អារ៉ាប៊ីសាអូឌីត ៖ ក្រុមហ៊ុនប្រេងចង់កាត់បន្ថយប្រេងក្នុងស្តុក
អារ៉ាប៊ីសាអូឌីត៖ ភ្នាក់ងារសារព័ត៌មាន Reuters បានឲ្យដឹងកាលពីថ្ងៃទី១៩ ឧសភា កន្លងមកថា រដ្ឋមន្ត្រីថាមពល Khalid al-Falih បាននិយាយថា…
អារ៉ាប៊ីសាអូឌីត៖ ភ្នាក់ងារសារព័ត៌មាន Reuters បានឲ្យដឹងកាលពីថ្ងៃទី១៩ ឧសភា កន្លងមកថា រដ្ឋមន្ត្រីថាមពល Khalid al-Falih បាននិយាយថា…
អារ៉ាប៊ីសាអូឌីត៖ ភ្នាក់ងារសារព័ត៌មាន Reuters បានឲ្យដឹងកាលពីថ្ងៃទី១៩ ឧសភា កន្លងមកថា រដ្ឋមន្ត្រីថាមពល Khalid al-Falih បាននិយាយថា សមាជិកអង្គការនៃប្រេងនាំចេញប្រេង (OPEC) និងប្រទេសផលិតប្រេងដទៃ បានសម្រេចជាឯកច្ឆ័នថានឹងកាត់បន្ថយប្រេងក្នុងស្តុកបន្តិចបន្តួច ប៉ុន្តែប្រទេសរបស់លោកនឹងនៅតែឆ្លើយតបនឹងតម្រូវការរបស់ទីផ្សារដ៏ទន់ជ្រាយ ។
លោក Falih បាននិយាយថាការដកការកាត់បន្ថយទិន្នផលប្រេងក្នុងឆមាសទី២ នាឆ្នាំ២០១៩ គឺជាជម្រើសធំជាងគេដែលត្រូវបានពិភាក្សាក្នុងកិច្ចប្រជុំថ្នាក់រដ្ឋមន្ត្រី ប៉ុន្តែវាអាចនឹងផ្លាស់ប្តូរក្នុងខែមិថុនា។
លោកបានប្រាប់ដល់សន្និសិទកាសែតមួយបន្ទាប់ពីកិច្ចប្រជុំថា «ក្នុងឆមាសទី២នេះ ពួកយើងចង់រក្សាការគ្រប់គ្រងផលិតកម្មដើម្បីរក្សាចំនួនប្រេងក្នុងស្តុកឲ្យបន្តធ្លាក់ចុះជាបន្តបន្ទាប់ បន្តិចម្តងៗរហូតដល់កម្រិតធម្មតាវិញ»។
OPEC រុស្ស៊ី និងប្រទេសផលិតប្រេងដតៃទៀតបានព្រមព្រៀងគ្នាក្នុងការកាត់បន្ថយទិន្នផលប្រេងប្រមាណ១.២លានធុងក្នុងមួយថ្ងៃតាំងពីថ្ងៃទី ១ខែមករាកន្ងលមកក្នុងកំឡុងពេល៦ខែ ដើម្បីបញ្ឈប់កំណើនប្រេងក្នុងស្តុក និងការធ្លាក់ចុះនៃតម្លៃប្រេង។
រដ្ឋមន្ត្រីថាមពលរុស្ស៊ីគឺលោក Alexander Novak បាននិយាយថា ការបន្ធូរការកាត់បន្ថយត្រូវបានពិភាក្សា ហើយស្ថានការផ្គត់ផ្គង់នឹងមានភាពច្បាស់លាស់ជាងមុនក្នុងរយៈពេលមួយខែ។
ជាមួយគ្នានេះផងដែរ លោក Falih បានប្រាប់ដល់អ្នកកាសែតថាទីផ្សារប្រេងពិតជាទន់ខ្សោយណាស់ព្រោះតែមានកង្វល់ទាក់ទិននឹងការផ្អាកផ្គត់ផ្គអ់ ខណៈដែលចំនួនប្រេងក្នុងស្តុកបន្តកកើនឡើង។ ជាមួយគ្នានេះផងដែរ រដ្ឋមន្ត្រីថាមពល Suhail al-Mazrouei របស់អេមីរ៉ាតអារ៉ាប់រួមបានប្រាប់ដល់សារពត៌មថាក្រុមហ៊ុនផលិតមានសមត្ថភាពគ្រប់គ្រាន់ក្នុងការបំពេញចន្លោះទីផ្សារ ហើយការបន្ទាបការកាត់បន្ថយទិន្នផលមិនមែនជាការសម្រេចចិត្តត្រឹមត្រូវទេ។
ចែករំលែកព័តមាននេះ