ខេត្តត្បូងឃ្មុំ ៖ ដេប៉ូលក់ក្រួសខ្សាច់មិនក្រោមចំនួន១០កន្លែង នៅក្នុងឃុំទន្លេបិទ ស្រុកត្បូងឃ្មុំ រាល់ថ្ងៃនេះត្រូវបានគេមើលឃើញថាមានកន្លែងខ្លះ បានយកចិត្តទុកដាក់តាមការណែនាំ របស់ស្ថាប័នជំនាញ ដោយមិនបានបង្កឲ្យមានផលប៉ះពាល់បរិស្ថាន ហើយរថយន្តតូចធំបានដឹកខ្សាច់ដោយគ្របមិនជិតដែល…
ខេត្តត្បូងឃ្មុំ ៖ ដេប៉ូលក់ក្រួសខ្សាច់មិនក្រោមចំនួន១០កន្លែង នៅក្នុងឃុំទន្លេបិទ ស្រុកត្បូងឃ្មុំ រាល់ថ្ងៃនេះត្រូវបានគេមើលឃើញថាមានកន្លែងខ្លះ បានយកចិត្តទុកដាក់តាមការណែនាំ របស់ស្ថាប័នជំនាញ ដោយ
មិនបានបង្កឲ្យមានផលប៉ះពាល់បរិស្ថាន ហើយរថយន្តតូចធំបានដឹកខ្សាច់ដោយគ្របមិនជិតដែល
ជាហេតុធ្វើឲ្យខ្សាច់ជ្រុះរាយប៉ាយ តាមផ្លូវបេតុងនិងផ្លូវជាតិលេខ៧ នៅតែជាបញ្ហាដដែល ។
តាមប្រភពពីស្ត្រីម្នាក់មានវ័យជាង៦០ឆ្នាំ រស់នៅភូមិទន្លេបិទ ម្តុំមុខសាលារៀនបឋមសិក្សាទន្លេបិទ បានប្រាប់ឲ្យដឹងនៅព្រឹកថ្ងៃទី១៥ ឧសភា ២០១៩ថា កន្លងមកដេប៉ូលក់ក្រួសខ្សាច់នៅមុខផ្ទះរបស់គាត់ជាប់ទន្លេមេគង្គបានដាក់ហៀរមកដល់ផ្លូវបេតុង ហើយនៅពេលដែលរថយន្តតូចធំចូលមកដឹកខ្សាច់ម្តងៗធ្វើឱ្យហុយមកចូលផ្ទះរបស់គាត់ ដោយសារតែពិបាកទ្រាំពេក គាត់បានយកក្រណាត់និងដែកស័ង្កសីមកចងបាំងតាមរបងដែកពីមុខផ្ទះ ដើម្បីកាត់បន្ថយកុំឲ្យហុយចូលមកក្នុងផ្ទះពេក ។
ស្ត្រីដដែលបានប្រាប់បន្តថា ទើបតែមកក្នុងឆ្នាំ២០១៩នេះគេធ្វើរបងដែកដើម្បីខណ្ឌកុំឲ្យរថយន្តដឹកខ្សាច់ដាក់ហៀរមកលើថ្នល់បេតុង ចាប់តាំងពីដាក់របងដែកមកឃើញថា ផ្ទះរបស់គាត់ត្រូវបានកាត់បន្ថយការហុយច្រើន ។ ចំណែកត្រង់មុខសាលារៀនបឋមសិក្សាទន្លេបិទវិញ នៅមិនទាន់ឃើញម្ចាស់ដេប៉ូលក់ក្រួសខ្សាច់ ធ្វើរបងដែកស័ង្កសីដាក់បាំងទេ គឺនៅតែបន្តយកផ្លូវបេតុងធ្វើអាជីវកម្មដោយខ្សាច់ជ្រុះរាយប៉ាយដដែល ។
ប្រជាពលរដ្ឋបានលើកហេតុផលថា កន្លងមកពេលដែលគ្រួសាររបស់គាត់បានអង្គុយហូបបាយជុំគ្នាសុខៗ ហើយស្របពេលមានរថយន្តមកដឹកខ្សាច់នៅមុខផ្ទះ ហើយគ្រឿងចក្រចូកខ្សាច់ម្តងៗ បណ្តាលឲ្យហុយចូលចានបាយសម្លក៏មានដែរ ។
លោកភិន ឈុន មេឃុំទន្លេបិទវិញមានប្រសាសន៏ឲ្យដឹងដែរថា កន្លងមកលោកអភិបាលខេត្ត និងស្ថា
ប័នមន្ទីររ៉ែនិងឋាមពលខេត្ត អាជ្ញាធរមូលដ្ឋាន បានចុះមកពិនិត្យឃើញថាដេប៉ូលក់ក្រួសខ្សាច់ចំនួន
៤កន្លែងនៅមុខសលាបឋមសិក្សាទន្លេបិទ ត្រូវបានបិទមិនឲ្យធ្វើអាជីវកម្មបណ្តោះអាសន្នក្រោយពីបាន
រកឃើញថា រថយន្តដឹកខ្សាច់មិនគ្រប បណ្តាលឲ្យខ្សាច់ជ្រុះរាយប៉ាយមកលើផ្លូវបេតុងនោះ។
មកដល់ជិតពាក់កណ្តាលខែឧសភា ២០១៩ មានដេប៉ូខ្សាច់ដែលត្រូវបិទនោះបានកំពុងតែធ្វើការកែលម្អបណ្តើរៗហើយ ដើម្បីឲ្យមានបរិស្ថានស្អាតជាងមុន ដោយមិនដាក់រថយន្តដឹកខ្សាច់លើផ្លូវបេតុងទៀតឡើយ៕
ចែករំលែកព័តមាននេះ