រាជធានីភ្នំពេញ ៖ រដ្ឋបាលខណ្ឌកំបូល បានបើកប្រតិបត្តិការចុះរៀបចំសណ្តាប់ធ្នាប់សាធារណៈ និងអនាម័យបរិស្ថានតាមដងផ្លូវយ៉ាងសកម្ម ដើម្បីលើកកម្ពស់សោភណភាពក្នុងមូលដ្ឋាននាព្រឹកថ្ងៃទី១៨ ខែវិច្ឆិកា ឆ្នាំ២០២៥ ។ នេះបើយោងតាមផេក…
រាជធានីភ្នំពេញ ៖ រដ្ឋបាលខណ្ឌកំបូល បានបើកប្រតិបត្តិការចុះរៀបចំសណ្តាប់ធ្នាប់សាធារណៈ និងអនាម័យបរិស្ថានតាមដងផ្លូវយ៉ាងសកម្ម ដើម្បីលើកកម្ពស់សោភណភាពក្នុងមូលដ្ឋាននាព្រឹកថ្ងៃទី១៨ ខែវិច្ឆិកា ឆ្នាំ២០២៥ ។
នេះបើយោងតាមផេក រដ្ឋបាលខណ្ឌកំបូល បានប្រកាសនារសៀលថ្ងៃទី១៨ ខែវិច្ឆិកានេះ ថា ៖ លោក ទ្រី ណារ៉េត អភិបាលរងនៃគណ:អភិបាលខណ្ឌកំបូល បានដឹកនាំកម្លាំងអធិការនគបាលខណ្ឌ មន្ត្រីការិយាល័យសាធារណការដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណ: និងអាជ្ញាធរសង្កាត់ចុះធ្វើការរៀបចំសណ្ដាប់ធ្នាប់សាធារណ: និងផ្សព្វផ្សាយណែនាំដល់បងប្អូនប្រជាពលរដ្ឋ និងអាជីវករលក់ដូរចល័តតាមរ៉ឺម៉ក រទេះ ដែលលក់លើសួនច្បារ និងចិញ្ចើមផ្លូវសាធារណ: តាមបណ្តោយផ្លូវជាតិលេខ៤ ស្ថិតភូមិសាស្ត្រសង្កាត់កន្ទោក និងសង្កាត់កំបូល ខណ្ឌកំបូល រាជធានីភ្នំពេញ ។
ការចុះអនុវត្តន៍នេះ មានគោលបំណងណែនាំ ឲ្យអាជីវករ និងប្រជាពលរដ្ឋបញ្ឈប់ការយកទីតាំងសាធារណៈធ្វើជាកន្លែងប្រកបអាជីវកម្ម និងចូលរួមរក្សាអនាម័យបរិស្ថាន ព្រមទាំងទុកចិញ្ចើមផ្លូវសម្រាប់សម្រួលដល់ការធ្វើដំណើររបស់សាធារណជន ដើម្បីធានាបាននូវសណ្តាប់ធ្នាប់ របៀបរៀបរយ និងសោភណភាពក្នុងមូលដ្ឋានខណ្ឌកំបូលឱ្យបានល្អប្រសើរ ៕
ចែករំលែកព័តមាននេះ