កីឡាករបង្គោលខៀវសប្បាយលោតកញ្ជ្រោលអរចង់ហោះម៉ង បន្ទាប់ពីគណៈកម្មការប្រកាស
- ភ្នំពេញ
រាជធានីភ្នំពេញ ៖ ការប្រកួតជ្រើសរើសជើងឯក TV5 Knock out Series by K-Cement រដូវកាលទី៥…
រាជធានីភ្នំពេញ ៖ ការប្រកួតជ្រើសរើសជើងឯក TV5 Knock out Series by K-Cement រដូវកាលទី៥ ក្នុងប្រភេទទម្ងន់៥៤គីឡូក្រាម កាលពីថ្ងៃទី១៨ ឩសភា ត្រូវបានបញ្ចប់ទៀតហើយ ដោយ កីឡាករបង្គោលខៀវ សូត្រ វាសនា មកពីក្លិបបក្សីស្លាបដែក បានក្លាយជាអ្នកបានឡើងវគ្គ៨នាក់ បន្ទាប់ពីឈ្នះពិន្ទុបង្គោលក្រហម ប្ញទ្ធិ សាស្ត្រាវុធ ដែលជាសិស្សជើងខ្លាំងមកពីក្លិបអាណាចក្រប្រយុទ្ធ ខេត្តសៀមរាប។
នេះជាការប្រកួតរវាងអ្នកឈ្នះទាំង១៦នាក់ យកតែ៨នាក់ ក្នុងសប្ដាហ៍ទី៣។ ខុសពីគូប្រកួតផ្សេងៗ ដែលប្រើរយៈពេលប្រកួត៣ទឹកដូចគ្នា ប៉ុន្តែពេលខ្លះក៏ព្រលែងដៃដាក់គ្នាខ្លះៗ សម្រាប់មួយគូនេះ គេកត់សម្គាល់ថា កីឡាករម្ខាងៗអត់មានសំចៃដៃ ឬទុកមុខឱ្យគ្នាតែម្ដង ពេញរយៈពេល៣ទឹក ដែលនេះអាចមកពីអ្នកទាំងពីរសុទ្ធតែត្រូវការឡើងទៅកាន់វគ្គបន្ត ហើយមិនចង់ជ្រុះចេញពីកម្មវិធី។
យ៉ាងណាមិញ កីឡាករទាំងពីរមិនអាចទទួលឱកាសឡើងទៅវគ្គបន្តនោះទេ ដោយការប្រកួតបើទោះជាបង្គោលក្រហម ប្ញទ្ធិ សាស្ត្រាវុធ ដែលជាកីឡាករជើងខ្លាំង និងមានប្រវត្តិធ្លាប់ខ្លាំងស្ទើរគ្រប់សង្វៀនមកហើយ ក៏បង្គោលខៀវ នៅតែដណ្ដើមបានជ័យជម្នះ។
កីឡាករបង្គោលខៀវ បង្ហាញអារម្មណ៍លោតកញ្ជ្រោលសប្បាយអរចង់ហោះ បន្ទាប់ពីត្រូវបានគណៈកម្មការប្រកាសថា បានឈ្នះពិន្ទុ ដោយសារតែគេប្រកាសថា មិនចង់ជឿថាឈ្មោះរបស់ខ្លួនត្រូវបានប្រកាសអោយជាប់ក្នុងវគ្គ៨នាក់ ដែលវគ្គកាន់តែសំខាន់ក្នុងការប្រកួតជើងឯក។ យ៉ាងណាមិញលោកនៅតែបង្ហាញអារម្មណ៍ភ័យៗសម្រាប់ការប្រកួតជម្រុះក្នុងវគ្គបន្ត ដោយមិនទាន់ដឹងថា នឹងមានសំណាងបែបនឹងម្ដងទៀត ឬត្រូវជ្រុះហាលអាវ លែងបានប្រកួតបន្តនោះទេ។
ចែករំលែកព័តមាននេះ