ពស់វែករនាមជាពស់ដែលមានប្រវែងវែងជាងគេ ដោយអាចមានរហូតដល់៥,៨៥ ម៉ែត្រ ។ ជាទូទៅពស់នេះមានពណ៌ខ្មៅ ឬពណ៌ត្នោត ដែលមានឆ្នូតកាត់ទទឹងពណ៌លឿង ហើយវាមានស្រការលោង និងមានក្រឡាធំៗនៅត្រង់គម្របក្បាល ។…
ពស់វែករនាមជាពស់ដែលមានប្រវែងវែងជាងគេ ដោយអាចមានរហូតដល់៥,៨៥ ម៉ែត្រ ។ ជាទូទៅពស់នេះមានពណ៌ខ្មៅ ឬពណ៌ត្នោត ដែលមានឆ្នូតកាត់ទទឹងពណ៌លឿង ហើយវាមានស្រការលោង និងមានក្រឡាធំៗនៅត្រង់គម្របក្បាល ។
នៅពេលដែលវាគិតថា វាមានគ្រោះថ្នាក់ វាអាចងើបក្បាលឡើងខ្ពស់ផុតពីដីរហូតដល់ទៅ ១,៥ម៉ែត្រ រួចបើកវែកដែលមើលទៅគួរឲ្យភ័យខ្លាចបំផុត ។
វា គឺជាសត្វសកម្មនៅពេលថ្ងៃ ហើយអាចមានជីវិតរយៈពេលប្រមាណជា២០ឆ្នាំ នៅក្នុងព្រៃធម្មជាតិ ។ ពស់ប្រភេទនេះ ចូលចិត្តរស់នៅតាមតំបន់វាល ឫស្សីក្រាស់តាមទំនាបនៃតំបន់កោងកាង និងតំបន់ជិតប្រភពទឹក ។
វា គឺជាសត្វដែលផ្អើលនឹងខ្លាចមនុស្ស ប៉ុន្តែវាកាចសាហាវនៅពេលដែលវាទាល់ច្រក ឬពេលដែលវាការពារសម្បុក ។ ពស់នេះ គឺសត្វពស់ស៊ីពស់ ក្រៅពីនេះក៏មានសត្វតូចៗមួយចំនួនទៀតដែរ ។
វា គឺជាប្រភេទសត្វពស់ដែលមានពិសសាហាវបំផុត ហើយប៉ះពាល់ដល់សរសៃប្រាសាទ បណ្តាលឲ្យស្វិត ឬស្ទះផ្លូវដង្ហើម ប្រសិនបើព្យាបានមិនទាន់ពេលវេលា ។
វាគឺសត្វដែលបង្កើតសម្បុកដោយប្រមូលស្លឹកឈើ និងអាចពងម្តងពី២០ ទៅ៥០ពង និង អាចញាស់ នៅក្នុងរយៈពេលពី៦០ ទៅ៨០ថ្ងៃ ដោយសត្វពស់ញីវាត្រូវនៅយាមពងរហូតដល់ពងនោះញាស់ ។
សព្វថ្ងៃនេះ វាមានជម្រកធម្មជាតិនៅប្រទេសជាច្រើន ដោយរួមទាំងកម្ពុជាផងដែរ ។ ប៉ុន្តែ វាកំពុងតែស្ថិតនៅក្នុងស្ថានភាពរងគ្រោះព្រោះបាត់បង់ជម្រក ការបរបាញ់ ដើម្បីយកស្បែក ឱសថបុរាណ និងការភ័យខ្លាចរបស់មនុស្ស ៕
ចែករំលែកព័តមាននេះ