ADផ្ទាំងផ្សព្វផ្សាយពាណិជ្ជកម្ម

Picture

ការងារ​ជំនាញ​លក់ និង​ទីផ្សារ​កំពុង​រង្គោះរង្គើ​ក្រោម​សម្ពាធ​ធ្ងន់​មិន​ធ្លាប់​មាន

1 ខែ មុន

នៅ​ក្នុង​បរិបទ​សេដ្ឋកិច្ច និង​ដំណើរ​វិវត្តន៍​នៃ​សង្គម​សព្វថ្ងៃ​ជំនាញ​លក់ និង​ទីផ្សារ ដែល​ជា​ជំនាញ និង​ជា​ក្រុមការងារ និង​ស្លា​.​ប់រស់​របស់​ស្ថាប័ន​មួយ​អាជីវកម្ម​មួយ គឺ​ពិតជា​មាន​ហានិភ័យ​ខ្ពស់ ហើយ​ក៏​ជួប​នូវ​បញ្ហា​ប្រឈម​ជា​ច្រើន​មិន​ធ្លាប់​មាន​ដោយសារ​តែ​ភាព​ជឿនលឿន​នៃ​បច្ចេកវិទ្យា ។ ហានិភ័យ…

នៅ​ក្នុង​បរិបទ​សេដ្ឋកិច្ច និង​ដំណើរ​វិវត្តន៍​នៃ​សង្គម​សព្វថ្ងៃ​ជំនាញ​លក់ និង​ទីផ្សារ ដែល​ជា​ជំនាញ និង​ជា​ក្រុមការងារ និង​ស្លា​.​ប់រស់​របស់​ស្ថាប័ន​មួយ​អាជីវកម្ម​មួយ គឺ​ពិតជា​មាន​ហានិភ័យ​ខ្ពស់ ហើយ​ក៏​ជួប​នូវ​បញ្ហា​ប្រឈម​ជា​ច្រើន​មិន​ធ្លាប់​មាន​ដោយសារ​តែ​ភាព​ជឿនលឿន​នៃ​បច្ចេកវិទ្យា ។

ហានិភ័យ និង​បញ្ហា​ប្រឈម​ដែល​អ្នកជំនាញ​លក់ និង​ទីផ្សារ​កំពុង​តែ​ជួប​ប្រទះ​ខ្លាំង និង​បង្ក​ការ​លំបាក​ដល់​ពួក​គេ​នោះ គឺ​ល្បឿន​នៃ​ការ​ជឿនលឿន​នៃ​បច្ចេកវិទ្យា ការ​ផ្លាស់​ប្តូរ​ឥរិយា​បទ អ្នក​ប្រើប្រាស់ និង​បរិយាកាស​សេដ្ឋកិច្ច​សកល ។ ដើម្បី​ជំ​នៈ​នូវ​បញ្ហា​ដ៏​លំបាក​ទាំងនេះ កម្មវិធី​លុយ​នៃ​សារព័ត៌មាន​កោះសន្តិភាព បាន​ស្រាវជ្រាវ នូវ​ឯកសារ​មួយ​ចំនួន ហើយ​មក​មក​ផ្សព្វផ្សាយ ដើម្បី​ទុកជា​ចំណេះដឹង​សម្រាប់​ការ​ពិចារណា និង​ពិចារណា​រក​មធ្យោបាយ​គេច​ពី​បញ្ហា និង​បង្កា​នូវ​ហានិភ័យ​ដែល​នឹង​ប្រឈម ។

១.​ពង្រឹង​ការ​យល់​ដឹង​អំពី​ដំណើរ​ប្រែប្រួល​របស់​អតិថិជន
នៅ​ក្នុង​បរិបទ​បច្ចុប្បន្ន​សម្រាប់​ផ្នែក​លក់ និង​ទីផ្សារ គឺ​ការ​យល់​ដឹង និង​ការ​សម្រប​ខ្លួន​ទៅ​នឹង​ដំណើរ​នៃ​ការ​ប្រែប្រួល​ដ៏​ស្មុគស្មាញ​របស់​អតិថិជន ។ មក​ដល់​ពេល​បច្ចុប្បន្ន អន​ឡាញ គឺ​កំពុង​តែ​ជ្រាប​ចូល​ដល់​ក្នុង​ក្រអៅបេះដូង​របស់​អ្នក​ប្រើប្រាស់​ហើយ ដូច្នេះ​អ្នកលក់ និង​អ្នក​ទីផ្សារ គឺ​ចាំបាច់​ត្រូវ​តែ​រក​ឲ្យ​ឃើញ​នូវ​អន្តរ​កម្ម​រវាង​អតិថិជន និង​សេវាកម្ម​ឬ ក៏​ផលិតផល​ដែល​យើង​លក់ ឬ​ឃោសនា ។

២.​ឆ្លើយ​តប​ឲ្យ​បាន​នឹង​ការ​កើនឡើង​ការ​រំពឹង​ទុក​របស់​អតិថិជន
នៅ​ពេល​នេះ​ការ​រំពឹង​ទុក​របស់​អតិថិជន គឺ​ខ្ពស់​ជាង​ពេល​ណា​ៗ​ទាំងអស់ ដោយសារ​តែ​បណ្តាញ​សង្គម និង​ការ​ផ្សព្វផ្សាយ​កាន់តែ​លឿន ។ ដូច្នេះ​អ្នកជំនាញ​ផ្នែក​លក់ និង​ទីផ្សារ​ក៏​ត្រូវ​ផ្តោត និង​តាមដាន​នូវ​ដំណើរ​ប្រ​ពឹត្ត​ទៅ​នេះ​អោយ​បាន​ជាប់លាប់ ជា​ពិសេស គឺ​ពាក់ព័ន្ធ​នឹង​ការ​ផ្តល់​នូវ​បទ​ពិសោធន៍​ផ្ទាល់ខ្លួន ពេលវេលា​ឆ្លើយ​តប​រហ័ស និង​ការ​រំពឹង​ទុក​ពី​តម្រូវការ​របស់​អតិថិជន តាម​រយៈ​ការ​យល់​ដឹង​ដែល​គាំពារ​ដោយ​ទិន្នន័យ ។

៣. ការ​សម្រប​ខ្លួន​ទៅ​នឹង​បច្ចេកវិទ្យា​ដែល​កំពុង​រីក​ចម្រើន
ការ​រីក​ចម្រើន​យ៉ាង​ឆាប់រហ័ស​នូវ​បច្ចេកវិទ្យា​ដូច​ជា បញ្ញា​សិប្បនិមិត្ត (AI) និង​បច្ចេកទេស​នានា​បង្ហាញ​ទាំង​ឱកាស និង​បញ្ហា​ប្រឈម​សម្រាប់​ការ​លក់ និង​ទីផ្សារ ។ ខណៈ​ពេល​ដែល​បច្ចេកវិទ្យា​ទាំងនេះ​អាច​បង្កើន​អន្តរ​កម្ម​របស់​អតិថិជន ដំណើរការ​ដោយ​ស្វ័យប្រវត្តិ​នឹង​ផ្តល់​នូវ​ការ​យល់​ដឹង​ដ៏​មាន​តម្លៃ ។ អ្នកលក់ និង​អ្នក​ទីផ្សារ គឺ​ត្រូវ​តែ​ដាក់​បញ្ចូល​បច្ចេកទេស និង​ជំនាញ​ទៅ​ក្នុង​យុទ្ធសាស្ត្រ​ដែល​មាន​ស្រាប់ ហើយ​តម្រូវ​ឱ្យ​មានការ​វិនិយោគ និង​ពង្រឹង​ជំនាញ​សំខាន់​ៗ​នេះ​បន្ថែម​ទៀត ។ បញ្ហា​ប្រឈម គឺ​ស្ថិត​នៅ​លើ​សមត្ថភាព​នៃ​ការ​ទទួលយក​បច្ចេកវិទ្យា​ថ្មី​ៗ​ជា​យុទ្ធសាស្ត្រ និង​ធានា​ថា ក្រុម​អ្នកលក់ និង​ទីផ្សា គឺ​ពិតជា​មាន​ជំនាញ​ដែល​ត្រូវការ ដើម្បី​ប្រើប្រាស់​ឧបករណ៍ និង​យន្តការ​ទាំងនេះ​ប្រកបដោយ​ប្រសិទ្ធភាព ។

៤.​ភាព​មិន​ប្រាកដប្រជា​នៃ​សេដ្ឋកិច្ច​សកល
ទិដ្ឋភាព​សេដ្ឋកិច្ច​ពិភពលោក​ក្នុង​ឆ្នាំ​២០២៤ ត្រូវ​បាន​កំណត់​លក្ខណៈ​ដោយ​ភាព​មិន​ច្បាស់លាស់ ដែល​រង​ឥទ្ធិពល​ដោយ​កត្តា​មួយ​ចំនួន​ដូច​ជា ភាព​តានតឹង​ខាង​ភូមិសាស្ត្រ​នយោបាយ ជម្លោះ​ពាណិជ្ជកម្ម និង​ផលវិបាក​នៃ​ជំងឺ​រាតត្បាត COVID-19 ។ ក្រុម​អ្នកលក់ និង​ទីផ្សារ​ត្រូវ​តែ​រុករក​ភាព​មិន​ប្រាកដប្រជា​ទាំងនេះ​ដោយ​មាន​ភាព​រហ័សរហួន និង​សម្រប​ខ្លួន​ក្នុង​យុទ្ធសាស្ត្រ​របស់​ពួក​គេ ។

ការ​ផ្លាស់​ប្តូរ​សេដ្ឋកិច្ច​អាច​ប៉ះពាល់​ដល់​ទម្លាប់​នៃ​ការ​ចំណាយ​របស់​អ្នក​ប្រើប្រាស់ តម្រូវការ ទីផ្សារ និង​ទិដ្ឋភាព​ប្រកួតប្រជែង ដែល​ធ្វើ​ឱ្យ​វា​មាន​សារៈសំខាន់​សម្រាប់​អាជីវកម្ម​ក្នុង​ការ​ត្រួតពិនិត្យ និង​ឆ្លើយ​តប​ទៅ​នឹង​ការ​ផ្លាស់​ប្តូរ​យ៉ាង​ឆាប់រហ័ស ។
សរុប​មក​វិញ​អ្នកជំនាញ​ផ្នែក​លក់ និង​ទីផ្សារ​ប្រឈម​មុខ​នឹង​បញ្ហា​ប្រឈម​ជា​ច្រើន ដែល​ទាមទារ​ឱ្យ​មានការ​រួម​បញ្ចូល​គ្នា​នូវ​ការ​គិត​ជា​យុទ្ធសាស្ត្រ ភាព​រហ័សរហួន​នៃ​បច្ចេកវិទ្យា និង​ការ​យល់​ដឹង​ស៊ីជម្រៅ​អំពី​កា​រវិ​វត្ត​នៃ​អាកប្បកិរិយា​អ្នក​ប្រើប្រាស់ ។ ការ​សម្រប​ខ្លួន​ទៅ​នឹង​ទិដ្ឋភាព​ផ្លាស់​ប្តូរ​ទាំងនេះ​តម្រូវ​ឱ្យ​មានការ​ប្តេជ្ញា​ចិត្ត​ចំពោះ​អតិថិជន​ជា​ពិសេស ហើយ​អ្នកលក់ និង​អ្នក​ទីផ្សារ​ក៏​ត្រូវ​តែ​រិះគិត​និង​ដាច់ខាត​ត្រូវ​តែ​ទទួលយក​បច្ចេកវិទ្យា ដែល​កំពុង​រីក​ចម្រើន​ប្រកបដោយ​ការ​ទទួលខុសត្រូវ ។

ភាព​ជោគជ័យ​ក្នុង​ការ​យកឈ្នះ​លើ​បញ្ហា​ប្រឈម​ទាំងនេះ​នឹង​មិន​ត្រឹមតែ​ជំរុញ​កំណើន​នូវ​ជំនាញ និង​សមត្ថភាព​របស់​យើង​ផ្ទាល់ខ្លួន​ប៉ុណ្ណោះ​ទេ ប៉ុន្តែ​ថែម​ទាំង​នាំ​ដល់​ការ​រីក​ចម្រើន​របស់​ស្ថាប័ន​ឬ​ក្រុមហ៊ុន​ឬ​ក៏​សហគ្រាស​ដែល​យើង​កំពុង​តែ​បម្រើ​ការងារ​ផង​ដែរ ៕ ដោយៈ ស ផាត់ និង​ហេង ចេស្តារ

អត្ថបទសរសេរ ដោយ

កែសម្រួលដោយ