ប្រទេសវៀតណាម ៖ ភ្នាក់ងារសារពត៌មាន Viet Nam News បានឲ្យដឹងកាលពីថ្ងៃទី១៥កន្លងមកថា ក្រុមហ៊ុនអចលនទ្រព្យក្នុងប៉ែកខាងត្បូងនៃប្រទេសកំពុងតែមើលរំលងផ្នែកផ្ទះកម្មករបើទោះជាមានតម្រូវការខ្ពស់ពិតមែនក្តី។ អ្នកស្រី Pham…
ប្រទេសវៀតណាម ៖ ភ្នាក់ងារសារពត៌មាន Viet Nam News បានឲ្យដឹងកាលពីថ្ងៃទី១៥កន្លងមកថា ក្រុមហ៊ុនអចលនទ្រព្យក្នុងប៉ែកខាងត្បូងនៃប្រទេសកំពុងតែមើលរំលងផ្នែកផ្ទះកម្មករបើទោះជាមានតម្រូវការខ្ពស់ពិតមែនក្តី។
អ្នកស្រី Pham Thi Lai ដែលជាពលករម្នាក់នៅខេត្ត Long An បាននិយាយថា អ្នកស្រីនិងស្វាមីបានធ្វើការអស់ច្រើនជាង១០ឆ្នាំមកហើយប៉ុន្តែនៅតែជួលផ្ទះតូចមួយដដែល។ អ្នកស្រីបានបន្ថែមថា មិនមានគម្រោងផ្ទះកម្មករណាមួយដែលត្រូវបានគ្រោងសម្រាប់តំបន់អ្នកស្រីទេ ហើយពួកគេក៏មិនមានសមត្ថភាពក្នុងការទិញផ្ទះទូទៅដែរ។
អ្នកស្រីបានបន្តថា ក្រុមហ៊ុនសាងសង់តំបន់ឧស្សាហកម្មដោយមិនមានផ្ទះសម្រាប់កម្មករ។
អ្នកស្រី Lai ស្ថិតក្នុងចំណោមកម្មកររាប់ពាន់នា់ក្នុងតំបន់ឧស្សាហកម្មនៅខេត្តខាងត្បូងនៃប្រទេស ដែលភាគច្រើនធ្វើការជួលផ្ទះតូចៗដើម្បីស្នាក់នៅ។ ប៉ែកខាងត្បូងនៃប្រទេសមានភាពទាក់ទាញយ៉ាងខ្លាំងសម្រាប់កម្មករឧស្សាហកម្មព្រោះតែមានការវិនិយោគច្រើនពីវិនិយោគិនបរទេស និងមានការបង្កើតតំបន់ឧស្សាហកម្មជាច្រើនផងដែរ ឧទាហរណ៍ដូចជាក្នុងសង្កាត់ Duc Hao ក្នុងខេត្ត Long An មានតំបន់ឧស្សាហកម្មធំៗចំនួន ៣ និងមានរោងចក្រឧស្សាហកម្មជាច្រើនដែលផ្តល់ការងារដល់កម្មករច្រើនជឫង៤ម៉ឺននាក់ទៅទៀត។
ប៉ុន្តែកម្មករទាំងនេះភាគច្រើនជួលផ្ទះស្នាក់នៅ និងកំពុងចង់ទិញផ្ទះខ្លួនឯងស្នាក់នៅ។
ស្ថានការនេះស្រដៀងគ្នានឹងស្ថានការក្នុងខេត្ត Binh Duong ដែរដែលមានរោងចក្រឧស្សាហកម្មចំនួន ៤៨កន្លែងដែលមានកម្មករសរុបប្រមាណរាប់លាននាក់។ យោងតាមរបាយករណ៍ពីទស្សនាវដ្តីវិនិយោគអចលនទ្រព្យបានឲ្យដឹងថា អាជ្ញាធរក្នុង Binh Duong មានគម្រោងអភិវឌ្ឍន៍គម្រោងផ្ទះសាធារណៈប្រមាណ៣៧គម្រោងដើម្បីសាងសង់ផ្ទះចំនួន ៦៤,០០០យូនីតសម្រាប់ប្រជាជនមានប្រាក់ចំណូលទាប ប៉ុន្តែរបាយការណ៍នេះបានឲ្យដឹងថាគម្រោងនេះមិនទាន់អាចសម្រេចបានទេ៕
ចែករំលែកព័តមាននេះ