ខេត្តកំពង់ស្ពឺ ៖ ជនសង្ស័យចំនួន៥នាក់ បានត្រូវកងរាជអាវុធហត្ថខេត្តបញ្ជូនទៅសាលាដំបូងខេត្ត ក្រោយពីក្រុមជននេះធ្វើសកម្មភាពលួចទូរស័ព្ទដៃជនរងគ្រោះរួចព្យាយាមគេចខ្លួន ហើយម្ចាស់បានដាក់ពាក្យបណ្តឹងទៅអាវុធហត្ថក្រុងឧដុង្គម៉ែជ័យ ។ ក្រុមជនសង្ស័យលួចទូរស័ព្ទដៃនេះ ត្រូវបានបញ្ជូនទៅសាលាដំបូងខេត្ត កាលពីថ្ងៃទី១៥…
ខេត្តកំពង់ស្ពឺ ៖ ជនសង្ស័យចំនួន៥នាក់ បានត្រូវកងរាជអាវុធហត្ថខេត្តបញ្ជូនទៅសាលាដំបូងខេត្ត ក្រោយពីក្រុមជននេះធ្វើសកម្មភាពលួចទូរស័ព្ទដៃជនរងគ្រោះរួចព្យាយាមគេចខ្លួន ហើយម្ចាស់បានដាក់ពាក្យបណ្តឹងទៅអាវុធហត្ថក្រុងឧដុង្គម៉ែជ័យ ។
ក្រុមជនសង្ស័យលួចទូរស័ព្ទដៃនេះ ត្រូវបានបញ្ជូនទៅសាលាដំបូងខេត្ត កាលពីថ្ងៃទី១៥ ខែវិច្ឆិកា ឆ្នាំ២០២៥កន្លងទៅ ។ មន្ត្រីកងរាជអាវុធហត្ថខេត្ត និយាយថា ជនសង្ស័យទាំង៥នាក់នេះ មាន ៖
១-ឈ្មោះ ភាព សុខលាភ ភេទប្រុស អាយុ១៦ឆ្នាំ ជាអ្នករត់តុ ទីលំនៅភូមិក្នុងវាំង សង្កាត់វាំងចាស់ ក្រុងឧដុង្គម៉ែជ័យ ។
២-ឈ្មោះ តាប់ គឹមឡាយ ភេទប្រុស អាយុ១៦ឆ្នាំ ទីលំនៅភូមិម្លូម៉ីន ឃុំផ្សារដែក ស្រុកពញាឮ ខេត្តកណ្តាល ។
៣-ឈ្មោះ សុខ កំសត់ ភេទប្រុស អាយុ១៧ឆ្នាំ ទីលំនៅភូមិក្បាលអូរ សង្កាត់ព្រះស្រែ ក្រុងឧដុង្គម៉ែជ័យ ។
៤-ឈ្មោះ ជួ វាស្នា ភេទប្រុស អាយុ១៩ឆ្នាំ ជាអ្នករត់តុ ទីលំនៅភូមិក្នុងវាំង សង្កាត់វាំងចាស់ ក្រុងឧដុង្គម៉ែជ័យ ។
៥-ឈ្មោះ ជួ វាស្នី ភេទប្រុស អាយុ១៨ឆ្នាំ ជាអ្នករត់តុ ទីលំនៅភូមិក្នុងវាំង សង្កាត់វាំងចាស់ ក្រុងឧដុង្គម៉ែជ័យ ។
ក្រុមជនសង្ស័យខាងលើ ត្រូវបានកម្លាំងមូលដ្ឋានកងរាជអាវុធហត្ថក្រុងឧដុង្គម៉ែជ័យ ដឹកនាំដោយលោកវរសេនីយ៍ត្រី ធី រ៉ាសុី ឃាត់ខ្លួនជាបន្តបន្ទាប់កាលពីថ្ងៃទី១៣ ខែវិច្ឆិកា ឆ្នាំ២០២៥កន្លងទៅ ។ ក្រុមជននេះ បានធ្វើសកម្មភាពលួចទូរស័ព្ទម៉ាកអាយហ្វូន១គ្រឿង របស់ឈ្មោះ សំ ទិត្យ ភេទប្រុស អាយុ១៦ឆ្នាំ ទីលំនៅភូមិក្នុងវាំង សង្កាត់វាំងចាស់ ក្រុងឧដុង្គម៉ែជ័យ កាលពីវេលាម៉ោងប្រមាណ១២និង២០នាទីរំលងអធ្រាត្រឈានចូល ថ្ងៃទី១១ ខែវិច្ឆិកា ឆ្នាំ២០២៥ នៅផ្សារឧដុង្គ ភូមិផ្សារឧដុង្គ សង្កាត់វាំងចាស់ ក្រុងឧដុង្គម៉ែជ័យ ។
ក្រោយពេលឃាត់ខ្លួនក្រុមជនសង្ស័យបានហើយ សមត្ថកិច្ចបានដកហូតវត្ថុតាងទូរស័ព្ទប្រគល់ឲ្យម្ចាស់វិញ ៕
ចែករំលែកព័តមាននេះ