អាមេរិក-អារ៉ាប៊ីសាអូឌីត ៖ ប្រធានាធិបតីអាមេរិក លោកដូណាល់ត្រាំ បានប្រកាសកាលពីថ្ងៃទី១៧ វិច្ឆិកា ពីការលក់យន្តហោះប្រយុទ្ធធុនF-35 ដល់អារ៉ាប៊ីសាអូឌីត ដែលការប្រកាសនេះ ធ្វើឡើងមុនទស្សនកិច្ចរបស់ព្រះអង្គម្ចាស់រជ្ជទាយាទម៉ូហាមេដបេនសាល់ម៉ាន…
អាមេរិក-អារ៉ាប៊ីសាអូឌីត ៖ ប្រធានាធិបតីអាមេរិក លោកដូណាល់ត្រាំ បានប្រកាសកាលពីថ្ងៃទី១៧ វិច្ឆិកា ពីការលក់យន្តហោះប្រយុទ្ធធុនF-35 ដល់អារ៉ាប៊ីសាអូឌីត ដែលការប្រកាសនេះ ធ្វើឡើងមុនទស្សនកិច្ចរបស់ព្រះអង្គម្ចាស់រជ្ជទាយាទម៉ូហាមេដបេនសាល់ម៉ាន នៅក្រុងវ៉ាស៊ីនតោន ។ លោកសម្ដែងការអបអរសាទរចំពោះភាពជាដៃគូ ចាប់តាំងពីយូរមកហើយរបស់អារ៉ាប៊ីសាអូឌីតជាមួយអាមេរិក។
ពេលសួរលោកពីការលក់យន្តហោះធុននោះ លោកត្រាំឆ្លើយថា ខ្ញុំអះអាងថា យើងនឹងធ្វើ។ យើងនឹងលក់បណ្ដាយន្តហោះF-35 ដល់អារ៉ាប៊ីសាអូឌីត។ ព្រះអង្គម្ចាស់រជ្ជទាយាទអង្គនោះ មកកាន់សេតវិមាននាថ្ងៃទី១៨ វិច្ឆិកា ដោយនាំមកជាមួយនឹងបញ្ជីមួយពីបំណងរបស់ទ្រង់ ពិសេសការធានាជាផ្លូវការ ពីសំណាក់លោកត្រាំ ទាក់ទិនការពង្រីកកិច្ចការពារខាងយោធា របស់អាមេរិកសម្រាប់ប្រទេសទ្រង់ និងកិច្ចព្រមព្រៀងទិញយន្តហោះប្រយុទ្ធF-35 ដែលជាយន្តហោះសុក្រិតមួយនៃពិភពលោក។
សហរដ្ឋអាមេរិកដែលមានការបារម្ភ និងរារែកក្នុងការលក់យន្តហោះF-35ដល់អារ៉ាប៊ីសាអូឌីត ក៏ដូចជាឲ្យអេមីរ៉ាត់អារ៉ាប់រួមផងដែរ ព្រោះខ្លាចបច្ចេកវិទ្យាF-35រួអាចលួចតាមបែបណាមួយដោយចិន ព្រោះតែចិនមានទំនាក់ទំនងជិតស្និទ្ធទាំងជាមួយអារ៉ាប៊ីសាអូឌីតទាំងជាមួយអេមីរ៉ាត់អារ៉ាប់
រួម ដែលសុទ្ធតែមានទំនាក់ទំនងជិតស្និទ្ធជាមួយចិន ៕
ចែករំលែកព័តមាននេះ