ការប្រើប្រាស់ស្មាតហ្វូនច្រើនបានបង្កឲ្យមនុស្សកាន់តែច្រើនរត់ទៅរកវេជ្ជបណ្ឌិតផ្នែកែសម្ផស្ស។ វេជ្ជបណ្ឌិតក្នុងសហរដ្ឋអាមេរិកបានប្រាប់ឲ្យដឹងថា ចំនួនអ្នកជម្ងឺដែលជាពិសេសភាគច្រើនជាអ្នកវ័យក្មេងដែលចង់ព្យាបាលការចុចរោយកបានកើនឡើងយ៉ាងខ្លាំង ។
វេជ្ជបណ្ឌិត Alanna Fostyk ដែលមកពីវិទ្យាស្ថានវះកាត់កែសម្ផស្សនៅ Beachwood បាននិយាយថា មានអ្នកជម្ងឺអាយុ២០ស្តើងជាច្រើនរត់ទៅរកវេជ្ជបណ្ឌិតព្រោះតែពួកគេឧស្សាហ៍ឱនមុខចុះសម្លឹងស្មាតហ្វូន ។ ជម្ងឺ Tech Neck ឬការចុករោយក៏ដែលបង្កឡើងព្រោះតែការឱនមុខចុះសម្លឹងមើលស្មាតហ្វូន ថាប្លេត និង Laptop នេះត្រូវបានបង្កើតឡើងជាច្រើនឆ្នាំមុន ប៉ុន្តែបច្ចុប្បន្ននេះវាមានន័យខុសពីមុន ។
វេជ្ជបណ្ឌិត Fostyk បាននិយាយថា វាបានក្លាយជាបញ្ហាដែលកមានស្នាមជ្រាវជ្រួញវិញ។ ការសិក្សាមួយចំនួនបានបង្ហាញឲ្យដឹងថាមនុស្សពេញវ័យម្នាក់ក្នុងសហរដ្ឋអាមេរិកចំណាយពេលវេលាប្រមាណ៣ម៉ោងកន្លះក្នុងការប្រើប្រាស់ស្មាតហ្វូន Laptop និងថាប្លេត ហើយចំនួននេះមានទ្វេដងសម្រាប់មនុស្សវ័យជំទង់ដែលអាចកើនដល់ទៅ ៩ម៉ោងក្នុងមួយថ្ងៃឯណោះ។
វេជ្ជបណ្ឌិតខាងលើបានបន្ថែមថា សម្ពាធបានពីការឱនកបានបង្កឲ្យមានភាពជ្រាវជ្រួញព្រោះចង្កា និងកមានខូឡាជែនតិចពីធម្មជាតិមកហើយ ។ វាបានក្លាយជាកង្វល់មួយសម្រាប់មនុស្សគ្រប់វ័យខណៈដែលវិស័យគ្រឿងសម្អាងបានបង្កើតផលិតផលដើម្បីប្រឆាំងនឹងស្នាមជ្រាវជ្រួញដែលមានតម្លៃរវាងពី២០ដុល្លារទៅ៣០០ដុល្លារជាដើម ។
មនុស្សជាច្រើនក៏បានសម្រេចចិត្តធ្វើការព្យាបាលដើម្បីកាត់បន្ថយស្នាមជ្រួញលើផ្ទៃកខាងមុខរបស់ពួកគេដែរដែលបង្កឲ្យមានការចំណាយរាប់រយដុល្លារ ខណៈដែលការព្យាបាលខ្លះអាចមានតម្លៃដល់ទៅ១ពាន់ដុល្លារថែមទៀតផង ។ ប៉ុន្តែវេជ្ជបណ្ឌិត Fostyk បាននិយាយថាអ្នកមិនចាំបាច់ចំណាយថវិកាច្រើនដើម្បីកាត់បន្ថយស្នាមជ្រាវជ្រួញនោះទេ អ្នកអាចជៀសវាងវាបានដោយពិសារទឹកឲ្យបានច្រើន និងបរិភោគអាហារល្អៗ ខណៈដែលកាត់បន្ថយការឱនមុខចុះផងដែរ។
ចែករំលែកព័តមាននេះ