្លើង​ដ៏​ធំ​បំផុត​សម្រាប់​ដុត​បំផ្លាញ​នូវ​ឧបសគ្គ​ទាំងឡាយ ដែល​រារាំង​ដល់​ការ​ធ្វើ​ដំណើរ​ទៅ​រក​គោលដៅ​នៃ​ជីវិត​គឺ​ឯកន្តបរមសុខ សុខ​មាន​តែ​មួយ​គត់​សម្រាប់​ជីវិត​សព្វ​សត្វ​។

ព្រះ​អង្គ​ទ្រង់​សម្តែង​ថា ខ​ន្តិ បរមំ ត​បោ តី​តិ​ក្ខា សេចក្តី​អត់ធន់​ជា​តបៈ​គឺ​ការ​ប្រព្រឹត្ត​កាន់​វត្ត​យ៉ាង​តឹង​ដើម្បី​ធ្វើ​កាយ​និង​ចិត្ត​ឱ្យ​សុខ​ស្ងប់​ដ៏​ឧត្តម ។ អ្នកមាន​ខន្តី​នៅ​ក្នុង​ចិត្ត​ដរាបណា ផល​ដែល​ទទួល​បាន​គឺ​សេចក្តី​ស្ងប់ សុខ​ស្រួល​ពិតជា​មាន​ដរាប​នោះ ខន្តី​ហ្នឹងហើយ​ជា​ផ្លូវ​នាំ​ទៅ​រក​បរមសុខ ។

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ